Search

Nazar Fareb-E-Kazaa Kha Gai To Kyaa Hoga
Hayaat Maut Se Takaraa Gai To Kya Hoga

Nayi Sahar Ke Bahut Log Muntazir Hain Magar
Nayi Sahar Bhi Kajlaa Gai To Kya Hoga

Na Rahanumaaon Ki Majalis Mein Le Chalo Mujhko
Main Be-Adab Hun Hansii Aa Gai To Kya Hoga

Gham-E-Hayaat Se Beshaq Hai Khudkushi Aasaan
Magar Jo Maut Bhi Sharmaa Gai To Kyaa Hoga

Shabaab-E-Laalaa-O-Gul Ko Pukaarane Vaalon
Khizaan-Sirisht Bahaar Aa Gai To Kya Hoga

Ye Fikr Kar K Is Aasodagi K Dhoke Mein
Teri Khudi Ko Bhi Maut Aa Gai To Kya Hoga

Khushii Chhini Hai To Gham Ka Bhi Aitamaad Na Kar
Jo Rooh Gham Se Bhi Ukataa Gai To Kya Hoga

Kaho ab kia kahoon tum se
Batao kia likhoon tum ko
Mujhe tamheed do koi mujhe umeed do koi
Naya ik lafz ho koi

Jahan se baat chal nikle meri mushkil ka hul nikle
Batao lehja kaisa ho
K tum se baat kerni hai
Mujhe thora ujala do baser ik raat kerni hai
Tum apni roshan aankhon ko

Ager kholo to mein likhoon
Tumhare lub se aaye ga sukhan mein ik kateela pun
Tumhaari aankh de de gi takhatub ko nasheela pun
Kaho ab kia irada hai

Mujhe izhaar kerna hai
K beytaabi ziada hai
Kaho....ab....kia kahoon....tum se....!!!!

Kaho ab kia kahun TUM se?
Batao kia likhun tum ko?
Mujhe tamheed do koi.
"Mujhe umeed do koi..
Naya ik Lafz ho koi..
Jahan se baat chal niklay..
"Meri mushkil ka hal niklay..
Batao lehja kaisa ho?
"K tum se baat kerni hai..
Mujhe thora ujala do..
Basar ik raat kerni hai..
TUM apni roshan aankhon ko..
"Ager kholo to main likhun..
Kaho ab kia irada hai?
""Mujhe izhaar Kerna hai..
TUM hi se pyar kerna hai..
TUMHARAY sang jeena hai,

tumhari simt bheji gai
kaghaz ki kishti main sawar sary lafz
pani main kood kar apni jan dy chuky hain
pani par un ki tairti hui lashain
oper mandlati cheelon ky intizar main
mayos ho chuki hain

lekin us murjhay huy phool ka kia hoga
jo men nay apni ankhen girwi rakh kar
tumhary liy khareda tha
usy to ye pata bhi nahin hay
ke ye intizar ky ibtidaai dinon ki dastan hay

Agar mein bata don mein kia chahti hon
nazron say apni gira tou na doo gay

Jo mein chahti hon, woh tub bhi na chaho
Mujhey koi kari si saza tou na dou gay

Mein mohabbaton mein jabar ki qayal nahin hon
Dil laga ker mujh ko bhula tou na doo gay

Jo mein bata don meray mun main kia hay
Tum jahan mein tamasha bana tou na dou gay

Darti hon tum say mein raaz-e-dil sunatay
Tum hansi main baat ura tou na dou gay

Agar mein bata don mein kia chahti hon
Wafaon k badlay jafa tou na dou gay
Aur mujh hi say daman chhura tou na lo gay.