Search

Uski Udasi Meri Kamzori Hai
Suna Hay Ab Kay Woh Udaas Rehta Hai,
Us Se Kaho Kay Woh Udaas Na Ho Kion Kay!
Us Ki Udaasi K Sath,
Us Ki Aankhain Bhi Num Num Si Lagti Hain,
Us K Hont Bhi Chup Chup Say Lagtay Hain,
Us K Yeh Chup Hont Or Num Aankhain,
Meri Kamzori Hain,
Us Se Kaho!
Woh Udaas Na Ho,
Jo Woh Chahta Hai,
Mujh Se Lay Lay,
Be Shak Chahay Mujhay Na,
Apne Man Pasand Sathi K Sang Ho Jaye,
Kion Kay!
Uski Udasi Meri Kamzori Hai

Tu Is Qadar Mujhe Apnay Qareeb Lagta Hai,
Tujhe Alag Se Jo Sochun Toh, Ajeeb Lagta Hai,

Jissay Na Husn Se Matlab Na Ishq Se Sarokaar,
Woh Shakhs Mujh KO Buhat Bad naseeb Lagta Hai,

Hudood-e-Zaat Se Bahar Nikal K Dekh Zara,
Na Koi Ghair, Na Koi Raqeeb Lagta Hai,

Yeh Dosti, yeh Marasim, Yeh Chahatein, Yeh Khuloos,
Kbhi Kabhi Yeh Sab Kuch Ajeeb Lagta Hai,

Ufaq Pe Duur Chamakta Hua Koi Taraa
Mujhe Charag-e-Dayar-e-Habeeb Lagta Hai,

Na Janay Kab Koi Toufan Ayega Yaaro
Buland Mouj Se Saahil Qareeb Lagta Hai....!!!

Suno ! Tumhein Pata Hai
Koi Mera Bhi Hone Laga Hai
Koi Mujhe Bhi Chahne Laga Hai
Koi Mujhe Bhi Sochne Laga Hai
Suno ! Tumhein Pata Hai
Woh Ajnabi Hai Per
Apna Apna Sa Lagne Laga Hai
Tumhari Tarah Usne Mujhe
Koi Khuwaab Nahi Dikhayee
Phir Bhi Najanee Kyun
Dil Usi Ki Taraf Murne Laga Hai
Suno ! Tumhein Pata Hai
Woh Jis Ke Aane Se
Surmaiii Si Shamein Haseen
Aur Raatein Rangeen Hogaye Hain
Suno ! Tumhein Pata Hai
Woh Tumhari Tarah Apna Nahi Hai Magar
Ab Apna Apna Sa Lagne Laga Hai

Nazm Ulajhi Huwee Hai Seenay Main
Misray Atkay Huway Hain Hothon Par

Urtay-Phirtay Hain Titaliyun Ki Tarah
Lafz Kaagaz Pe Baithtay Hi Nahi

Kab Se Baithaa Hoon Main Jaanam
Saaday Kaagaz Pe Likh K Naam Teraa

Bas Teraa Naam Hi Mukammal Hai
Iss Se Behtar Bhi Nazm Kya Hogi

Mohabbat Phir Mohabbat Hai
Kabhee Dil Se Nahi Jati...

Hazaron Rang Hain Is Kay..
Ajab He Dhang Hain Is Kay..

Kabhee Sehra , Kabhee Darya..
Kabhee Jugno , Kabhee Aansu..

Hazaroon Roop Rakhti Hai...
Badan Jhulsa Kay Jo Rakh Day..

Kabhee Wo Dhoop Rakhti Hai...
Kabhee Ban Kar Ye Ek Jugno...

Shab E Ghum Kay Andhairoon Main...
Diloon Ko Aas Daiti Hai...

Kabhee Manzil Kinaray Par...
Pyaasa Maar Daiti Hai..

Aziyyat He Aziyyat Hai...
Magar Yeh Bhee Haqiqat Hai...
Mohabbat Phir Mohabbat Hai...

Sochon Tu Wo Saath Chal Raha Hai
Dekhoon Tu Nazer Badal Raha Hai

Kyun Baat Zabaan Say Kah Kay Koee
Dil Aaj Bhi Hath Mal Raha Hai

Ratoon Kay Safer Main Waham Sa Hai
Yah Main Hoon Kah Chaand Chal Raha Hai

Ham Bhi Teray Badd Jee Rahain Hain
Or Tu Bhi Kahi Behal Raha Hai

Samjha Kay Abhi Gaee Hain Sakhyaan
Or Dil Hai Kah Pher Machal Raha Hai

Phele Se Wo Roshni Nahi Ab
Kia Dard Ka Chaand Dhal Raha Hai

Khwaab Posh Aankhon Main
Aansu'on Ka Bhar Jaana
Hasraton Ke Saahil Par
Titliyon Ka Mar Jaana
Habs Ki Hawaaon Main
Khushbuon Ka Dar Jaana
Dil Ke Garm Sehra Main
Hashr Hai Bapa Hona
Dard La'dawa Hona
Kya Bohat Zaroori Hai?
Ab Tera Juda Hona

Mujhy Maloom Hai Tum Bhi
Meray Bin Rah Nahi Saktay
Main Yeh Bhi Jaanta Hoon
Tum Ko Haar Achi Nahi Lagti
Magar Jaana
Muhabbat Main Anna To Haar Jati Hai.....!