General

EK MUNAFIQ SE PYAAR KAR BAITHE.
SARHAD-E-AQAL PAAR KAR BAITHE.
APNE ASLAF EK MUNAFIQ PAR
KIS QADAR AITBAAR KAR BAITHE.
UNCHE MAHALON KO DEKHKAR MUFLIS
KHUD KO KYON ASHQBAAR KAR BAITHE.
ROSHNI KE NAQEEB SE KEH DO
ZULMATON SE NAA HAAR KAR BAITHE.
DAAMAN-E-SABR CHHUT GAYA HUMSE
KHUD KO BEIKHTIYAAR KAR BAITHE.
GHAIR KO PURBAHAAR DEKH KE HUM
AARZOO-E-BAHAAR KAR BAITHE....!

Rakhti hai mujay thaam kar, girney nahi deti…
Main toot bhi jaon tou bikharney nahi deti.

Is darr se kahin kaanta na chub jaye haath mein,
Wo phool bhi mujh ko pakarne nahi deti.

Wo is qadar hassaas hai mohabbat mein meri….
K koi bhi ghum meray seenay mein wo palnay nahi deti.

Jis raat ki tareeki se aata hai mujay khouf…
Us din ko phir raat mein wo dhalnay nahi deti...!

Wo maire bd salooki mai bi mujhy dua deti hai.
Aghosh mai le kr sb ghum bhula deti hai.

Yun lagta hai jaisy jannat sy a rahi ho khushbo.
Jb wo apny palu sy mujhy hawa deti hai.

Mai agar kroon anjany mai koi ghalti.
Meri Maa es pr b muskura deti hai.

Kya khub bnaya hai rab ny rishta Maa ka.
Weeran ghar ko b jannat bna deti hai

Maa ke bad mera kon sahara hai.
Ye he soch mujhy kabhi kabhi rula deti hai...!

Andhere haiN raaste diya lekar jaana,
Apne aansuyo ka ziya lekar jaana,
Tumhe har musHqil se bacha legi
hamesha,
Bas ghar se Maa ki dua lekar jana....!

Meri MAA Ko Bula De Koyi
Warna Mujhko Hi Sula De Koyi
Mujhko Bistar Ki To Aadat Hi Nahin
Apni Goad Mein Jhula De Koyi
Shayad Aa Jaayen Wo Rona Sunkar
Mujhko Bewajah Rulaa De Koyi
Mainey Kayee Roz Se Nahin Khaya
Uss Mohabbat Se Khilaa De Koyi
Mujhko Khwaahish Nahin Duniya Ki
Mujhko Ammi Se Milaa De Koyi...!

mere ajnabi!
mere aashna!
tujhe hurf hurf dua likho
koi aisa visaal naseeb kar
tujhe chand,tare,hawa likho
agar ban na sako kbhe teri
to hayat ko mai fana likho
ye zindagi qadam qadam pe teri yaad se jawan rahe
mere ajnabi!
mere aashna!
mai tujhe kbhe na khud se juda likho...!

Mout ki aagosh mein jb tak so jati hy MAA,
tu kahin ja k thora sa sakun paati hy MAA,

Rooh k rishton ki ye gehrai tu dekhye,
chot lagti hai hume or chilati hy MAA,

Mangti hy kuch nahe apny liye Allah sy,
Apnay bacho k liye daman ko phelati hai MAA,

Pyar kehtay hen kise or Mamta kya cheez hai,
koi un bachon se puche jin ke guzar jati hai MAA,

Chahe hm khushion me MAA ko bhool jaen dosto,
Jb musibat sar pe aati hai tu yaad aati hai MAA...!

Ho gaye Jawan bachay,

Boorhi ho rahi he MAA

Be chiragh ankho me Khwab bo rahi hy

MAA

Rotti apne Hissay ki dey k apne bacho ko

Sabr ki Rida orhay Bhooki so rahi hy

MAA

Saans ki Mariza hy phr b Thande pani se

Kitni sakht Sardi me kapre dho rahi hy

MAA

Gair ki shkayat pr phir kisi shrarat pr

Maar kr mujhe khud hi ro rhi hy MAA

Ay ALLAH PAK humari Maaon ko hamesha salamat rakhna

aur

Humien apni Maa ka khidmat guzaar bna dey. Ameen...!

Maine kaha mere lye Bhi dua kya kro
Us ne kaha es ki na fikar kya kro

Me ne kaha mere zehan pe rehta hai bojh sa
Us ne kaha chuup k kahin ro lya kro

Maine kaha teray khwab jaga dete hen
Us ne kaha raaton ko socha na kro

Me ne kaha raaton ko neend nhi aati
Us ne kaha sone ki koshish to kya kro

Me ne kaha dil me teri yaaden hen
Usne kaha k dil ko samjhaya kro

Me ne kaha teray milne ki umeed hai kya?
Usne kaha qismat pe bharosa kya kro...!