Search

ye jo bikhra bikhra sa shaks hai
Wo gumaan gumaan sa Qayaas sa
kbhi door sa … kbhi paas sa
kbhi chandni main chupa hua
kbhi khushbuon main basa hua
kbhi sirf uski shabahatein
kbhi sirf uski hikayatein
kbhi sirf milne k silsile
kbhi sirf us se hain faasle
kbhi door chalti hawaon main
kbhi minha barasti ghataon main
kbhi bad-gumaan … kbhi meherbaan
kbhi dhoop hai … kbhi sayebaan

kbhi band dil ki kitaab main
kbhi lab kushan wo khwab main
kbhi yun k jaise sawal ho
kbhi yun k jaise jawab ho
kbhi dekhne k hain silsile
kbhi sochne k hain marhalay
kbhi sirf rang-e-bahaar sa
kbhi sirf ek ghubaar sa

kbhi dastaras k qareeb qareeb

kbhi door … paas … kahin nahi

ye jo ukhra ukhra sa shaks hai

ye jo bikhra bikhra sa shaks hai

yeh jo raig-e-dasht-e-firaq hai yeh ruke agar
yeh ruke agar to nishaaN mile,
yeh nishaaN mile
k jo faslooN kii saleeb hai
yeh gaarii hui hai kahaaN kahaaN
mere asmaN se kidhar gayii tere iltefaat ki kehkashaaN

mire be_Khabar, mire be nishaaN
yeh ruke agar to pata chale
maiN thaa kis nagar tuu rahaa kahaaN
k zamaan o makaaN ki yeh wusataiN
tujhe dekhne ko taras gayein
voh mere nasiib ki baarisheN
kisi aur Chhat pe baras gayein

mere chaar suu hai ghubaar-e-jaaN,
voh fishaar-e-jaaN,
k Khabar nahiiN mere haath ko mire haath kii
mere Khwaab se tere baam tak
tare rehguzar ka to zikr kya
nahiiN zaufishaN tere naam tak
haiN dhuaaN dhuaaN mire ustKhwaaN
mere aansuuoN meN bhuje hue mire ustKhwaaN
mire naqsh gar mire naqsh-e-jaaN

isii raig-e-dasht-e-firaaq meN rahe muntazir
tere muntazir!!!
mere Khawab jin ke fishaar meN
rahi mere haal se beKhabar teri rehguzar
tare rehguzar ke jo naqsh haiN mire haath par
magar is balaa ki hai tiirgi
k Khabar nahiiN mere haath ko mere haath ki
voh jo chashm-e-shobadaa saaz thii, woh uThe agar
mere ustKhwaaN meN ho roushni
ussi ek lamha-e-diid meN teri rehguzar!!
meri teera jaaN meN chamak uThe
mere Khawab se tairay baam tak,
sabhii manazroN meN damak uThhe
usii ek pal meN ho jaavidaaN
meri arzoo k hai bekaraaN
meri zindagi k hai muKhtasar

yeh jo raig-e-dasht-e-firaq hai, yeh ruke agar
yeh ruke agar

Ajnabi kehta hai ashna jo tha bohat
meri har baat ka razdan tha bohat

Yunhi aik roz ro padey dekh kar chehra uska
muskrahaton pe apni guroor jisey tha bohat

Mai usay sunwaar tu deta kisi suljhan ki tarah
meray hath pe magar muhabat ka lahoo tha bohat

Mehaktey hoe ghulab sa hai wo
per khushboon se gurezaan mai tha bohat

Nazar churaie thi jis pal tum ne jana
mai moutabr teri nigahoon may tha bohat

Chalo soo jain oorh kar mati ki chadar Qais
ke teri duniya may bewoqaut mai tha bohat

Kal rat chaair gayea zikar jo wafaon ka
wo yad ayea jo paiker tha jafaon ka

usay zoum tha mujhe mitane ka
kuch shouq-e-safar tha humain sehraon ka

hum ne jalna pasand kiya dhoop me
wo shedaie tha ghane chahaoon ka

Hum griftar rahe uske sehar me
wo punchi raha azad fizaon ka

Usay aitabar tha zamane bhar pe
mai raha mujrim uski nigahon ka

Aik baar pocha tu hota sabab khataon ka
mai tu muntazir hi raha uski sadaon ka

Bus ajnabi kar gayea aik pal me
jo maan tha meri annaon ka

Kabhi jo tumharey haath se Kitaab girey
To samjh lena kh kisi ne tumhe Yaad kia tha
Kabhi jo tum oss me rakhey phool ko dekho
To samjh lena koi Dastaan likh raha hai
Unn guzrey hoye haseen Lamhon ki
Kabhi jo tum darkhton per Nam likha dekho
To samjh lena koi ab tak chahta hi tumhe
Kabhi jo tum unn dekhy-bhaaley raston per safr kro
To samjh lena kisi ne In per sath chalney ki Qasam khai hai
Aur
Kabhi jo tum Lotney ka irrada kro
Aur safar kro usi Rah-guzar per
To samjh lena koi tumara intazar ker raha hai!!!

