Search

Haal Usaka Tere Chehare Pe Likha Lagta Hai
Vo Chup Chaap Kharra Hai Tera Kyaa Lagta Hai

Yun To Har Cheez Salamat Hai Meri Duniya Mein
Ek Taalluq Hai Jo Toota Hua Lagta Hai

Main Ne Socha Tha Ke Aabaad Hun Ek Shahar Mein Main
Yaa.N To Har Shakhs Ka Andaaz Juda Lagta Hai

Moddaten Beet Gayin Tay Na Hui Manzil-E-Shauq
Ek Aalam Mere Raste Mein Parra Lagta Hai

Ay Mere Jazbaa-E-Daaron Mujh Mein Kashish Hai Itni
Jo Khata Hota Hai Vo Teer Bhi Aa Lagta Hai

Jaane Kaun Si Pasti Men Ghiraa Hun "Shehzad"
Sooraj Bhi Is Qadar Door Hai Ke Diya Lagta Hai

Terii Zaat Se Nikalna Chahata Hai
Ye Dariya Rukh Badalna Chahata Hai

Vo Sapna Jis Ki Surat Hi Nahin Hai
Meri Aankhon Mein Chalna Chahata Hai

Dilon Kii Maandagi Pe Kya Taajjub
K Suraj Bhi To Dhalna Chahata Hai

Nashist-E-Dard Badali Hai To Ab Dil
Zara Pahalu Badalna Chahata Hai

Mujhe Bhii Saamna Hai Karbala Ka
Mera Sar Bhi Uchhalna Chahata Hai

Nahin Hai Tarjumaan-E-Gam Ye Aansu
Ye Paani Ab Ubalna Chahata Hai

Tabassum Zer-E-Lab Kahata Hai 'Amjad'
Koi Jazba Machalna Chahata Hai

Aaa bhi jaao k zindagi kam hai,
Tum nahin ho to har khushi kam hai !

Vaada kar kay yeh kaun aaaya nahin,
Shaher mein aaj roshni kam hai !

Jaanay kya ho gaya hai mausam ko,
Dhoop zyada hai chandni kam hai !

Aaina dekh kar khayaal aaaya,
Aaj kal unki dosti kam hai !

Teray dam say hi main mukamal hoon,
Bin teray tera shafique kam hai !

Suna hai log ussay aankh bhar ke dekhtay hain
So us ke shehar mein kuch din thehar ke dekhtay hain

Suna hai rabt hai us ko kharaab haloon se
So apne aap ko barbaad kar ke dekhtay hain

Suna hai dard ki ghaahak hai chashm-e-naaz us ki
So hum bhi us ki gali se guzar ke dekhtay hain

Suna hai us ko bhi hai shair-o-shaeri se shaguf
So hum bhi moujazzay apne hunar ke dekhtay hain

Suna hai bolay tu batoon se phool jhartay hain
Yeh baat hai tu chalo baat kar ke dekhtay hain

Suna hai raat ussay chaand takta rehta hai
Sitaaray baam-e-falak se uttar ke dekhtay hain

Suna hai din ko ussay titleyaan sataati hain
Suna hai raat ko jugnoo thehar ke dekhtay hain

Suna hai hashar hain us ki ghazaal si ankhain
Suna hai us ko hiran dasht bhar ke dekhtay hain

Suna hai us ki seyaah chashmagi qayaamat hai
So us ki surma farosh aah bhar ke dekhtay hain

Suna hai us ke laboon se gulaab jaltay hain
So hum bahaar pe ilzaam dhar ke dekhtay hain

suna hai aaenaa tamsaal hai jabeen us ki
Jo saada dil hain ussay ban sanwar ke dekhtay hain

Suna hai jab se hamaayal hain us ki gardan mein
Mizaaj aur hi laal o gohar ke dekhtay hain

Suna hai us ke badan ki taarash aisi hai
Ke phool apni qubaayain qattar ke dekhtay hain

Suna hai us ke shabistaan se muttasil hai behisht
Makeen idhar ke bhi jalway udhar ke bhi dekhtay hain

Rukay tu gardishain us ka tawwaaf karti hain
Chalay tu us ko zamaany thehar ke dekhtay hain

ab usske shahar main tahren k kooch kar jayen
faraaz aao sitaare safar k dekhte hain

mila hai sab kuch toh fariyaad kya karien

dil hai pareshaan toh jajbaat kya karien

aap kehte ho aap ko yaad nahin karte

bhoole nahin jise usey yaad kya karien