Search

Tere dil mein tou armaan shayad paida bhi nah hue hon
Per mere tanha armaano ka woh kabristaan, aaj bhi hai..
Dil lagane ki khataa nah karna ae dost,
Dard milne ki saza, aaj bhi hai.

Dil ki dhadkan dhadka gaya koi,
Mere khwabo ko mehka gaya koi,
Hum tou anjaane rasto par chal rahe thay
Achanak hi pyaar ka matlab sikha gaya koi!!!!!!!!!

Bohat hi yaad aata hai mere Dil ko tarpaata hai
Woh tera paas nah hona bohat mujh ko rulaata hai
Woh mera teri aankhon ke samandar main uttar jaana
Aur teri muskurahat ke bhanwar main doobte jaana
Teri awaaz ke saher se nah nikal paana
Tujh ko dekhna aur bey-khudi se dekhte jaana
Bohat chaha in guzre hue lamhon ko nah sochoon
Nah teri yaad main reh ke tere saath ka sochoon
Bhoola doon saari yaadon ko ke jin se Dil tarapta hai
Ke jin se tais uthti hai ke jin se dard hota hai
Magar jab raat aati hai tou teri yaad aati hai
Tere hi khuwaab hote hain teri hi baat hoti hai
Tou tay paaya ab mumkin nahi tujh ko bhoola dena
Teri yaad main rehna tujhe hi sochte rehna
Tujhe jab yaad karte hain tou Dil apna tarapta hai
Woh tera paas nah hona bohat mehsoos hota hai...

Ankhon se dur ho par dil se nahi,
Dil mein zarur ho par milte nahi,
Bus yehi gila hai tumse dost,
Tum milte zarur ho par dil se nahi..

Dard e dil mein gam ki kaliyan khilti hai,
Aab tou tanhai aksar hamse milti hai,
Aapne band kiya jabse SMS karna,
MOBILE ki battery zyada chalti hai!

Aisi Dosti hamari kay dil chahye,
tu har safar, har dagar mein milay,
Mar bhi jaun tou pyar rahe Qayem
aur tu sath wali kabar mein milay.

Ankho mein raha dil mein utar kar nahi dekha
Kashti ke musafir ne kabhi samandar nahi dekha
Bewaqt agar jaunga sab chauk paden gay
Muddat hui din mein kabhi ghar nahi dekha

Har seene mein dil hota hai,
har dil mein ek raaz ki baat hoti hai,
har koi nahi bana sakta TAJ MAHAL,
Par har dil mein ek MUMTAZ hoti hai.

Shairi mein dimaag nahi dil zaroori hai,
Kuch jigar ka khoon ho shamil zaroori hai,
Sirf lafzon ki tuk bandi shairi nahi,
Sher ho dil peh lagne ke qabil zaroori hai