Search

Kab tak hum apne armaan chipate rahinge?
Kab tak hum apni khwaishon par patthar barsaate rahinge?
Kya kuwe ke paani ki taqdeer mein khul kar behna likha nahi hota?
Kya jisne dariya ki kismet likhi thi??
Kya uske mann mein auron ke liye apna pan nahi hota?

Dil Lagi Thi Usy Hum Se Mohabbat Kab Thi
Mehfil-e-Gair Se Sitamgar Ko Fursat Kab Thi

Hum Thy Mohabbat Mein Lut Jane Ke Qaayil
Hamari Khatir Kisi Ko Chornay Ki Us Mein Himmat Kab Thi

Wo Tu Waqt Guzarnay Ke Liye Karta Tha Pyar Ki Baatain
Warna Meri Khatir Us Ke Dil Mein Chahat Kab Thi

Bohut Roka Phir Bhi Nikl Aaye Kambakht Aansu
Warna Bazm-e-Yaar Mein Ansu Bahanay Ki Ijazat Kab Thi...!

Kat Hi Gai Judai Bhi Kab Yeh Hua Ke Mar Gaye
Terey Bhi Din Guzar Gaye Merey Bhi Din Guzar Gaye

Terey Liay Chaley Thay Hum Terey liye Theher Gaye
Tuu Ney Kaha To Jee Uthay Tuu Ney Kaha To Mar Gaye

Waqt Hi Kuch Judai Ka Itna Taweel Ho Gaya
Dil Men Terey Wisaal K Jitney Thay Zakhm Bhar Gaye

Hota Raha Muqabla Paani Ka Aur Piyaas Ka
Sehra Umad Umad Parray Darya Biphar Biphar Gaye

Woh Bhi Ghubar-e-Khuwab Tha Hum Bhi Ghubar-e-Khuwab Thay
Woh Bhi Kahin Bikhar Gaya Hum Bhi Kahin Bikhar Gaye

Raah Men Milay Thay Hum Raahain Naseeb Bann Gaeen
Tuu Bhi Na Apney Ghar Gaya Hum Bhi Na Apney Ghar Gaye

Koi Kinar-e-Aab-e-Joo Betha Hua Hay Sar Nigo
Kashti Kidhar Chali Gai Janay Kidher Bhanwar Gaye

Aaj Bhi Intizar Ka Waqt Hanoot Ho Gaya
Aisay Laga Ke Hashr Tak Saray Hi Pal Theher Gaye

Barish-e-Wasal Wo Hui Saraa Ghubaar Dhul Gaya
Woh Bhi Nikhar Nikhar Gaya Hum Bhi Nikhar Nikhar Gaye

Aab-e-Muheet-e-Ishq Ka Beher Ajeeb Beher Hay
Tairay To Gharq Ho Gaye Doobay To Paar Utar Gaye .. !

Kab kaun kisi ka hota hai
Sub jhootey rishtey naate hain…

Sub dil rakhney ki batein hain
Sub asal roop chhupate hain…

Ikhlaq se khali log yahan
Lafzon ke teer chalate hain…

bahaar nigahon ko dikha kar
Phir saari umar rulate hain…

Who jis NE diye hain ashk humein
AB us ko bhool hi jaate hain...!

kaha yeh dard ney ik baar phir ubhartay hoye
k thora waqt to lagta hai zakhm bhartey hoye

phir es kinaarey pe loutoon ga kab KHUDA janey
mein sochta raha darya ko paar kartey hoye

hamein yeh teri udaasi bhali nahiN lagti
sukoot-e-shab sey kaha jugnuon ney dartey hoye

mein bujh sa jata hoon manzar yeh jab bhi dekhta hoon
kisi nashaib mein ik saaye ko utartay hoye

meri ragon mein bhi utrey hain kuch khizan mausam
mujhey bahaar ney dekha nahin bikhertay hoye

mein be niyaz hi guzra tha,shaad,raahon sey
uboor ho gayeiN kuchh manzilein guzertay hoye...!

KAB TAK KISI KAY SOG ME ROYE Ge BAITH KAR
HUM KHUD KO KITNI BAR YE SAMJHA KAY RO PAREY
KHUSHIAN HAMARAY PAAS KAHAN MUSTAQIL RAHIN
BAHER KABHI HANSAY BHI TAU GHAR AA KAY RO PAREY
BAY AITBAAR WAQT PE JHUNGULA KAY RO PAREY
KHO KAR KABHI USSAY TAU KABHI PAA KAY RO PAREY....!

Gham-E-Hijr-E-Yaar main Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?

Ye Hujoom-E-Naa-Muraadi Gham-E-Be-Shumaar Kab Tak?
Teri Baat Ka Bharosa Tera Intizaar Kab Tak?

Shab-E-Hijr Ki Udaasi Kahein Mujh Ko Le Na Doobey!
Meri Dharkanon Pe Ho Gaa Tera Ikhtiyaar Kab Tak?

Nahi Aaj Kaa Bharosaa, Na Kal Ki Hain Umeedein
Teri Reh Takoon Main, Shab-E-Wasl-E-Yaar Kab Tak?

Jahaan Dekhiye Andhera! Jahaan Sochiye Udaasi!
Raah-E-Zindagi Mein Yaa RAB! Rahe Gaa Ghubaar Kab Tak?

Main Nikal Para Tha Tanha, Liye Saare Ranj Dil Par !
Magar Phir Khayal Aaya K Sahoon Ye Baar Kab Tak?

Meri Aankhein Tak Rahain Hain Teri Waapsi Ki Raahein!
Tu Hi Ab Bata De Mujh ko Karun Intizaar Kab Tak?!

Mujhe Yoon To De Gayaa Hai Woh Dilasa Jaate Jaate!
Magar Ab Ye Sochta Hoon Karoon Aitibaar Kab Tak?

muntazir kab se tahayyur hai terii taqrir kaa
baat kar tujh par gumaN hone lagaa tasviir kaa

raat kyaa soye ke baaqii umr kii niind uD ga_ii
Khvaab kyaa dekhaa ki dhaDka lag gayaa tabir kaa

jaane tuu kis aalam men bichDa hai ke tere baGair
aaj tak har lafz hay faryadi meri taharir ka

jis tarah baadal kaa saayaa pyaas bhadkata rahe
main ne vo aalam bhii dekhaa hai terii tasviir kaa

kis tarah paya tujhe phir kis tarah khoya tujhe
mujh sa munkir bhii to qail ho gayaa taqadir kaa

ishq men sar phorna bhii kya ke ye be meher log
ju e KhuN ko naam dete hain ju e sheear ka

jis ko bhii chaha usay shiddat se chaha hai Faraz
silsila TuTa nahin dard kii zanjir ka