Zamanay Bhar Ke Nigahon Main Jo Khuda Sa Lagay
Wo Ajnabi Hay Mager Mujh Ko Aashna Sa Lagay

Na Janay Kab Meri Dunya Main Muskuraye Ga
Wo Ak Shaks Kh Khuwabon Main Bhi Khafa Sa Lagay

Ajeeb Cheez Hay Yaaron Yeh Manzilon Ki Hawas
Keh Rehzan Bhi Musafir Ko Reh-Numa Sa Lagay

Dil Tabah ! Tera Mashwara Kia Kh Mujhay
Wo Phool Rang Sitara Bhi Be Wafa Sa Lagay

Hoti Hay Jis Say Munawar Har Ak Aankh Ki Jheel
Wo Chaand Aaj Bhi Mohsin Ko Kam-numa Sa Lagay

Chalay jo ho to bata k jao
Ke kitni shaamein udaas aankhon mein kaatni hein
Ke kitni subhain akelay pan mein guzaarni hein
Bata k jao Kh kitne sooraj azaab rastoon ko dekhna hai
Ke kitne mehtaab sard raatoon ki wusaton se nikaalne hein
Bata k jao kh chaand raatoon mein waqt kaise guzaarna hai
Khamosh lamhoon mein tujh ko kitna pukaarna hai
Bata k jao kh kitne lamhay shumaar karne hein hijr raton ke
Kh kitne mousam aik aik kar k judaiyon mein guzaarne hein
Bata k jao ke panchiyon ne akele pan ka sabab jo poocha
To kia kahoon ga???
Bata k jao ..main kis se tera gila karoon ga
Bichhar ke tujhse Habeeb..kis se mila karoon ga
Bata k jao kh aankh barsi to koUn moti chuna karay ga
Udaas lamhon mein dil ki dhadkan suna karay ga
Bata k jao kh mousamon ko payam dene hein ya nahin
Fallak ko, taron ko, jugnuon ko slaam dene hein ya nahin
Bata k jao kh kis peh hai aitebaar karna
To kis ki baaton pe be-niazi kay silsale ikhtiyaar karna
Bata k jao kh ab ravviyoon ki chaal kiya ho
Jawaab kiya ho, sawaal kiya ho
Arooj kiya ho, zawaal kiya ho
Nighah, rukhsaar, zulff, chehra ..nidhaal kiya ho
Bata k jao kh meri halat pe chandni khilkhila parri to

main kya karoon ga
Bata k jao kh meri soorat pe teergi muskara parri to
Main kiya karoon ga
Bata k jao kh tum ko kitna pukaarna hai
Bichhar k tujhse yeh waqt kaise guzaarna hai
Ujaarna hai? nikhaarna hai?
Chalay jo ho to bata kay jao
kh loutna bhi hai ya... ???????

Wo Ishq Jo Hum Say Routh Gia
Ab Us Ka Haal Sunaye Kia
Koii Mehar Nahi Koii Qehar Nahi
Phir Sacha Sher Sunaye Kia


Ak Hijar Jo Hum Ko Lahaq Hay
Ta Dair Usay Dohraye Kia
Wo Zehar Jo Dil Main Utaar Liya
Phir Us Kay Naaz Uthaye Kia


Phir Aankhain Lahoo Say Khali Hain
Ye Shamein Bujhnay Wali Hain
Hum Khud Bhi Kisi Kay Sawali Hain
Is Baat Per Hum Sharmaye Kia


Ak Aag Ghum -E- Tanhaii Ki
Jo Saray Badan Main Phail Gaii
Jab Jism Hi Sara Jalta Ho
Phir Daaman -E- Dil Bachaye Kia


Hum Nagma Sira Kuch Ghazlon Kay
Hum Surat Gar Kuch Khuwabon Kay
Be-Jazba -E- Shouq Sunaye Kia
Koii Khowab Na Ho Tu Bataye Kia