Search

mohabbat mein agar koi jhoot bolay tou
mohabbat Roth jati hai
mohabbat toot jati hai
mohabbat mein adakari nahi chalti
mohabbat mein * ria kaari nahi chalti
mohabbat Sache jazbun say bana anmol moti hai
mohabbat zindagi mein faqt ik baar hoti hai
mohabbat kanch ki manind
mohabbat aanch ki manind
keh jon jon waqt guzray tou
yeh har pal taiz hoti hai
sulagti aag ki manind
mohabbat raag ki manind
keh iss kay sunnay walon par
ajab madhoshi chhaati hai
mohabbat jhilmilati hai
chamakate chaand ki manind
mohabbat aik moorat hai
mohabbat khobsorat hai
yeh moorat sab ko bhaati hai
kayi sjday karati hai
mohabbat rail ki manind
keh anjanay musafir iss ki har pal
raah taktey hain
yeh basssss ik baar aatti hai
agar yeh chhoot jayae tou
musafir soog kartay hain
musafir rog kartay hain
mohabbat jog ki manind
jisay ik baar lag jayae
woh sab kchh_h bhool jata hai
mohabbat deewar say lipti ik bail ki manind
jo sada barhti he jati hai
mohabbat khushbu ki manind
jo har so phail jati hai
mohabbat gungunahteen hai
sureelay geet kay manind
kisi kay naram honton say
yeh jab lafzon ki soorat mein nikalti hai
tamanna phir machalti hai
mohabbat raakh hoti hai
mohabbat pak hoti hai
mohabbat masoom sa sach hai
keh iss ko bolnay say rooh mein
pakeezgi si loout aateen hai
tabhi tou ! mohabbat mein agar koi jhoot bolay tou
! ! ! ! mohabbat rooth jati hai
,

sawal gham hai
jawaab gham hai
hazaar saloon mein jo mukammal hui
muhabbat ki khoon rangi kitaab gham hai
tumahare lab peh jo muskurahat hai
merae lab peh jo aashnai ki manzlon ka safar likha hai
yeh sara gham hai
kisi kay tan ki sumdarataa gham hai
kisi nazar ka gunjalta gham hai
muhabbaton kay samandaroon mein
utartee khush rang seerihoon par
yeh larkiyon ki qitaar gham hai
kafan mein lipti dhulhan ki aankhon mein
aansuon ka shumaar gham hai
woh lrhkyan, lrhke, avrtin, mard gham he gham hain
jo meri naazon kay jungalon kay
bay simt rustoon peh kho geye hain
woh saal khorda haseen aurat bhi gham ka chehra bunny hui hai
jisay muhabbat nay roshni ki naveed di thi
woh jis nay wahdon say apni manzil kasheed ki thi
woh gaon ki kachi paki raahein
woh meri maan ki naheef baanhain bhi gham he gham theen
keh mera bachpan tou gham kay lambay safar ki
ghamgeen ibtida thi
jawani gham ki kahani ban qr
kuch ayesay lafzon mein dhal gayi hai
keh gham ki tashheer ho gayi hai
abhi abhi yeh jo shokh saaye
haseen lamhoon ko chunn rahay thay
yeh gham ki tareekh ban rahay thay
yeh falsafah aqal o ishq o Irfaan
majaz , ejaaz aur haqeeqat bhi saaray gham hain
mein aik shah’r
mein aik sahir
mein aagahi kay azaab mein gum
safar ka anjaam jaanta hon
mein maanta hon
keh har khushi ka imam gham hai

.
.
.
tamaaam gham hai
,

yeh sheshay yeh sapnay yeh rishtye yeh dhaagay

kisay kya khabar hai kahan toot jayen

muhabbat kay darya mein tinke wafa kay

nah janay yeh kis more par doob jayen


ajab dil ki bastii ajab dil ki waadi
har ik more mousam nai khawahishon ka


lagaye hain hum nay bhi sapnon kay poday

magar kya bharosa yahan baarishoo ka


muradon ki manzil kay sapnon mein khoye

muhabbat ki raaho peh hum chal parrey thay

zara dour chal kay jab ankhain khulein tou

kari dhoop mein hum akailey kharay thay


jinhein dil say chaha jinhein dil say pooja

nazar arhay hain wohi ajnabi say

riwayat hai shayad yeh sadiiyon purani

shikayat nahi hai koi zindagi say ,

Suna Hay Log Usay Aankh Bhar Kay Dekhtay Hain
So Us Kay Shaher Main Kuch Din Thehar Kay Dekhtay Hain


