Search

Teacher: Bachon wada kro kabhi sharab,
cigrette nahi piyo ge
Bachey: Nahi piyenge
Teacher: Girls ka peecha nahi karoge
Bachey: Nahi karenge
Teacher: Unn par awaaze nai kaso ge
Bachey: nahi kasenge
Teacher: Watan par zindigi qurbaan karo ge
Bachey: Kardenge, Aesi zindigi ka karna bhi kya hai..

Nasir kya kahta phirta hai kuch na suno to behtar hai
diwana hai diwane k muh na lago to behtar hai
kal jo tha wo aj nahi jo aj hai kal mit jayega
rokhi sokhi jo mil jaye shukr karo to behtar hai
kal ye taab o tawan na rahegi thanda ho jayega lahu
naam-e-Khuda ho jawan abhi kuch kar guzro to behtar hai
kya jane kya rut badle halat k koi thik nahi
ab k safar main tum bhi hamare sath chalo to behtar hai
kapre badal kar baal bana kar kahan chale ho kis k liye
raat bahut kali hai Nasir ghar main raho to behtar hai....!

Maine kaha mere lye Bhi dua kya kro
Us ne kaha es ki na fikar kya kro

Me ne kaha mere zehan pe rehta hai bojh sa
Us ne kaha chuup k kahin ro lya kro

Maine kaha teray khwab jaga dete hen
Us ne kaha raaton ko socha na kro

Me ne kaha raaton ko neend nhi aati
Us ne kaha sone ki koshish to kya kro

Me ne kaha dil me teri yaaden hen
Usne kaha k dil ko samjhaya kro

Me ne kaha teray milne ki umeed hai kya?
Usne kaha qismat pe bharosa kya kro...!

Khuwab posh aankhon mein,
Aansuon ka bhar jana,
Hasraton k sahil pr,
Titlion ka mar jana,
Habs ki hawaon men,
Khushbuon ka darr jana,
Dil k garm sehra men,
Hashar he barpa hona,
Dard la dwa hona,
Kya bohat zaroori tha,
Ab tera judaa hona...?

Tooti hai meri Neend Mgar tum ko es sy kya
Bajtay rahe hawaoon say dar tum ko es sy kya

Tum moj moj Misl-e-Saba Ghoomtay raho
Kat jaen meri soch k par, tum ko es sy kya

Oron ka hath thamo, unhen rasta dikhao
Mein bhool jaoon apna hi ghar, tum ko es sy kya

Lay jaein Mujhay Mal-e-Ganeemat k sath
Tum nay to daal di hai sipar, tum ko es sy kya

Tum nay to thak k dasht mein khaimay laga liyee
tanha kattay kisi ka safar,tum ko es sy kya...!

Tum say bichar kar kya huun main

Ek adhoori nazam ka misra !!

Ya koi beemar parinda !!

kita men ek zinda titli !!

Ya ek murda peela patta !!

Aankh hoon koi khowab zada si !!

Ya aankhon mai toota sapna !

Palkon ki deewar k peechay !

Pagal qaidi....ya ek aansu !

Dhoop men lipta lamba sehraa !

Tooti hui chorri ka tukra !

Ya koi bhoola hoa waada !

Tum hi batao

Tum say bichar kar aya huun main

Ek purani qabar ka katba

ya

Ek matrook dua...!

hai aur kya jisay dekhien teray jamaal key bad
tamam umr katti intezar mein apnii
koii bhi dukh na milla phir teray malal key bad
jawaab mil gya mujhey teri khamoshi sey
tumharey lafz kyoun khoye meray sawaal key bad
tumharey meray taaluq pey youn khizaan chaye
kabhi urooj nahi hai jisay zawaal key bad
main teri yaad key chehray ko dhaanp doon lekin
bachay ga kya meri jholi mein es kamaal key bad
wo ab kii baar milla es qadar takaluf sey
k kuch bhii na pooch paya main us sey haal key bad...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!