Search

Door tak chhaye thay baadal aur kahin saaya na tha
Is tarah barsaat ka mausam kabhi aaya na tha

Kia mila aakhir tujhe saayon ke peechhey bhaag ker
Ae dile naadan tujhey kia humney samjhaya na tha

Uff yeh sannata ke ahat tak na ho jis mai mukhil
Zindgi mai is qadar hum ne sukoon paaya na tha

Khoob roye chhip ke ghar ki chaardeewari mai hum
Haale dil kehne ke qabil koi hamsaaya na tha

Ab khula jhonkon ke peeechey chal rahi theen aandhiyan
Ab jo manzar hai wo pehle to nazar aaya na tha

Sirf khushboo ki kami thee ghaur ke qabil Qateel
Warna gulshan mai koi bhi phool murjhaya na tha

kahin aah banke lab pe tera naam aa na jaaye
tujhe bewafa kahun main woh maqaam aa na jaaye
zara khud ko sambhalo mera dil dhadak raha hai
koi aur tair-e-dil tah-e-daaman aa na jaaye
jise soonke toot jaaye mera aarzoo bhara dil
teri anjuman se mujhko woh payaam aa na jaaye
woh ke manzilon pe lakar kisi humsafar ko lootein
inhi rehzahon mein tera kahin naam aa na jaaye
yeh mah-o-najoom hans lein mere aansuon pe
mera mehtaab jab tak lab-e-baam aa na jaaye….
NiMi

roya karenge ap bhi pahron isi tarah
atka kahin jo ap ka dil bhi meri tarah
na tab hijr main hai na aram wasl main
kambakht dil ko chain nahin hai kisi tarah
gar chup rahen to gam-e-hijran se chut jayen
kahte to hain bhale k wo lekin buri tarah
na jaye wan bane hai na bin jaye chain hai
kya kijiye hamain to hai mushkil sabhi tarah
lagti hain galiyan bhi teri mujhe kya bhali
qurban tere, phir mujhe kah le isi tarah
hun janbalab butan-e-sitamgar k hath se
kya sab jahan main jite hain "Momin" isi tarah..!

niyat-e-shauq bhar na jaye kahin
tu bhi dil se utar na jaye kahin
aj dekha hai tujhe deir k bad
aj ka din guzar na jaye kahin
na mila kar udas logon se
husn tera bikhar na jaye kahin
arzu hai k tu yahan aye
aur phir umr bhar na jaye kahin
ji jalata hun aur ye sochta hun
rayigan ye hunar na jaye kahin
aao kuch der ro hi len Nasir
phir ye dariya utar na jaye kahin...!

Jo Kahin Na Mile Wo Khushi Chahiye
Dard Kaisa Bhi Ho Bandagi Chahiye

Mujhko Duniya Ki Ab Koi Khuwahish Nhi
Aakhrat Ki Mujhe Zindagi Chahiye

Tere He Aage Haath Phelaon
Ab Aesi ALLAH Mujhe Bebasi Chahiye

Tu Ho Jaye Raazi Sanwar Jaon Main
Mere Malik Aagahi Chahiye

Main Jhuko Or Jhuko Bus Jhuka He Rahun
Ibadat Me Bus Ye Aajizi Chahiye

Main Bhatak Jaun To Aasra Dey Mujhe
Aesi ALLAH Mujhe Rehbari Chahiye...!

Kahin miley to us sey yeh kehna …
K tanha savan bita chuka hoon
Main sare armaan jala chuka hoon
Jo sholay bikhray thay khowishon k
Wo ansoun se bhujha chuka hoon
Kahin miley to us sey yeh kehna …
Baghair us k udaas hoon main
Badalti rut ka qyas hoon main
Bujha de apni muhabat se
Sulagti sadion ki pyas hoon main
Kahin miley to us sey yeh kehna …
Wo jazbey mere uchaal gia hey
Jafaa k sanchay me dhal gia hey
Na badley mousam b itna jaldi
Wo jitna jaldi badal gaya hey
Kahin miley to us sey yeh kehna …
Main chaak daman ko see raha hoon
Bohat hi mushkil main jee raha hoon
Diya jo nafrat ka zehar usney
Samaj k amrat wo pee raha hoon
Kahin milay to us sey yeh kehna …
Faseel-e-nafrat gira raha hoon
Gaye dinon ko bhula raha hoon
Wo apney wadon sey phir gaya hey
Main apney waadey nibah raha hoon
Kahin milay to us sey yeh kehna …
Yeh kesi uljan main jee raha hoon
Main apney saye se darr raha hoon
Jo ho sakey to samait ley wo
Main tinka tinka bikhar raha hoon
Kahin milay to us sey yeh kehna …
Na dil main koi malal rakhay
Hameshaa apna khial rakhay
Wo saray gham apnay mujko de day
Tamam khushian wo sambhal rakhay
Kahin milay to us sey yeh kehna
KAHIN MILEY TO US SEY YEH KEHNA...!

Mohabbat ki tabiyat mein agarcha gham nahin hota
Magar hadsa judai ka ghamon se kam nahin hota

Koi jugnu koi tara kahin se dhond kar lao
Gharon ko phoonk dene se andhera kam nahin hota

Mohabbat karne wala tou hamesha sath rehta hain
Mohabbat mein judai ka koi mausam nahin hota

Mujhe chor kar khud bhi sari umar tum tarpey ho
Koi aesi saza dete tumhe tou gham nahin hota

Zameen walo se yeh keh kar dhal geya sooraj
Ujala baant dene se ujala kam nahin hota....!

Kia Hay Tum Nay Hum Say Ak Haseen Wada Yaad Rakhna
Bhool Na Jana Kahin Apna irada Yaad Rakhna

Ab Na Hamain Rulana Tum, Ab Na Door Jana Tum
Pehlay Hi Seh Chukay Hain Dukh Itna Ziada Yaad Rakhna

Dil Tu Na Dukhao Gay, Mujhay Chorr Tu Na Jao Gaye
Dil Main Hi Basay Ho Tum, Ab Isay Abaad Rakhna

Tum Jo Chorr Jao Gaye Hum Tu Mar Hi Jayen Gaye
Tumharay Dam Say Zindagi Hay Sirf Itna Yaad Rakhna

Chahaton Ki Dunya Main Roshni Tum Hi Say Hay
Dil Torr Kay Hamain Chorr Kar Kahin Na Jana Yaad Rakhna...!

khizaoon ki udasi hai,jo ab tak dil pay chhai hai
bahaaron ka haseen mosam kahin say sath lana tum

yeh maana aur bhi tum ko jahaan men hain bohat say gham
magar duniya kay mailon men hamen na bhool jana tum

meray ashaar hain jitnay hain tumharay naam karta hoon
ghazal meri suno jab bhi ghazal men doob jana tum

agar tum say kabhi koi,meray baaray men poochay to
faqt itni si khawahish hai,mujhay apna batana tum

koi jab alvidai mosamon ka zikar cheray to
nami aankhon men mat rakhna hamesha muskarana tum...!