Search

kiyon kisi aur ko dukh dard sunaoun apnay
apni aankhon say bhi mein zakhm chhupaao apnay

mein tou qaim hon tere gham ki badolat warna
yun bikhar jaoon k khud hath nah aon apnay

sher logon kay bohat yaad hain ouron kay liye
tou milay tou mein tujhay sher sunaoun apnay

sochta hon k bujha duun mein yeh kamray ka diya
apnay sayay ko bhi kiyon sath jagaon apnay

is ki talwar ne woh chaal chali hai aisi
paon katete hain agar hath bachaoo apnay

Jaane us shaks ko kesa yeh hunar aata hai

Raat hote hi aankhon mein utar jata hai



Mein Us kay khayal se nikaloon to kahan jaon

Wo meri soch kay har raste pe nazar aata hai...!

Zakhmon Ko Gulaab Likh Rahay Hain

Jaisay Koi Khwaab Likh Rahay Hain


Paani Ko Bana Ke Roshnaai

SholoN Ka Jawaab Likh Rahay Hain


Hum Apni Khushi Se Apne Tan Par

Mausam Ka Aazaab Likh Rahay Hain


Wo Saamnay Rakh Ke Chikna Kaaghaz

Baarish Ka Hisaab Likh Rahay Hain


Parhtay Hain Hum Tou Chehray

Aur Aap Kitaab Likh Rahay Hain

Tamam sheher ko heraan karne wala hoon,
Main apne hone ka aelaan karne wala hoon,

Kahin gira ke teri yaad ka yeh kuh-e-giraan,
Safar ko aur bhi asaan karne wala hoon,

Yeh silsila meri ankhon pe hi nahin moqoof,
Mein tera sheher bhi viraan karne wala hoon,

Abhi woh morr nahin aya is kahani mein,
Jab mein sab ko pareshaan karne wala hoon,

Yeh kis ne raat mujhe neend se jaga ke kaha,
Chiraag-e-khawab tujhe daan karne wala hoon,

Tamaam umar kahan hai woh meri kismat mein,
Bass aik raat ka mehmaan karne wala hoon..

Saarey waadon ko bhula sakta hun,
lekin rehne do..!

Main tumhein choar k ja sakta hun,
lekin rehne do..!

Tum jo har morr pe keh daitey ho khuda hafiz,
faisla mein bhi suna sakta hun,
lekin rehne do..!

Tum ne jo baat ki dil ko dukhaney wali,
us per main muskura b sakta hun,
lekin rehne do..!

Sharam aaye gi tumhein
warna tumharey waaday,
main tumhein yaad dila sakta hun,
lekin rehne do...!

khwab ki tarah bikhar jane ko jee chahata hai
aisi tanhai k mar jane ko jee chahata hai

ghar ki vehshat se larazata hun magar jane kyon
sham hoti hai to ghar jane ko jee chahata hai

dub jaun to koi mauj nishan tak na bataye
aisi nadi mein utar jane ko jee chahata hai...!

DIWANA KEH KE KHUD KO DIWANA BANA LIYA
HER HUSN KO CHAHA HER ADA KO APNA LIYA

HUME BHI SHAUK HAI TAFREEH KA YE DOST
ZINDAGI KI HER MOD PE EK AFSANA BANA LIYA

HUME TO NASIHAT MILI BAHUT RAAH E RAAST KI
AUR EK HUM HAIN KI DIL KO PATTHAR BANA LIYA

HUME TAMIZ HAI NA IBTEDA AUR NA INTEHA KI
JAHA SE JEE CHAHA SABAK SUNA LIYA

TAPISH TO HAI HUMARE MIZAAJ ME BHI
JO RUTHA KOI HUMSE USAY MANA LIYA

SOCHA JO KABHI APNE MUSTAKBIL KI YE
GHAM E HAYAT ME CHUPKE CHUPKE AASOON BAHA LIYA....!