Search

Abhi kuch dair baqi hai…!!
Khizan k beet janay main,
Guloun k Muskuranay main,
Khushi k geet ganay mein,
Baharon k zamanay main,
Abhi kuch dair baqi hai..!

Main tum ko bhool jaonga..!
Na tum ko Yaad aaonga..!
Main tum se dour reh k bhi,
Tumhain jee ker dikhaonga..!
Tumhain maloom hay laikin,
Yeh sub main kar na paaonga,
K tum ko bhool janay main,
Abhi kuch dair baqi hay..!
,

tarap rahi hai har aik tamanna
na tum se milte na aise hote

bujhi bujhi c hai dil ki dunia
na tum se milte na aise hote

ham aisi mehfil main kese jaen
jahan k manzar hamen jalain

agar hai jalna jalen ge tanha
na tum se milte na aise hote

na chain aaye na maut aaye
na jee rahe hain, na mar rahe hain

kahan tha pehle ye haal apna
na tum se milte na aise hote

maiN kab kahtaa huN vo acchaa bahut hai
magar us ne mujhe chaaha bahut hai

Khudaa is shah’r ko mahfuuz rakhe
ye bachhoN ki tarah haNstaa bahut hai

maiN har lamhe meN sadiyaaN dekhtaa huN
tumhaare saath ek lamhaa bahut hai

meraa dil baarishoN meN phuul jaisaa
ye bacchaa raat meN rotaa bahut hai

vo ab laakhoN diloN se kheltaa hai
mujhe pehchaan le, itnaa bahut hai

Hum Na Samjhe Teri Nazron Ka Taqaza Kia Hai
Kabhi Jalwa Kabhi Parda Ye Tamasha Kia Hai

Mujh Ko Madhosh Sa Kr Rakha Hai Teri Aankhon Ne
Werna Saaqi Tere Maikhaane Main Rakha Kia Hai

Dekh Le Laila Tere Majnu Ka Kaleja Kia Hai
Khaak Main Mil K B Kehta Hai Bigra Kia Hai

Ye Suraahi Sa Badan Le Ker Maire Saamne Na Aa
Main Sharabi Hoon Sharabi Ka Bharosa Kia Hai

Apne Honton Ko Maire Honton Se Chonay Na De
Ek Do Ghoont Se Botal Ka Bigarta Kia Hai ,

Kathin Andheron Ki RahGuzar Pe Chirag-e-Subah Jala Jala K,
Qasam Se Aankhein Bhi Thak Gayi Hain Tumaray Aansu Chupa Chupa K,

Kya Khabar Thi K Ek Chehray Se KItnay Chehray Kasheed Hongay,
Main Thak Gaya Hoon Tumaray Chehron Ko Ainon Mein Saja Saja K,

Hum Itnay Sada Mizaj Kab Thay Magar Sarabon Ki RahGuzar Pe,
Fareeb Deta Raha Zamana Tumari Surat Dikha Dikha K,

Ajab Tanasub Se Zehan-o-Dil Mein Khayal Taqseem Ho Rahay Hain,
Mujhe Muhabbat Si Ho Gayi Hai Tumein Muhabbat Sikha Sikha K.....!!!,

Mohabat rog hai jaana
Ajab sanjog hai jaana
Yeh kese jog hai jaana

Baray borhay batatey thy
kaien qisey sunatey thy
Magar ham mantey kab thy
Yeh sab kuch jantey kab thy
Yeh batein zikar k qabil
Bhala gardantein kab thy

Ana k takhat per baithey
Hamein maloom hi kab tha
Ana k takhat se oopar
Bohat sari bulandi par
Kahein paryoon ke jhurmat main
Tere peiroon ki payal main
Tere chotey se gaoun main
Ghani zulfoon ki chaoun main
Sitare chand sooraj
Walehana raqas kartein hain


Hamein maloom hi kab tha
Terey qadmoon ki aahat per
Gulabi muskurahat par
Tere hontoon ki jumbish par
Ter e sar k isharey par
Sada-e-dilbrana par
Nigah-e-qatlana par
Jafa-e-mehermana par
Ada-e-kafrana par
Chaman ke phool sarey
Is tarha se dhayan detein hain
Zara se wasal ke jhansey main
Apni jaan detein hain


Hamein kab ilm tha jana
Tere pekar se dhul kar
Chandni har so bikharti hai
Shab-e-wisal ki doshizgi
Kaisy nikharti hai
Teri payal ki chan chan
Man main kia ghanti bajati hai
Teri awaz veraney main
Kia jadu jagati hai
Tere nagmein fizaon main
Kis tarha jal tarang bajatein hain
Bohat pukhat iradey
Kis tarha se toot jatein hain


Hamein idraak hi kab tha
Hamein kamil bharosa tha
Hamarey sath kisi surat
Bhi aisa nahi ho ga
Dil -e- nadan kabhi
Qabo se beqabo nahi ho ga
Ye dunyaidaar
Dunyaidaari se sadhu nahi ho ga


MAGAR

Magar phir howa jana
Janey kiyon howa jana
Bara afsos howa jana
Jigar ka khoon howa jana

Tere abroo ki ik jumsash
Se ghayal ho gaye ham bhi
Baray hi mutafit phiray thy
Mayal ho gaye ham bhi
Sakhawat karnay aye thy
Aur sayal ho gaye ham bhi
Barey borhoon ki batoon ke qayal
ho geye ham bhi
k.....

Muhabat roog hai jana
Ajab sanjog hai jana


yeh kesa roog hai jana?

Janay Kyun Zindagi Ab Sehra Lagti Hai,
Sans Bhi Lon Toh Zakham Ko Hawa Lagti Hai,

Kyun Har Baat Ki Taseer Mujhpar Ulti Hai,
Koi Dua Bhi De Tou BadDua Lagti Hai,

Jeenay Ki Tamanna Nahi Mujhko Zara Bhi,
Saans Bhi Lena Ab Toh Ik Saza Lagti Hai,

Apne Dil Ka Haal Sunaon Bhi Toh Kissay,
Jab Sari Duniyaan Hi Mujhe Bewafa Lagti Hai,

Koi Marham Nahi Milta Mere Dard Ka Mujhe,
Ab Toh Bas Mot Hi Mere Zakhmon Ki Dawa Lagti Hai....!!!