Search

Jo Khushi Tumharay Kareeb Ho
Wo Sada Tumhain Naseeb Ho

Tujhe Wo Khulos Milay Ke Jo
Teri Zindagi Pe Muheet Ho

Jo Mayaar Tujhko Pasand Ho
Jo Tumhare Dil Ki Umang Ho

Teri Zindagi Jo Talab Kare
Teray Hamsafar Ka Wo Rang Ho

Jo Khayaal Dil Main Aseer Ho
Or Dua Main Bhi Taseer Ho

Teray Haath Uthtay Hi Khuda Karay
Teray Saamne Tabeer Ho

Tujhe Wo Jahan Milay Jidhar
Ghamon Ka Koi Guzar Na Ho

Jidhar Rooshni Ho Khuloos Ki
Or Nafratoon Ko Khabar Na Ho...!

Bhulanay se jo bholay na wo kahani choar jaoungi
teri ankhoon me pani ki aisy nami choar jaoungi

lipat kar dair tak dar o diwar roye gy
main aisi sog me lipti jwani choar jaoungi

mitao gy kahan tak tum meri batain meri yadain
main har ik mor per apni nishani choar jaoungi

mere ye lafz mujha mar kay bhi marnay nahi dain gay
main chup ho kay bhi lehje ki rawani choar jaoun gi

kuch es tarhan se niklon gi es dunya ko thukra kar
main dushman kay bhi chehry par herani choar jaoungi...!

Tum Jo Hastey Ho To Phoolon Ki aada Lagte Ho
Aur Chaltey Ho to Ek Baad-e-Saba Lagte Ho

Kuch Na Kehna Mere Kandhe Pe Jhuka Kar Sar Ko
Kitne Masoom Ho Tasveer-e-Wafa Lagte Ho

Baat Karte Ho To Saaghar Se Khanak Jaate Ho
Leher Ka Geet Ho Koyal Ki Sada Lagte Ho

Kis Taraf Jao ge Zulfon K ye Baadal Ley Kar
Aaj Mechli Hui Saawan Ki Ghata Lagte Ho

Tum Jisey Dekh Lo Peenay Ki Zarorat Kya Hai?
Zindagi Bhar Jo Rahe Aisa Nasha Lagte Ho

Main Ne Mehsoos Kia Tum Se jo Baatein Kar k
Tum Zamane Main Zamane Se Judaa Lagte Ho...!

dal mein jo kala hai ji
wo garam masala hai ji
aik pal ki humein khabr nahein
maghr mansooba sau sala hai ji
usay rishwat khaane ka haq hai
jo minister ka sala hai ji
hum ne dil kisi ko deh dala hai ji
ab Allaha he us ka rakhwala hai ji
hum unn ka kya churaate thay
jo humein dil se nikala hai ji...!

Aaj kiya zikr kisi Ne jo TumHara
Halkey Halkey Say phir Tum YaaD Anay Lagay

Main Purani Baaton kay samander Main DooBney laga
Dil Main Ek Baar phir Tum utarnay lagay

palkoon kay Darwazay ko BanD kiya main Nay
Aur Ansoo Ban k Tum Aankhoon Say Behnay Lagay

BeBasi itni k Mare Haath uth Gay
DoBara ALLAH Say Tumhian Mangnay Lagay

zikr Tumhara sun ker Ek Baar phir
Mare jazBaat Tumhari Tamana kernay lagay

Bana k Tasveer Teri Mere zehn Main
Mare Tootay Arman Ronay lagay

Paa k TumHian khowaboon Main Hum
jaag k phir Tumhian khonay lagay

Waada chahta hoon TakDeer sey Yeh
k BaDal Dey woh jo Honay lagay...!

Saath chalne main jo maza hota
Woh humain bhi kabhi mila hota

Yeh hi hasrat rahi hamari faqat
Saath apne koi chala hota

Hum bhatakte rahe the raahon mein
koi rasta pata chala hota

Thaam leta humain bhi barh ke koi
Haath hum ko koi mila hota

Hum ulajhtay nahi zamane se
Ek jo Humsafar mera hota

Hum na thakte safar mein gar
Saath apne koi chala hota...!

Aaj jo Tanha hai Woh Pardes Mein
Zaroor Mujh ko us Ney Socha ho ga

Khuvabon aur Khyaalon Mein
Mera hi Chehra Tarasha Ho ga

Raah Chaltey jo us ko
Mera khyaal Aaya Ho ga

Aik Nazar Ruk ke Asmaan Pe Chand ko Dekha Ho ga
Jab Saath Thay to Roz hi larti Thi Mujh sey

Ab Din Mein so Baar khud peh Bigarti Ho gi
Mail Box Kholtey hi Naam mera Dhondti Ho gi

Aur na Pa ke Mujhey

Aap hi Aap Mujh sey Rothti Ho gi
Tanha Sard Raat Mein

Yuon hi Sarak peh Tehaltey Huvey
Khyaalon hi Khyaalon Mein

Haath us ney Mera Thaama Ho ga

Phir Kisi Pool ke Nechey Ruk kar
Aankhon Mein Mere us ney Jhaanka Ho ga...!

jo tere rukhsar Py hy or jo mery dil mai hai
ho no ho dono ke kambakhti isi aik til mai hy
mujh pr manzil per ponch kr raz aksar ye khula
jo maza hy justujo mai wo kahan manzil mai hy
kuch samajh kar he hova hoon moj-e-darya ka raqeeb
warna mai bhi janta hoon afiat sahil mai hay
kuch pashemani shayad us sang dil ky dil mai hy
warna mera zikr kyu phir aaj us mehfil mai hy
ab lar sakta nahi hoon mai gam-e-jana sy shaad
hai gam-e-doran ka ghalba dil pe dil mushkil mai hy...!

Kismat ney kar diya jo mayasir utha liya
Pathar utha liya kabhi Gohar utha liya

Paimana e jaam meena o sagar utha liya
Sakhi ney jo dey diya sar par utha liya

Woh aadmi farishta hai jis ney Qadam Qadam
Ghairoon ka ghaam bhi apna samjh kar utha liya

Kia Karbala Key Zalimoon ki laye koi misaal
Manga jo pani bachoon ney Nashtar utha liya

Mujh say guraiz karney lagey mere hum safar
Main ney Qadam jo rah mein behtar utha liya

Ehbaab mujh say es liye naraz hain Qamar
Kiun us ney mujh ko apney barabar utha liya...!