Humorous

Aik hi jalway mai hua kaam tamam
Dil barra mard bana karta tha

Subah Uthtay hi sadqa dia
Mohabbat kar betha tha khuwab mai

Ek Shab-e-Mehtaab Se Bhaagtay Phirtay Hain
Ham Kiun Apnay Aap Se Bhaagtay Phirtay Hain
Pyaas Ki Shiddat Honton Ki Taqdeer Howi
Aur Ham Qatraa-e-Aab Se Bhaagtay Phirtay Hain
Shaam Dhalay Saari Choupaalain Sajti Hain
Ham Apnay Ehbaab Se Bhaagtay Phirtay Hain
Khushbuu Ki Tehreer Badan Per Likhi Hai
Aur Safaid Gulaab Se Bhaagtay Phirtay Hain
Ik Kitaab Lye Phirtay Hain Haathon Mein
Aur Zar-o-Asbaab Se Bhaagtay Phirtay Hain
Unhain Kisi Taabeer Ki Khwaahish Kia Hogi ?
Loog Jo Arsaa-e-Khwaab Se Bhaagtay Phirtay Hain
Aankhon Mein Be-Taab Samandar Hai Phir Bhi
Jaanay Kis Gardaab Se Bhaagtay Phirtay Hain.

Ajab kahani hai hath ki lakeeron mein faraz
safar to likha hai bohat magar petrol nahee likha

Voh Sarak Ke Us Paar Thi
Hum Sarak Ke es Paar Thay
Kuch Hum Aage Barhay, Kuch Voh Aage Barhi
Hum Kuch Aur Aage Barhe, Voh Bhi Kuch Aur Aage Barhi
Hum Aur Bhi Aage Barhay, Voh Bhi Aur Aage Barhi
Ab Hum Sarak Ke Us Paar Hein,
Aur Voh Sarak Ke es Paar Hein...!

Aaj mosam mein kuch ajeeb si baat hay,
bekabu se hamare jazbat hein,
ji chahta he tumko chura le tumhi se,
par mummy kehti he ki chori karna buri baat hay...!

Zindagi Honay Lagi Jub Say Basar Yahoo Per
Roze Karta Hoon Naya Aik Safar Yahoo Per

Shaam Takk Rehti Hai Jaari Tug O Dou Rozi Ki
Aur Phir Raat Say Hoti Hai Sahar Yahoo Per

Faaslay Abb Kahan Haayal Rahay Insaanon Mein
Kar Hi Laitay Hain Mulaaqat Magar Yahoo Per

Ilm Ka Aik Samandar Hai Pyaason Kay Liay
Dekh Nadaan Koi Ilzaam Na Dhar Yahoo Per

Sirf Dunya Hi Naheen Door Khalaaon Tak Kee
Dhoondnay Waalon Ko Milti Hai Khabar Yahoo Per

Yeh Alag Baat Ke Awargi Bhi Hai Bohat
Pakray Jaanay Ka Bhee Koi Naheen Darr Yahoo Per

Aisa Lagta Hai Ke Guzray Ga Burhaapa Kuch Yoon
Dhyaan Mazay Mein Kaheen Gum Tau Nazar Yahoo Per...!