Search

Apney Uljhey Huwey Din Raat Bhi Suljha Na Sakey
Itney Be-faiz Hain Khud Apney Hi Kaam Aa Na Sakey

Saaya-e-Zeest Ko Dhaltey Huwey Daikha Lekin
Taptey Sehra Pay Koi Naqsh-e-Khushi Paa Na Sakey

Dil Bhi Machla Tha Nigahein Bhi Palat Jaati Theen
Unn Ki Dehleez Pay Lekin Ye Qadam Jaa Na Sakey

Dil Ki Taskheer Hi Darasal Fatah Mandi Hai
Unn Ko Paa Kar Bhi Magar Hum Unhein Apna Na Sakey

Daastan Kehney Ki Kuch Waqt Ne Mohlat Hi Na Di
Lab Kusha Ho Na Sakey Dil Unhein Dikhla Na Sakey

Khilti Kaliyon Kay Tabasum Ki Haqeeqat Kya Hai
Bikhrey Phoolon Say Jo Poocha To Woh Samjha Na Sakey

Mera Aaina, Mera Aks Bhi,
Mere Meharbaan Ki Nazar Howa,
Meri Siskiyaan, Meri Hichkiyaan,
Meri Aarzu, Meri Justajoo,
Meri Chashm-e-Tar,
Mera Har Safar,
Meri Soch Kay Sabhi Zaviye,
Woh Diya Jo Usnay Bhujha Diya,
Meri Hastiyan, Meri Bastiyan,
Meri Shairy, Meri Raagni,
Mere Saath Jinka Guzar Howa,
Mere Meharbaan Ki Nazar Howa

Main Lafzon Main Kuch Bhi Izhaar Nahi Karti
Is Ka Matlab Ye Nahi Keh Main Tujh Say Pyaar Nahi Karti

Chahati Hoon Main Tujhay Aaj Bhi Per
Teri Soch Main Apna Waqt Barbaad Nahi Karti

Tamasha Na Ban Jaye Kahii Mohabbat Meri
Is Liye Apna Dard Ko NamoDaar Nahi Karti

Jo Kuch Mila Hay Usi Main Khush Hoon Main
Teray Liye KHUDA Say Taqrar Nahi Karti

Per Kuch Tu Baat Hay Teri Fitrat Main Zalim
Warna Main Tujhay Chahanay Ki Khatta Baar Baar Nahi Karti

Jab Bhi Milta Hay Ak Zakham Naya Deta Hay
Kuch Is Tarah Meri Wafaon Ka Sila Deta Hay

Yon Tu Meri Aankhon Say Usay Pyaar Bohat Hay
Jab Bhi Jee Chahay Us Main Ashk Saja Deta Hay

Khud Ko Ganwa Kar Usay Main Nay Paya Hay
Is Baat Ki Bhi Wo Mujh Ko Saza Deta Hay

Wo Jo Ak Shaks Meray DIL Pay Raaj Karta Hay
Kabhi Hukum Deta Hay Marnay Ka, Kabhi Jeenay Ki Dua Deta Hay

Gila Jo Karon Us Say Be Rukhi Ka Main
Khud Hansta Hay Or Mujh Ko Rula Deta Hay

udasion ka sabab ju likhna tu yeh bhi likhna
k chand jaisa chehra,shahabi ankhain badal gayi hain

woh lamhe ju teri raahoon main,tere anay k muntazir thay
woh thak k sayuon main dhal gaye hain

woh teri yaadain khayal tairay,woh teri batain,sawal tairay,
woh tujh se mere tammam rishtey ujar gaye hain bikher gaye hain

kapkapatay hontoon per larkharati dua k suraj,pighal gaye hain
tammam sapne jall gaye hain,pal pal tarapti shaamain badal gayi hain,

tanhaiyoun main machalti hoi raatain jal gayi hain
payar k jalte hoye chiraagh bujh gaye hain

Is Dil Ne Tere Baad Mohabbat Bhi Nahi Ki
Had ye k Dharakne Ki Jasarat Bhi Nahi Ki

Tabeer Ka Ayzaaz Hua Hai Ussey Haasil
Jis ne Mere Khuabon Mein Sharakat Bhi Nahi Ki

Ulfat To Bari Baat Hai Humse To Sar-e-Shehar
Logon Ne Kabhi Dhang se Nafrat Bhi Nahi Ki

Aadaab-e-Safar Ab Wo Sikhate Hain Jinhon Ne
Do Chaar Qadam Tay, Yeh Musaafat Bhi Nahi Ki

Kya Apni Safai Mein Bayaan Dete K Humne
Na Karda Gunaah ki Wazaahat Bhi Nahi Ki

Khaamosh Tamashayi Ki Maanind Sar-e-Bazm
So Zakham Sahay Dil Pe , Shikayat Bhi Nahi Ki

is Ghar K Sabhi Log Mujhey Chorney Aaye
Dehleez Talak Uss Ne Yeh Zehmat Bhi Nahi Ki

Ussne Bhi Ghulamoon Ki Safoon Mein Humein Rakha
is Dil Pe Kabhi Jis Ne Hakoomat Bhi Nahi Ki

Dard Mein Bhi Ab Hum Hasna Seekh Gaye
Kaisi Mohabbat Hai Jo Hum Hasna Bhool Gaye

Pehle Rulate Ho Phir Hansate Ho Kis Liye
Kaisi Mohabbat Hai Jo Hum Hasna Bhool Gaye

Dard Badh Gaya Hai Jalan Bankar Humare Liye
Kaisi Mohabbat Hai Jo Hum Hasna Bhool Gaye

Ghamon Ko Na Bhula Paaye Yeh Kaise Dard Mile
Kuchh Haseen Palon Ko Yaad Karke Hasna Bhool Gaye

Saamne Hote Ho Tum Phir Kuchh Na Kaho Mere Liye
Har Pal Jo Khilta Tha Chehara Usse

Hum Pahchan Na Bhool Gaye
Khwaabon Mein Aakar Jo Neend Chura Gaye

Ab Mera Hosh Aur Meri Saason Ko Bhi Le Gaye
Aur Kya Rakha Hai Ab Iss Zindagi Ke Liye

Tum Bhi Humen Dard Mein Hi Rukhsat Kar Gaye
Zulm Na Ho Iss Zindagi Pe Ye Sandesh Le Aaye

Mujrim bhi tha mohsin bhi mera lagta tha
Dast-e-katil bhi mujhy dast-e-HinA lgta tha

Ary daikhny waly to usy daikhty reh jaty thy
Han wo shaks mohabt ka KHUDA lagta tha

kanton bhari shakh nazar aata tha kabi
Phool lagta tha kabi baad-e-saba lagta tha

Ab logon sy pochta phirta hai maire ghar ka pata
Main jisy sare zamany sy bura lgta tha

Us ki batein thin ravayat sy hat kar MOHSIN
Sub main rehta tha magar sub sy juda lgta tha