Search

Tujhay Ishq Ho Khuda Karay
Tujhay Us Say Koii Juda Karay

Teray Hont Hansna Bhool Jaye
Teri Aankh PurNam Raha Karay

Tu Us Ki Baatein Kia Karay
Tu Us Ki Baatein Suna Karay

Usay Dekh Kar Tu Ruk Jaye
Wo Nazar Jhuka Kar Mila Karay

Tujhay Dosti Bhi Na Raas Aaye
Tu Tanha Tanha Phira Karay

Tujhay Hijar Ki Wo Jhari Lagay
Tu Milan Ki Har Pal Dua Karay

Teray Khowab Bikhray Toot Kar
Tu Kirchi Kirchi Chuna Karay

Tu Gali Gali Sada Karay
Tu Nagar Nagar Phira Karay

Tujhay Ishq Per Phir Yaqeen Ho
Usay Tasbihon Per Gina Karay

Pher Main Kahon Ishq Dhong Hay
Tu Nahi Nahi Kia Karay

Dharak Raha hay Mera Dil Teray Tasawur se
k ek pal nahi Ghafil Teray Tasawur se

wagarna aur toh kuch bhi nahi hay duniya main
Sajaye baithay hain Mehfil Teray Tasawur se

har aik dard zamanay ka heech lagta hay
k ghum hoe hain woh haasil Teray Tasawur se

humari zeest main kantay thay har taraf Jana
k phool ho gaye shaamil Teray Tasawur se

Main sochta tha shab e wasl kaisi hoti hay
so hal hoyi hay yeh mushkil Teray Tasawur se

har aik lamha Tujhay baykhudi se sochtay hain
mili hay hum ko yeh manzil Teray Tasawur se

shab e firaaq k sab dard jhail letay hain
hoye hain Hum kisi Qaabil Teray Tasawur se

Sakoot e marg Mere chaar su tha chaya huwa
Main jee utha Meray Qaatil! Teray Tasawur se

yeh iss tarah mujhay apna kabhi khayaal na tha
huwa hon khud pe bhi mayel Teray Tasawur se

abhi to ishq main aisa bhi haal hona hay
ke ashk rokna tum se mohal hona hay

her aik lab pe hen meri wafa ke afsanay
teray sitam ko abhi zawal hona hay

baja ke khaar hay lekin bahaar ki rut main
ye tay hay ab ke humain bhi nihal hona hay

tumhen khabar hi nahi tum to loat jao gay
tumharay hijar main lamha bhi saal hona hay

hamari rooh pe jab bhi azaab utrain gay
tumhari yaad ko is dil ki dhaal hona hay

kabhi to roye ga wo bhi kisi ki banhoon main
kabhi to uski hansi ko zawal hona hay

milain gi humain bhi apnay naseeb ki khushiaan
bas intizar he kab ye kamal hona hay

her aik shakhs chalay ga hamari raahon per
muhabaton main humain wo misal hona hay

zamana jis ke kham o paich main ulajh jayee
hamari zaat ko aisa sawal hona hay

Wasi yaqeen he mujh ko wo loat aye ga
usay bhi apnay kiye ka malal hona hay

Kisi kamzoor LAMHAY main

Agar main tum se ye keh dun

Mujhe tum se MOHABAT hai

To tum ye mat samajh lena

Ke mene such kaha hoga!

Ke aesi dil nasheen batein

Mujhe Bachpan se aati hain,

Meri Aankhein mera chehra,

Mera be sakhta lehja,

Ye sub kuch JHOOT hota hai

magar iss baar k iss jhoot main ik sach bhi shamil hay
mujhy tum say mohbat hay,mujhy tum say mohbat hay

Ak Arzoo Hay Puri Parwar Digaar Karay
Main Deir Say Jao Wo Mera Intazar Karay

Apnay Haathon Say Sanwaroon Zulfain Us Ki
Wo Sharma Kay Mohabbat Ka Iqraar Karay

Ho Shab -e- Wasl Aisi Yaarab
K Bheegi Zulfon Say Mujhay Be Dar Karay

Jab Usay Chorr Kay Jana Chahon Wasi
Wo Rokay Or Ak Raat Ka Israar Karay

Main Kise Or Ki Ho Nahi Sakti
Ye Wada -e- Wafa Baar Baar Karay

Sarapa Ashk Hoon Main Ab Bikhar Jao Tu Behter Hay
Jidhar Jatay Hain Ye Baadal Udhar Jao Tu Behter Hay

Ye Dil Kehta Hay Teray Shaher Main Kuch Din Thehar Jao
Mager Halaat Kehtay Hain Keh Ghar Jao Tu Behter Hay

Dilon Main Faraq Aayen Gay Taluq Toot Jayen Gay
Jo Dekha, Jo Suna, Us Say Mukar Jao Tu Behter Hay

Yaha Hay Koun Mera Jo Mujhay Samjhaye Ga Faraz
Main Koshish Kar Kay Ab Khud Hi Sudhar Jao Tu Behter Hay

Ana Ki Baat Hay Warna Mohabbat Ab Bhi Baki Hay
Usay Meri Mujhay Us Ki Zarorat Ab Bhi Baki Hay

Koii Mushkil Ager Darpesh ho Lout Aana Tum
Tumharay Wastay DIL Main Aqeedat Ab Bhi Baki Hay

Bala Ki Sard Mehri Hay Meri Har Baat Main Lakin
Meray Seenay Main Chahat Ki Hararat Ab Bhi Baki Hay

Suna Hay

Jab Hichki Aati Hay

Tu !!!

Koii Yaad Karta Hay

Ager Is Baat Main

Thori See Bhi Haqiqat Hay

Tu Na Mumkin Hay

K

Tumhari Hichki

Ak Pal Bhi Rukti Ho

na wo sin hay fursat-e-ishq ka , na wo din hay kshf e jamal kay
magar ab bhi dill ko jawaaN rakhein wohi shobday khad o khal kay

yeh jo gard baad-e-hayat hay , koi iss ki zad say bacha nahi
magar aaj tak teri yaad ko men rakhon sanbhaal sanbhaal kay

mein ameen o qadr shanas thaa , mujhay sans sans ka pass tha
yeh jabeeN pay hein jo likhay hoey , yeh hisaab hein mah o sal kay

wo kabhi shafaq ka fasooN kahein , kabhi gull kahin kabhi khooN kahein
kay hein meri subh-e-urooj mein abhi rang sham-e-zawaal kay

meri hasratooN ko hara rakhay , meri kash-e-jaaN ko bhara rkhay
yeh yaqeeN , kuch pay khulein gay darr kisi roz bash-e-shumaal kay

shab-e-tar say na dara mujhay , ay khuda jamal dikha mujhay
kay teray saboot hein beshtar , teri shaan jah o jalal kay

koi kohkan ho k qais ho , Meer ho kay Nadeem ho
sabhi naam ek he shakhs kay , sabhi phool ek he daal kay