Search

chupaye dil men Ghamon ka jahan baiThe hain
tumhari bazm men ham bezabaan baiThe hain

ye aur baat ki manzil pe ham poanch na sake
magar ye kam hai ki raahon ko chhaan baiThe hain

ab aur gardish-e-taqadiir kyaa sataye gi
luTaa ke ishq men naam-o-nishan baiThe hain

vo ek lafz-e-mohabbat hii dil kaa dushman hai
jise shariat-e-ehasaas maan baiThe hain

hai maikadon ki bahaaron se dosti Sagar
barhaye had-e-yakeen-o-guman baiThe hain

Apnay Dil ko sambhalo,Or so jao
Aanso ankhon main chupa lo,Or so jao
Kuch nahe Milta ishQ main Siwaye es k
Ghum ke barish main naha lo,Or so jao
Choar do ye Ratoon ko dair tak jaagna
Us ki yaad Dil say mita lo,Or so jao
IshQ main hamesHa bewafai he hoti hai
Ye bat zehan main bitha lo,Or so jao

Dil ki baat laboon per la kar ab tak hum dukh sehtay hein
Hum ne suna tha es bastii mein dil walay bhi rehtay hein

Beet gaya sawan ka maheena, mausam ne nazrein badleen
Lakin inn pyaari ankhon se ab tak aansoo behtay hein

Ik hamein aawarah kehna koi bara ilzaam nahi
Duniya walay dil waloon ko aur bohat kuch kehtay hein

Jin ki khatir shehar bhi chora jin ke liye budnaam hoe
Aaj wohi hum se beganay beganay se rehtay hein

Koi Mausam Ho Dil MeN Hai Tumhaari Yaad Ka Mausam
Ke Badla Hi NahiN Jana Tumhaare Baad Ka Mausam

NahiN To Aazma Kar Dekh Lo, Kaise Badalta Hai
Tumhaare Muskuraane Se Dil-E-Na shaad Ka Mausam

KahiN Se Uss HabeeB Aawaaz Ki Khushbu Pukaare Gi
To Uss Ke Sath Badle Ga Dil-E-Barbaad Ka Mausam

Qafas Ke Baam-o-Dar MeN Roshani Si Aayi Jaati Hai
Chaman MeN Aa Geya Shaayed Lab-E-Aazaad Ka Mausam

Mere Shahr-E-ParishaN MaiN Teri Be Chain RaatoN MeN
Buhat Hi Yaad Karta HooN Teri Buniyaad Ka Mausam

Na Koi Gham KhizaaN Ka Hai Na Khawahish Hai BahaaroN Ki
Hamaare Sath Hai Amjad Kissi Ki Yaad Ka Mausam

Kaha dil nay dharak kar, vasl ka lamha nazar aaye
jawaban aankh mein yaadon bharay aansu ubher aaye

kaha! jazbaat kyun alfaaz mein dhalnay say qaasir hain?
kaha! kuch rang qudrat kay, bayaan say balatar aaye

kaha! gham ki tapish to aankh ko bay noor ker de gi
kaha! qudrat Khuda ki, aankh mein paani utar aaye

kaha! tum beej dil mein pyar kay bo kar kahan gum ho?
zara daikho to palkon par, samar kitnay utar aaye

abhi to ik lehar maachli hai, bolo! darr gaye ho kyun?
barri baatein banatay thay, behar aaye, bhanwar aaye

kaho! kitnay ishaaray aur daikho gay to jaano gay
suno! rakht-e-safar bandho, najanay kab safar aaye

Kaha! main nay payamber der payamber sab sikha daala
jahannum bhi hai jannat bhi, idher aaye, udher aaye