Search

Laut Aai Tere Lams Se Mahaki Hui Shaamen
Phir Aag Lagaa Di Teri Saanson Ne Hava Mein

Raqsaan Hain Isi Lay Peh Sitaaren Hon K Shabanam
Kya Sahar Hai Is Dil Ke Dharakane Ki Sadaa Mein

Ik Noor Ka Sailaab Hai Band Aankhon K Andar
Lipate Hue Chehare Hain Andhere Ki Ridaa Mein

Kis Aag Ne Rakha Hai Qadam Dil Ki Zameen Pe
Sooraj Se Damakate Hain Nishaan Kaf-E-Paa Mein

Is Khauf Se Ik Umr Hamen Neend Na Aai
Ik Chor Chupa Baithaa Hai Seene Kii Gufaa Mein

Jaag Uthaa Hai Dil Mein Koi Soyaa Hua Vahashi
Ham Ghar Mein Hain 'Shehzad' K Jangal Ki Fazaa Mein

Miltee Hai Kho-E-Yaar Se Naar Iltihaab Mein
Kaafir Hoon Gar Na Miltee Ho Raahat 'Azaab Mein

Kab Se Hoon Kya Bataaoon Jahaan-E-Kharaab Mein
Shab Haaye Hijr Ko Bhi Rakhoon Gar Hisaab Mein

Taa phir Na Intezaar Mein Neend Aaye 'Umr Bhar
Aane Ka Ahad Kar Gaye Aaye Jo Khwaab Mein

Qaasid K Aate Aate Khat Ik Aur Likh Rakhoon
Main Jaanta Hoon Jo Woh Likhenge Jawaab Mein

Mujh Tak Kab Unki Bazm Mein Aata Tha Daur-E-Jaam
Saaqi Ne Kuch Mila Na Diya Ho Sharaab Mein

Jo Munkir-E-Wafa Ho Fareb Us Peh Kya Chale
Kyoon Badghumaan Hoon Dost Se Dushman K Baab Mein

Main Muztarib Hoon Wasl Mein Khauf-E-Raqeeb Se
Daala Hai Tumko Weham Ne Kis Pech-O-Taab Mein

Hai Tevaree Chadee Huee Andar Naqaab K
Hai Ik Shikan Padee Hui Tarf-E-Naqaab Mein

Woh Naala Dil Mein Khas K Baraabar Jagah Na Paaye
Jis Naale Se Shigaaf Pare Aaftaab Mein

Woh Sehar Muddaa Talbee Mein Na Kaam Aaye
Jis Sehar Se Safina Ravaan Ho Saraab Mein

'Ghalib' Chutee Sharaab, Par Ab Bhee Kabhi Kabhi
Peeta Hoon Roz-E-Abr -O- Shab-E-Maahtaab Mein

Khushi Mili Lekin Hans Na Sakay
Ghum Mila Lekin Ro na Sakay

Zindagi Ka Yehi Dastoor Hai
Jise Chaha Usse Pa Na Sakay

Jise Paya Usse Chah Na Sakay
Socha Ka Usse Bhula Dien
Magher Bhula Na Sakay

Dilse: Har ladki k life me ek aisa ladka hota hai jise wo bhula nhi skti,Aur har ladke k life me ek aisi ladki hoti hai jise wo pa nhi skta.Strange but True

Maon Behno Ko Ba Haya
Beiton Ki Or Bhayion Ki
Zarorat Hai

Deen-E-Islam Ko
Phir Kisi Mard-E-Mujahid Ki
Zarorat Hai

Ankho Main Jis K Haya Ho
Dil Main Jis K Khuf-E-Khuda Ho
Is Ummat Ko
Esay Momin Ki
Zarorat Hai

ALLAH Ki Rehmat Ho Jis Par
Shariat Ka Paband Ho Jo
Esay Khush Naseeb
Insan Ki
Is Mulk Ko
Zarorat Hai

Kisi Ne Dil Ko Torr Diya Hai
Tanha Kar K Chhor Diya Hai

Shakh Pe Nazuk Phool Khila Tha
Taza Hawa Ne Bool Diya Hai

Meri Janib Aaty Aaty Tumko
Kisi Ne Wapas Morr Diya Hai

Jis Ko Jitna Toot K Chaha
Uss Ne Utna Torr Diya Hai

Chalo Main Bhi Sochon Tum Bhi Socho
Kis Ne Kis Ko Chhor Diya Hai

Ye Jungle Hai Yahan Koi Qanoon Nahe
Yahan Apnon Ka Bhi Bakhshta Koi Khoon Nahe

Yahan Har Koi Apni Manmaani Kerta Hai
Yahan Baat Baat Per Hr Koi Jhgerta Hai

Yahan Mohabat Nahe Hr Koi Nafrat Kerta Hai
Yahan Burai He Burai Hy Achhai Ka Junoon Nahe

Ye Jungle Hai Yahan Koi Qanoon Nahe
Yahan Apnon Ka Bhi Bakhshta Koi Khoon Nahe

Na Insafi Ka Yahan Khoob Bol Baala Hai
Lootna Ghasootna Yahan Hukmranoo Ka Aala Hai

Ik Ik Leader Ne Ik Ik Lakh Gunda Pala Hai
Sb Lutery Hain Kisi K Dil Men Mulki Mohabat Ka Shagoon Nahe

Ye Jungle Hai Yahan Koi Qanoon Nahe
Yahan Apnon Ka Bhi Bakhshta Koi Khoon Nahe