Suna Hay Rabt Hay Us Ko Kharab Haloon Say
So Apnay Aap Ko Barbaad Kar Kay Dekhtay Hain


Suna Hay Dard Ki Gaahak Hay Chash m Naaz Us Ki
So Hum Bhi Us Ki Gali Say Guzar Kay Dekhtay Hain


Suna Hay Us Ko Bhi Hay Shair o Shairy Say Shaghaf
So Hum Bhi Mojze Apnay Hunar Kay Dekhtay Hain


Suna Hay Bolay Tu Batoon Say Phool Jhartay Hain
Ye Baat Hay Tu Chalo Baat Kar Kay Dekhtay Hain


Suna Hay Raat Usay Chaand Takta Rahta Hay
Sitaray Baam Falak Say Utar Kay Dekhtay Hain


Suna Hay Raat Ko Usay Titliyaan Satati Hain
Suna Hay Raat Ko Jugno Thaher Kay Dekhtay Hain


Suna Hay Hashar Hain Us Ki Ghazal See Aankhain
Suna Hay Us Ko Heran DashT Bhar Kay Dekhtay Hain


Suna Hay Raat Say Bhar Kar Hain Kaaklain Us Ki
Suna Hay Shaam Ko Saaye Guzar Kay Dekhtay Hain


Suna Hay Us Ki Siya chashmagi Qyamat Hay
So Us Ko Surma Frosh Aah Bhar Kay Dekhtay Hain


Suna Hay Us Kay Labon Say Gulab Jaltay Hain
So Hum Bhi Bahar Pay Elzaam Dhar Kay Dekhtay Hain


Suna Hay Aaina Tamsaal Hay Jabeen Us Ki
Jo Saada Dil Hain Usay Ban Sanwar Kay Dekhtay Hain


Suna Hay Jab Say Hamail Hain Us Ki Gardan Main
Mezaaj Or Hi Lal o Guhar Kay Dekhtay Hain


Suna Hay Chashm Tasawur Say Dasht Imkaan Main
Palang Zaviye Us Ki Kamer Kay Dekhtay Hain


Suna Hay Us Kay Badan Ki Tarash Aisi Hay
Keh Phool Apni Qabaye Kutar Kay Dekhtay Hain


Bas Ak Nigaah Say Lutta Hay Qafla Dil Ka
So Rahzan Tamanna Bhi Dar Kay Dekhtay Hain


Suna Hay Us Kay Shabistaan Say Mutasil Hay Bahisht
Makeen Edhar Kay Bhi Jalway Udhar Kay Dekhtay Hain


Ruke Tu Gardishain Us Ka Tawaf Karti Hain
Chalay Tu Us Ko Zamanay Thehar Kay Dekhtay Hain


Kesay Naseeb Kay Bay Pairhan Usay Dekhay
Kabhi Kabhi Dar o Dewaar Ghar Kay Dekhtay Hain


Kahaniyaan Hi Sahi Sab Mubalghay Hi Sahi
Ager Wo Khowab Hay Tabeer Kar Kay Dekhtay Hain


Ab Us Kay Shaher Main Theray Kay Kooch Kar Jaye
Faraz Aao Sitaray Safer Kay Dekhtay Hain


Abhi Kuch Or Karishmay Ghazal Kay Dekhtay Hain
Faraz Ab Zara Lehja Bdal Kay Dekhtay Hain


Judaiyaan Tu Muqaddar Main Hain Phir Bhi Jaan -e- Safer
Kuch Or Dorr Zara Saath Chal Kay Dekhtay Hain


Rah -e- Wafa Main Hareem Khayal Koii Tu Ho
So Apnay Aap Say Aagay Nikal Kay Dekhtay Hain


Tu Samnay Hay Tu Phir Yaqeen Kyun Nahi Aata
Yeh Bar Bar Jo Aankhon Ko Mal Kay Dekhtay Hain


Yeh Koun Log Hain Mujood Teri Mehfil Main
Jo Lalchon Say Tujhay , Mujh Ko Jal Kay Dekhtay Hain


Yeh Qurb Kia Hay Keh Yak Jaan Howay Na Dorr Rahay
Hazaar Ak Hi Qalib Main Dhal Kay Dekhtay Hain


