Search

Ai Mere Ham-Nashin Chal Kahin Aur Chal Is Chaman Mein Ab Apnaa Guzaraa Nahin
Baat Hoti Gulon Tak To Sah Lete Ham Ab To Kaanton Pe Bhi Haq Hamaraa Nahin

Aaj Aaye Ho Tum Kal Chale Jaaoge Ye Muhabbat Ko Apani Gavaraa Nahin
Umr Bhar Kaa Saharaa Bano To Bano Do Ghari Kaa Saharaa Saharaa Nahin

De Sadaa Daar Par Aur Kabhi Toor Par Kis Jagah Main Ne Tum Ko Pukaraa Nahin
Thokaren Yun Khilaane Se Kyaa Fayedaa Saaf Kah Do Ke Milnaa Gavaraa Nahin

Gulasitaan Ko Lahu Ki Zaruurat Pari Sab Se Pehle Hi Gardan Hamaari Kati
Phir Bhi Kehte Hain Mujhse Ye Ahal-E-Chaman Ye Chaman Hai Hamaraa Tumharaa Nahin

Zaalimon Apani Qismat Pe Naazaan Na Ho Daur Badalegaa Ye Vaqt Ki Baat Hai
Vo Yaqinan Sunegaa Sadaayen Meri Kyaa Tumharaa Khudaa Hai Hamaraa Nahin

Apani Zulfon Ko Rukh Se Hataa Lijiye Mera Zauq-E-Nazar Aazmaa Lijiye
Aaj Ghar Se Chalaa Hun Yahi Soch Kar Ya To Nazren Nahin Yaa Nazaraa Nahin

Jaane Kis Ki Lagan Kis Ke Dhun Mein Magan Ham Ko Jaate Hue Mur Ke Dekhaa Nahin
Ham Ne Aavaaz Par Tum Ko Aavaaz Di Phir Bhi Kahate Hain Ham Ne Pukaraa Nahin
,

Aj Phir Mujhko Uski Yaad Dila Di Barish Ne,
Dil Mein Jo Bhool Ki Aag Thi Bujha Di Barish Ne,

Main Tanha Thi Apne Ghar Mein Zamanay Se Bekhabar,
Magar Mere Ghar Ki Dewar Gira Di Barish Ne,

Uskau Zikar Se Hogai Aankhein Num,
Magar Doston Mein Yeh Sari Baat Chupa Di Barish Ne,

Suna Hai Woh Bhi Roya Hai Aaj Buhat,
Lagta Hai Unko Meri Yaad Dila Di Barish Ne,

Woh Bewefa Hai Toh Phir Kya Hua,
Aaj Mere Sath RO Kar Wafa Nibha Di Barish Ne...!!!,