Poetry

Di tishnigi Khuda ney to chashmey bhi dey diey
seeney mey dasht ,aankh mein darya kia mjhey
mein yun sambhal gai k teri beywafai ney
beyaitebariyon se shanasa kia mjhey!

Diyaar-e-Dil Ki Raat Mein Charaagh Sa Jalaa Gaya
Mila Nahi Tou Kia Howa, Wo Shakal Tou Dikha Gaya
Wo Dosti Tou Khair Ab Naseeb-e-Dushmanaa.n Howi
Wo Choti Choti Ranjishon Ka Lutf Bhee Chala Gaya
Judayion Ke Zakham Dard-e-Zindagi Ne Bhar Dye
Tujhe Bhee Neend Aa Gayi Mujhe Bhi Sabar Aa Gaya
Pukaarti Hain Fursatain Kahan Gayin Wo Sohbatain
Zamee.n Nigal Gayi Unhain Ke Aasmaan Khaa Gaya.

MASEEHA ho??
Tabhi jazbaat ki dharkan ko fauran jaan lety
ho!
Kabhi alfaz ki nabzon ko apni narm sanson sy
choo kr bhool jaty ho!!
K in lafzon k seeny mein bhi akhir DIL
dharakty hain
Suno!
ye baat krty hain,
Ruko!
aawaz dety hain
Ye Jazbay saans lety hain
To jb tum door jaty ho
Jb inko bhool jaty ho
To dharkan rooth jati hy
To nabzein doob jati hain
Ye sansein toot jati hain
MASEEHA ho...
to phir inko shifa tum kyun nahi dety.

Phir ajnabi fizaon se jorra gaya mujhe,
Mein phool thi so shaakh se torra gaya mujhe,
Khushbu ki tarah jeena bhi asaan to na tha,
Phool se katra katra Nichorra gaya mujhe,
Mitti ke bartanon ki tarah sari zindagi,
Tora gaya mujhe, kabhi jorra gaya mujhe,
Hathon mein somp di mere kaghaz ki aik nao,
Darya ke tez dharey pe chora gaya mujhe…

Jahan se chali thi waheen pe kharri hoon,
Mein teri mohabbat ki aesi gharri hoon,
Tere hath mein thi mohabbat ki gurriya,
Jahan pe rakha tha waheen pe parri hoon,
Tujhe bhool janey ka socha tha lekin,
Barri dair tak aaj khud se larri hoon,
Tere sang barish mein chhatri ke neechey,
Mujhe yoon laga jese mein bhi jharri hoon,
Teri zaat se mein bhi mansoob ho kar,
Atoot ang hoon zindagi ki karri hoon,
Mera bachpna-pan hai mohabbat mein shamil,
Mohabbat mein qadd se zeyada barri hoon..

Kaamp uthti hoon main yeh soch kar tanhayi mein,
Mere chehrey pe tera naam na parrh le koi..