Na Tujh Ko Maat Hoii Na Mujh Ko Maat Hoi
So Ab Kay Dono Hi Chalain Bdal Kay Dekhtay Hain


Yeh Koun Hay Sar -e- Sahil Kay Dobanay Walay
Samandaron Ki Tahon Say Uchal Kay Dekhtay Hain


Abhi Talak Na Kundan Howay Na Raakh Howay
Hum Apni Aag Main Har Rooz Jal Kay Dekhtay Hain


Bohat Dino Say Nahi Hay Kuch Us Ki Khair Khaber
Chalo Faraz Koye -e- Yaar Chal Kay Dekhtay Hain,

کہتے ہیں جب گھر میں اچانک
ایسی آگ بھڑک اٹھے
جو چشمِ زدن میں
ہر یک شے کو اپنی لپیٹ میں لے لے،
آگ بجھانا مشکل ہو اور
گھر کا اثاثہ اس سے بچانا ناممکن ۔۔۔تو
ایک ہی رستہ رہ جاتا ہے
جو بچتا ہے وہی بچائو!
گھر کی سب سے قیمتی چیز ہاتھ میں لو اور
اس سے دور نکل جائو

میرے دل میں بھی ایسی ہی آگ لگی تھی
میں نے جلدی جلدی آنکھ میں تیرے بجھتے خواب سمیٹے
تیری یاد کے ٹکڑے چن کر دھیان میں رکھے
اور اس آگ میں دل کو جلتا چھوڑ کے دور نکل آیا ہوں
میں نے ٹھیک کیا ہے نا,

Mujhay Yaad Hai ......

Pichlay Saal Inhi Dinoon Main

Main Ne Tumhain Apnay Ander

Saatveen Baar Qatl Ker Ke Waheen Kaheen

Kisi Veeranay Main Dafan Ker Dia Tha


Or Tumhari Qabr....

Faramoshi Ke Bhaari Pathron Say Bher Dee The..



Or Is Say Bhe Pehlay Aik Baar

Door Daraz Say Aanay Walay

Kisi DIYO Haikal Parindoon Ke Paron Say....



Or Is Say Bhi Pehlay Aik Baar

Bilkol Inhi Dinoon

Main Nay Tumhain Mukamal Taur Per Jala Ker

Tumhari Raakh Taiz Behtay Howay Dariya Main Bahaa De The



Lakin Is Saari Jaan Kuni Ke Bawajood

Tum Aaj Phir Hamysha Ki Tarah

Meri Aankhoon Main Aankhain Daalay

Mere Dil Ko Apni Mutthi Main Jakray

Mere Samnay Kharri Ho ....!!!!,

Aaj jee chahta hai ...

Aj jee chahta hai
Ke bohat baarish ho
Aur
Saara paani beh jaye
Ankhoon ke aasmaan se
Ke pelkoon ke baadel
Bohat bojhel ho chuke
Aur jhappakne se tappekne lagte hain
Phir tappakta paani
To kissi ke pyas nahi bhujata
Aur mujhe to tere dil ke zameen
Sairaab kerni hai
Iss liye
Aj jee chahta hai
Ke bohet baarish ho,

Eik lafz Mohabbat hai isay ker k dekho tum
Barbad na ho jao to mera Naam badal dena

Eik lafz Muqaddar hai is se larr k dekho tum
Haar na jao to mera Naam badal dena

Eik lafz Wafa hai jo duniya mei nahe milti
Kahin se gar mil jaye to mera Naam badal dena

Eik lafz Aansoo hai isay dil mei chupa ker dekho tum

Aankhon se na beh jaye to mera Naam badal dena

Eik lafz Judai hai isay seh ker dekho tum
Toot k bikhar na jao to mera Naam badal dena....,

Mohabbat tumse hai yeh maanti hoon mein

chahat bus tumhari hai yeh janti hoon mein

Aao apni zaat ke us pehlu se milaaaon tumhe

mein kya hoon aur kon hoon yeh bataaon tumhe

Mein apni maan ki tarbiyat mein dhala ik sancha hoon

apne baba ki umeedon se pur aik khaka hoon mein

Apne bhai ki ghairat hoon yeh jaanti hoon mein

is ghar ki izat hoon yeh maanti hoon mein


To phir behek jaaon phir mein yeh mumkin hi nahin

rishte aur bhi to hain sirf tum hi to nahin

Mohbabbat unhe bhi hai sirf tum ko to nahin....!!!!,