Search

Ab k saal kuch aisa karna
Apney pichley guzray saal k
Dukh sukh ka andaza karna
Bichri yaadein taza karna
khuwaobon sa ik kagaz ley kar
Bhooley bichray pal likh lena


Phir iss beetey ik ik pal ka
Apney guzrey ik ik kal ka
Ik Ik mourr ka ehata karna
Sarey dost akhata karna
Saree subhain hazir rakhna
Saree shamein paas bulana


Aur alawa in k dekhoo
sarey mausam dheyaan mein rakhna
Ik ik yaad gumaan mein rakhna
Phir mohtaat qiyaas lagana
Ger to khushiyaan barh jati hain
Tu phir tum ko meri taraf se yeh saal mubarak
Aur agar gham barh jaye to
To hum ko ik pal k liye zaroor yaad kerna

Wafa Ruswa Nahi Karna Suno Aisa Nahi Krna

Main Pehlay He Akela Hon, Mujhy Tanha Nahi Krna

Judai Bhi Jo Aa Jaye, Tu Dil Chota Nahi Krna

Buhat Musrof Ho Jana Mujhy Socha Nahi Krna

Bharoosa Bhi Zarori Hai Magar Sab Ka Nahi Krna

Muqadar Phir Muqadar Hai, Kabi Daawa Nahi Krna

Jo Likha Hai Wahi Ho Ga Kbhi Shikwa Nahi Krna

Meri Takmeel Tum Se Hai Mujhay Adha Nahi Karna

Haqeeqat Hai Milan Apna, Isay Spna Nai Krna

Hamain Tum Yad Rehtay Ho, Hamen Bhoola Nahi Krna ..

Tum Rooth Jao Mugh se
Aisa Kabhi Na Karna

Main Ek Nazr Ko Tarsun
Aisa Kabhi Na Krna

Main Puch Puch Haarun
So So Sawal Kar k

Tum Kuch Jawab Na Do
Aisa Kabhi Na Karna

Mugh se Hi Mil K Hasna
Mugh Hi Mil K Rona

Mujh se Bichar K Jee Lo
Aisa KABHI Na Karna

Tum CHAND Ban K Chamko
Me Dekhti Rahun Gi

KISI ROZ Tum Na Niklo
Aisa Kabhi Na Karna

Tum Door Jao Jab Bhi
Dekhon TUMHARA Rasta

Tum LOUT Kr Na Aao
Aisa Kabhi Na Karna

MUHABAT KAY TASSAVUR KO AGAR TASVEER KARNA HAY
DHANAK SAY RaNG LAY LENA
SITAROUN SAY DaMAK LENA
SEHeR SAY ROOSHNI LENA
GULOUN SAY DILKASHI LENA
MUGHANNI BULBULON SAY NAGHMAGI LENA
ALA-S-SUBHA JAAG JANA
OOS KAY QATROUN SAY TUM
PAKIZGEE OR TAAZGEE LENA
SABAHAT HOOR SAY LENA
MALAHAT TUM MERAY MEHBOOB SAY LENA

MUHABAT KAY TASSAVUR KO AGAR TASVEER KARNA HAY
HAZAROUN BHEED WALAY
BAR-E-AAZEM KAY TAHAYUR KHAIZ KHITUN MAIN CHLAY JANA
BOHAT MAKHSOOS JUNGLE MAIN
QALANCHAY MARTAY AAHOUN KA RAM TASKHEER KAR LENA
OR US KAY NAAFA-E-MaGHZAN SIFT SAY
KUSHBOO-E-JADU ASAR LENA


MUHABAT KAY TASSAVUR KO AGAR TASVEER KARNA HAY
LAGAY JAB JUNGLON MAIN AAG
US AATISH KAY SHOLOUN SAY
GHAZAB KI TUM LAPAK LENA
SAMANDER SAY TAHHAAMUL, ZABT OR GEHRAEE LAY LENA
BAHAROUN SAY YEA KAHNA
APNI SHADABI TUMHAIN DAY DAIN

MUHABAT KAY TASSAVUR KO AGAR TASVEER KARNA HAY

KISI SAR-SABZ WADI MAIN
CHAMAKTI JHEEL PER JAB KALAY BAADAL JHOOM KAR CHAAEEN
HAWA RUK JAEEY
BARISH KI BOHAT NANNHI SI BAY HAD DILNASHEEN SHEHZAADIYAN
BOONDOUN KI NAZUK PAALKI MAIN JAB UTER AAEEN
TO YEA MANZER CHURA LENA

YEA SARAY RANG OR MANZAR TUM HARAY HAATH AAA JAAEEN
MAGER PHIR BHI ADHOORI SI TUMHAIN TASVEER LAGTI HO
MUHABAT KI AGAR YEA MOONA LIZA BAN NAHI PAA EE
TO PHIR IK KAAM TUM KARNA
MERAY TUTAY HUAY DIL KI
HAR IK KIRCHI UTHA LENA
YEA HI JOHAR TO US TASVEER MAIN
IK ROOH PHOONKAY GA
MUHABAT KAY TASSAVUR KO AGAR TASVEER KARNA HAY

Mujay tum raaegan kerna,
Mager ye dhiyaan mein rakhna,
Bhulaa daina….
Mager bus ek zara,
Ye dhiyaan mein rakhna,
Kay jazbay mar nahien sktay,
Basher to mar be sktay hien,
Shajer to gir be sktay hien,
Salamat phir bhi rehtay hien,
Wo kuch pal….
Jo kisi kay derd kay dumsaaz bun jaaien,,
Chamakte rung bun ker,
Kisi masoom chehray per bikher jaaien,
Tamaazat phir be daitay hien,
Thitharti shab mein marti zindgi ko,
Bachaa lainay walay garam jhoonke,
Haraarat phir be daitay hien,,,
Ye gum phir be nhi merta,
Her ek pal saans laita hay,,
Muhabbat kernay walay ko,
Ajab si piyaas daita hay,
Milan ki aas daita hay

kabhi jo mujh ko talaash karna
tou chaand raton ki chandni mein
gul e chaman say sawal karna
udas kiyon ho?
kiyon oas qatron mein apnay ansoo
chupaa rahay ho
haseen mousam mein kis ki yaadion mein
apnay dil ko jala rahay ho
gul e chaman yeh sawal sun kar
tumhari aamad ka haal sun kar
kahe ga tum jis ko khojte ho
woh in baharon ki saari khushbu
chura kay ab ik naye chaman mein
mehak raha hai
udas kar kay yahan peh hum ko
kisi chaman mein chehak raha hai
gul e chaman ka yeh haal sun kar
tumhein lagey ga mein bay wafa hon
udas kaliyon ko chhor kar mein
nai baharon ko dhoondata hon
magar haqeeqat mein iss chaman kay
tamam phoolon ki khawahishon ka
aur in ki nakaam kawishon ka
haseen mousam ki baarisho ka
nah mairay dil par asar howa tha
nah mairay dil par asar howa hai
mein aaj bhi ik naye chaman mein
purane qsse suna raha hon
jo meri chahat ka dewta tha
mein aaj bhi uss ko poojta hon
yqin nahi tou palat kay daikho
wahin khara tha , wahin khara hon

Maqam Hasil Karna Hai to Nasl-e-Insani k Sachay Kher Khuwah Bano.