Poetry

aisii hii sard shaam thii vo bhii
jab vo mahandii rachaaye haathon mein
apanii aahaT ke Khauf se larzaaN
surKh aaNchal mein muuNh chhipaaye hue
apne Khat mujh se lene aaii thii
us kii sehmii huii nigaahon mein
kitanii Khaamosh iltijaayeN thiin
us ke chehare kii zard rangat mein
kitanii majabuuriyon ke saaye thay
mere haathon se Khat pakartay hii
jaane kyaa soch kar achaanak vo
meraa shana pakar kar roii thii
us ke yaaquut rang honTon ke
kapkapaate hue kinaaron par
saikaron ankahe fasaane thay
sard shaamon mein der tak aksar
jab ye manzar dikhaaii detaa hai
ek lamhaa hinaaii haathon se
mujh ko apanii taraf bulaataa hai
hamnashiin ruuTh kar naa jaa mujh se
aisii hii sard shaam thii vo bhii

aaiinaa kyuu.N na duu.N ke tamaashaa kahe.n jise
aisaa kahaa.N se laauu.N ke tujhasaa kahe.n jise

hasarat ne laa rakhaa terii bazm-e-Khayaal me.n
guladastaa-e-nigaah suvedaa kahe.n jise

pheNkaa hai kis ne gosh e muhabbat me.n ae Khudaa
afasuun-e-intazaar tamannaa kahe.n jise

sar par hujuum-e-dard-e-Gariibii se Dalay
vo ek musht-e-Khaak ke saharaa kahe.n jise

hai chashm-e-tar me.n hasarat-e-diidaar se nihaa.N
shauq-e-inaa.N guseKhtaa dariyaa kahe.n jise

darakaar hai shiguftan-e-gul haaye aish ko
sub_h-e-bahaar pa.nbaa-e-miinaa kahe.n jise

"Ghalib" buraa na maan jo vaaiz buraa kahe
aisaa bhii koii hai ke sab achchhaa kahe.n jise

aah ko chaahiye ik umr asar hone tak
kaun jiitaa hai terii zulf ke sar hone tak

daam har mauj me.n hai halqaa-e-sad_kaam-e-nahang
dekhe.n kyaa guzare hai qatare pe gauhar hone tak

aashiqii sabr-talab aur tamannaa betaab
dil kaa kyaa rang karuu.N Khuun-e-jigar hone tak

ham ne maanaa ke taGaaful na karoge lekin
Khaak ho jaaye.nge ham tum ko Khabar hone tak

partav-e-Khuur se hai shabanam ko fanaa kii taaliim
mai.n bhii huu.N ek inaayat kii nazar hone tak

yak_nazar besh nahii.n fursat-e-hastii Gaafil
garmii-e-bazm hai ik raqs-e-sharar hone tak

Gam-e-hastii kaa 'Asad' kis se ho juz marg ilaaj
shammaa har rang me.n jalatii hai sahar hone tak

Yaad kia
Subah Hui,
Tujhay Yaad kia
Aur
Din Dhal Gaya

Hijr-e-beqaran samandari seep se Moti
sache thay jazbat tere lye haqeer ye Moti
jhilmil karty palkoon pey thehar se jaty hein
teri poron ky lamas ky intezar mein Moti
chilchelati dhoop be naam se saye mein
reghistanoon mein kho gaye ban gaye bud naseeb ye Moti
ansoo beh jaein ghubar-e-yad main jo
ban jaty hein wo be mol se Moti
karta hy tufanoon mein jo tere nam ka cheraghan
dekhna bujh na jay esa koi deep sa Moti

Ho sakta hai humne anjaane mein aapko kabhi rula diya,
Aapne duniya k kehne peh hume bhula dia,
Hum to vaise bhi akele thay,
Kya hua agar aapne ehsaas dila diya.

Baandh Lain Hath Seeney Pey Saja Lain Tum Ko
Jee Main Ata Hey Ke Taweez Bana Lain Tum Ko
Phir Tumhain Roz Sanwarain Tumhain Berhta Daikhain
Apney Angan Main Chanmbeli Sa Laga Lain Tum Ko
Is Qadar Toot Key Humain Tum Per Pyar Ata Hey
Bher Lain Bahon Main Or Maar Hi Dalain Tum Ko
Kya Ajab C Khawahish Uthi Hey Hamarey Dil Main
Ker Key Faza Sa Hawaon Main Uchalain Tum Ko
Hey Tumharey Liyey Kuch Aisi Haqeeqat Dil Main
Apney Hathon Main Duwaon Sa Utha Lain Tum Ko
Yeh Khawahish Hey Merey Dil Ki Key Tumhain Khud Sey Zyada Chahain
Khushboo Ki Tarha Apney Man Main Basa Lain Tum Ko
Na Lagey Kisi Ki Nazr-E-Bud Tumhain Aye Merey Hamdam
Apney Dil Main Is Tarha Chupa Lain Tum Ko

Kuch log zindgi me is kdar shamil ho jate hain
agar bhulna chaho to or yad ate hain.
bas jate hain wo dil me is kadar
k ankhen band kro to samne nazar aate hain.

Mohabbat or mout dono hi
bin bulaye mehmaan hote hain,
kab aa jaye koi nahi jaanta.
lekin dono ka ek hi kaam hai
ek Dil le jati hai to doosri Dhadkan.