Search

Mohabbat Kuch Bhi Ho Jana

Mohabbat Dars Deti Hay

Mohabbat Zabt Deti Hay

Mohabbat Barishain Aisi

Koii Tu Doob Jata Hay

Koii Tu Paar Hota Hay

Ye Wo Unwaan Hay Jana

Jisay Ham Likh Nahi Saktay

Koii Anjaam Ho es Ka

Suhail Itna Zara Socho

Mohabbat Jeet Jati Hay

Mohabbat Haar Deti Hay

Kise Ko Zinda Rakhti Hay

Kese Ko Maar Deti Hay

ik burg sabz shaakh se karr k juda bhi daikh
mai phir bhi jee raha hoon mera hausla bhi daikh

maana k tera mujh sey koi waasta naheen
milney k baad mujh se zara aaina bhi daikh

auron k paas ja k meri dastaan na pooch
jo kuch hai merey chehrey pe likha huwa bhi daikh

tu ney jo musht e khaak samajh kar urha diya
abb mujh ko apni raah mai bikhra huwa bhi daikh

chehrey ki chandni pe na itna bhi maan kar
waqt e sehar tu rung kabhi chand ka bhi daikh

Merey wehm o guman se bhi zyada toot jata hai
Ye dil apni hadoon mein reh k itna toot jata hai

Mein roaon to dar o deewar mujh pey hansnay lagtey hain
Hansoon to merey andar janey kya kya toot jata hai

Mein jis lamhey ki khawahish mein safar karta hoon sadyon sey
Kahin paoon taley aa kar who lamha toot jata hai

Merey khawaboon ki basti sey janazey uthtay jatey hain
Meri aankhein jisey choo lein who sapna toot jata hai

Najaney kitni mudat se hai dil mein ye amal jari
Zara si theeas lagti hai zara sa toot jata hai


Muqadar mein merey sagar shikast o rakhat itni hai
Mein jis ko apna keh doon wo sitara toot jata hai

abhi to ishq main aisa bhi haal hona hay
ke ashk rokna tum se mohal hona hay

her aik lab pe hen meri wafa ke afsanay
teray sitam ko abhi zawal hona hay

baja ke khaar hay lekin bahaar ki rut main
ye tay hay ab ke humain bhi nihal hona hay

tumhen khabar hi nahi tum to loat jao gay
tumharay hijar main lamha bhi saal hona hay

hamari rooh pe jab bhi azaab utrain gay
tumhari yaad ko is dil ki dhaal hona hay

kabhi to roye ga wo bhi kisi ki banhoon main
kabhi to uski hansi ko zawal hona hay

milain gi humain bhi apnay naseeb ki khushiaan
bas intizar he kab ye kamal hona hay

her aik shakhs chalay ga hamari raahon per
muhabaton main humain wo misal hona hay

zamana jis ke kham o paich main ulajh jayee
hamari zaat ko aisa sawal hona hay

Wasi yaqeen he mujh ko wo loat aye ga
usay bhi apnay kiye ka malal hona hay

Ye Baam o Dar Bhi Meray Saath Khowab Daikhain Gay
Tamaam Raat Mera Iztaraab Daikhain Gay

Jahan Hurf -e- Mainay Main Jis Nay Uljhaya
Hum Us Kay Haath Main Apni Kitaab Daikhain Gay

Wo Meray Shaher Aaye Ga Or Milay Ga Nahi
Wo Kar Sakay Ga Bhala ijtanab Daikhain Gay

Tamaam Umar Dua Kay Liye Uthaya Haath
Hain Khush guman, Khushi Say Aazab Daikhain Gay

Milain Gay Us Say Kahin Dosray Kinaray Per
Saraab Paar Karay Gaye, Saraab Daikhain Gay

Wo Marhala Bhi Sar -e- Rah -e- Ishq Aaye Ga
Sawal Karnay Say Pehlay Jawab Daikhain Gay

Churra Kay Haath Kise Roz Apni Wehshat Say
Faseel -e- Shaher -e- Tamanah Ka Baab Daikhain Gay

Yahi Yaqeen Humay Saanp Ban Kay Duus Lay Ga
Ye Jantay Hain Mager Hum Bhi Khowab Daikhain Gay

Apne usool yun bhi kabhi tornay parray
Uski khata thi hath mujhe jornay parray

Aya na jab qarar dil-e-beqarar ko
Yaadon k rukh tumhari taraf mornay parray

Usko to meri yaad bhi aai na aik din
Apne paraye jis ke liye chornay parray

Mohsin wo shakhs khud bara be usool tha
Apny usool jis k liye hum tornay chalay

ye aankh bhi ye khuab bhi ye raat bhi uski
har baat pe yaad aati hai har baat bhi uski

jugno se chamaktay hain usi yaad ke dam se
aankhon men liey phirtay hain soghaat bhi uski

har sholay ke peechay hai usi aag ki sorat
har baat ke parday men hekiyaat bhi uski

lafzon men sajatay hain usi husn ki khusbo
aankhon men chupatay hain shekiyaat bhi uski

kya kijiey achi hamen lagti hai hamesha
dewaangi e dil men har baat bhi uski

jis shakhs ne manzar ko naey phool diye thay
hain dour e khizan par anayaat bhi uski

aata hai nazar majma e ahbaab men Adil
lakhon men akali hai mgr zaat bhi uski

Ana Ki Baat Hay Warna Mohabbat Ab Bhi Baki Hay
Usay Meri Mujhay Us Ki Zarorat Ab Bhi Baki Hay

Koii Mushkil Ager Darpesh ho Lout Aana Tum
Tumharay Wastay DIL Main Aqeedat Ab Bhi Baki Hay

Bala Ki Sard Mehri Hay Meri Har Baat Main Lakin
Meray Seenay Main Chahat Ki Hararat Ab Bhi Baki Hay

Judai Say Mra Wo bhi Nahi Mein bhi Nahi
Dono Insan Hain KHUDA Wo bhi Nahi Mein bhi Nahi

Wo Mujhe Aur Mein Ossay Ilzam Daitay Hein Magar
Apne Andar Jhankta Wo bhi Nahi Mein bhi Nahi

kamzarf Logo Ny Kar Dia Dono Mein Paida Ikhtalaf
Warna Fitrat Ka Bura wo bhi Nahi Mein bhi Nahi

Mukhtalif Simtoon Mein Dono Ka Safar Jari Raha
Ek Lamhey Ko Ruka wo bhi Nahi Mein bhi Nahi

Chahtey Dono Buhat Hain Ek Dosray ko faraz
Mgar Yeh Haqiqat Manta wo bhi Nahi Mein bhi Nahi