Occassional / Events

Lambay Safar Ki Oat Mein Pal Bhar Nahin Ruka
Mein Waqt K Fareeb Mein Aa Kar Nahin Ruka

Phir Aa Gaya Aik Naya Sal Dosto...
Is Bar Bi Kisi Say December Nahin Ruka

Lay Kar Kisi Nain Haath Mein Kashkol-E-Waqt
Aisa Safar Kia K Kahin Per Nahin Ruka

Manzar Kay Aks Mein Koi Chehra Chatakh Gaya
Sheshay Kay Paas Aa Kay Jo Pathar Nahin Ruka

Chalta Raha Adoo Ki Safhein Rondta Howa
Lakhon Ka Khoun-E-Jigar Kar K Bhi Lashkar Nahin Ruka

Bas Yeh Howa K Akhri Lamha Bi Aa Gaya
Dil Ka Tawaf Koocha-E-Dilbar Nahin Ruka

Khushian Bhi Hongi , Baharain Bhi Hongi
Mager Hum Tou Guzray December Ki Sochoon Mein Gum Hain
K Jab Tu Meray Pass Thi
Hath Tiara Meray Hath Mein Tha
Aur Khushian Char Soo Hamaray Sath Theen
Mager Ab Akelay Tumhain Sochtay Hain
Yahi Khoof Daman Say Lepta Howa Hai
K Aisa Na Ho Es Baras Bhi December
Tumharay Bina He Kaheen Beet Jae
December To Her Saal Ata Rahay Ga
Mager Tum Na Hogay Tu Kuch Bhi Na Hoga
Suna Hai Nayaa Saal Phir Aaraha Hai

Neya Saal Aya...!!
Veeran Subhon Ki Neeli Tehon Se Obhrta..
Kheyyaban-O-Dasht-O-Jabal Ki Thatharti Khamoshi Mein
Barfeeli Seeti Bajata..
Dabey Paaon Aya..
Yukh Aalooda Shamon Ki Khamoshian..
Oss Ke Qadmon Ki Aahat Sametey...
Guzr-Gahon Per, Saybanon Mein, Noha Kinan Hain..
Der Ati Hy Sham Ko, Darichon Ki Dararon Se...
Pur-Shor Jhonkon Ki Be-Mohar Thandak..
Brodat Zada Panion Per, Prindey..
Kinaron Per Aistaadah Pairon Ki Gham-Nak...
Shakhon Ki Janib Orey Ja Rahey Hen...
Makeen Aanganon Mein, Chatton Per..
Dharktey Dilon Me Hazaron Kheyyalon Ki Shmaien Jalaye..
Dabey Paaon Atey Hoye Saal Ko Dekhtey Hain...!!

Osey Kehna December Aa Gia Hy..
December Ke Guzarty He..
Bars Aik Aur Mazi Ki Chhaaon Me Doob Jaye Ga..
Osey Kehna December Laot Aye Ga..
Mgr Jo Khoon So Jaye Ga Jismon Me..
Na Jagey Ga..!
Osey Kehna Hawaien Sard Hen, Aur Zindagi Ke Kuhrey..
Dewaron Me Larzaan Hen..
Osey Kehna Shagofey Tehnion Mein So Rahy Hen..
Aur Un Peh Barrf Ki Chaadr Bichi Hy..
Osey Kehna Agr Suraj Na Nikley Ga...
To Kaisy Barf Piglay Gi..
Osey Kehna Laot Aaye..
Osey Kehna Laot Aaye..
Osey Kehna December Aa Gia Hy....!

Socha tha jee Loon ga tanha

Per katta nahi hai ik Decamber Akeley

Yeh saal bhi udaas raha rooth ker gaya
Tujh se mile baghair December guzar gaya

Jab Aglay Saal Yahi Wakt Aa Raha Ho Ga
Ye Kon Janta Hay Kon Kis Jagah Ho Ga

Ham Apnay Apnay Bakhairon Main Phans Chukay Hon Gay
Tujhay Na Maira Na Mujh Ko Taira Pata Ho

Abhi Hijr Ka Qayaam Hai Aur December Aan Pahuncha Hai
Ye Khabr Shahar Mein Aam Hai December Aan Pahuncha Hai

Aangan Mein Utar Aayi Hai Manoos Si Khushboo
Yadon Ka Asdaham Hai December Aan Pahuncha Hai

Khamoshiyon Ka Raaj Hai Khizaan Taak Mein Hai
Udasi Bhi Bahot Aam Hai December Aan Pahuncha Hai

Tere Aanay Ki Ummid Bhi Ho Chuki Maadoom
Naye Saal Ka Ahtamaam Hai December Aan Pahuncha Hai

Khunak Rut Mein Udasi Bhi Chaukhat Pe Khadi Hai
Jaday Ki Udaas Shaam Hai December Aan Pahuncha Hai

Tum Aao Tou Mere Mausamon Ki Bhi Takmeel Ho Jaye
Nayi Rut Tou Sar-E-Baam Hai December Aan Pahuncha Hai

Chandni shab thi..
Hawa bhi sard thi…
Kuch bhi zehn mein nahi
Bus itna yaad hai…
Tumharay kaandhay per mera sar tha
Aur mere kaandhay per tumharay bazoo….!