Search

Woh Gumnaam Sa Qayaas Sa
Kabhi Door Sa Kabhi Paas Sa
Kabhi Chandni Mein Chupa Hua
Kabhi Khushbowon Mein Basa Hua
Kabhi Sirf Uski Shbaahtain
Kabhi Sirf Uski Hikaitain
Kabhi Sirf Milne K Silsile
Kabhi Sirf Us Se Hi Faaslay
Kabhi Door Chalti Hawaon Mein
Kabhi Meen Bersati Ghataon Mein
Kabhi Budgumaan Kabhi Maherbaan
Kabhi Dhoop Hai Kabhi Sayebaan
Kabhi Band Dil Ki Kitab Mein
Kabhi Lab Kushaan Woh Khwab Mein
Kabhi Youn K Jaise Sawal Ho
Kabhi Youn K Jaise Khyaal Ho
Kabhi Dekhne K Hain Silsile
Kabhi Sochne K Hain Merhlay
Kabhi Sirf Rang e Bahaar Sa
Kabhi Sirf Ik Gubaar Sa
Kabhi Dastaras K Qareeb Qareeb
Kabhi Door Paas Kaheen Nahin
Yeh Ju Ukhra Ukhra Sa Shakhs Hai
Yeh Ju Bikhra Bikhra Sa Shakhs Hai

Meri mohabat mere jazbat sirf tumse hain
Dekho meri kainat sirf tumse hay
Oron se pochne ka main haq nahi rakhta
Mere sawalat, mere jawabat ,sirf tumse hain
Tujh ko malom hi nae meri tanhai ka dukh,
Mari Sochain, mere khayalat sirf tumse hain
Tu sath hai to muqader pe hukomat apni
Mere her rishte ki soghat sirf tumse hay,
Ger...kabhi bikher jaon to sametna mujh ko,
Hai mukamal jo meri zaat sirf tumse hay

Yahan Hurr Shaks Hur Pal Haadsa Hone Se Darta Hai
Khilona Hai Jo Mitti Ka Fana Hone Se Darta Hai

Mere Dil Ke Kisi Kone Mein Eik Massom Sa Baccha
Baroon Ki Dekhkar Duniya Bara Hone Se Darta Hai

Na Bus Mein Zindagi Iske Na kaboo Maut Par Iska
Magar Insaan Phir Bhi Kab Khuda Hone Se darta hai

Ajab ye Zindagi Ki Qaid Hai, Duniya Ka Hur Insaan
Rihaai Mangta Hai Aur Riha Hone Se Darta Hai

Muhabbat Jin Se Hoti Hai

Unhain Khone Ka Dar Har Waqt DAMAN GEER Rahta Hai

Yaqeen Ki Akhri Manzil Pe Akar Bhi

Koi Khadsha, Koi Shak, Koi Andesha

Buhat Bechaen Rakhta Hai

Muhabbat Jin Se Hoti Hai

Unhain Khone Ka Dar Har Waqt DAMAN GEER Rahta Hai



Kahin Ye Visal Ke Lamhe

Badal Jayain Na Furqat Mai

Kahin Ye Qurb Ki Ghairiyan

Judai Main Na Dhal Jayain

Kahin Aisa Na Ho K Koi Usko Badgumaa Kar De

Kahin Aisa Na Ho K

Jis Ko Hum Ne Hasil-E-Umr-E-Rawa Samjha

Jhatak Kar Hath Wo Bedard Sab Kuch Raiga Kar De

Kahin Aisa Na Ho K

Wo Meharbaan Ankhain Badal Jayain

Kahin Aisa Na Ho K

Ye Garamjoshi Sard Par Jaye

Tapaak-E-Jaa’n Se Milne Ki Rawish

Yakh Basta Ho Jaye

Ada’e Dilbarana Berukhi Ka Roop Dhare

Aur Dil Ka Dard Ban Jaye

Muhabbat Jin Se Hoti Hai

Unhain Khone Ka Dar Har Waqt DAMAN GEER Rahta Hai

Kabhi Mahfil Mai Sab Ke Samne Wo Ahtiyatan Bhi

Agar Nazrain Churaye Tou Dil Pe Thees Lagti Hai

Ansoo’n Ka Mena Barasta Hai

Kabhi Masrofiat Mai, Mahwiyat Mai

Phone Ki Ghanti Ka Wo Notice Na Le

Aur Rabte Ka Silsila Moqoof Ho Jaye

Dharak Uthta Hai Dil

Kya Janea Kya Ho Gaya Us Ko

Tawajja Mai Kami Kyun Agai…?

Kyun Us Ki Janib Ik Sannata Sa Chaaya Hai….?

Jo Apna Is Qadar Apna Tha

Akhir Kyun Paraya Hai..?

Muhabbat Jin Se Hoti Hai

Unhain Khone Ka Dar Har Waqt DAMAN GEER Rahta Hai