Love

Jab mein rooth jaaun to Phool le k aae
Ulti seedhi batein kr k Mjhe Hansaye
Me jis k lye pura Sajaoon khud ko
Or jab wo dekhe to bas dekhta jaye
Palken num ho jay agr Meri
Wo Pyar ki Barish Mujh pe Barsaye
Jo neend roth jae Aankho se meri
Koi to ho Jo band Palkon ko Choom kr
Baahon mei le k pyar se Sulay
KASH Koi to ho Jis pe Me Haq se Haq jattaon
Jo sirf Meri or Bas Meri hi reh Jaye...!

Rang o khushbu ke darmeyan me hai
Kon sa shakhs mere dhiyan me hai

Kal bhi tha nasha-e-khudi us ko
Aaj bhi dil usi gumaan me hai

Ho sake tou yeh ghaur tum bhi karo
Koi tanha bharey jahaan me hai

Tujh pe hai dhoop chaaon ka mausam
Tere shayar bhi imtihaan me hai

Khawb hain phool hain woh ankhen hain
Ik tasalsul sa dastaan me hai

Haadsa jo na ho saka hai abhi
Gardish e wakt ki amaan me hai

Mein nibhaon ga sarey ehad zia
Jab talak meri jaan, jaan me hai...!

behar-e-ishq main doob k daikh kabhi
jaam-e-mohabbat pee k daikh kabhi

her taraf tera hi aks nazar aye ga
meri aankhon mein pyar say daikh kabhi

ghuror hay tujhey apni zulfon ki chaaon ka
meri palkon ki chaon mein baith k daikh kabhi

kaisi hoti hay tapish zamanay ki nigahon mein
meray dil k angan say bahar aa k daikh kabhi

kitni hoti hay mithas jazba-e-dar guzar main,
kisi rothay hoe ko mana k tu daikh kabhi

kerti hay kaisay khushboo gul say parwaz
ik baar mujh say door ja k daikh kabhi...!

Aankhain khuab dekhti hain
Kisi say mil janey ka
Ya khud ko kho denay ka
Tanha reh janay ka
Khud ko aar denay ka,
Chahat haar denay ka

Aankhain khuab dekhti hain

Bichray huye lamhon ka
Kisi raastay per mil janay ka
Zakhmon kay sil janey ka
Zamanay kay guzer janay ka
Khuab kay hasil ki haqeeqat ka
Haqeeqat ka khuwab main tehleel honay ka
Bikhray khuabon ki takmeel ka
Tum to khud ik khuwab ho
Husn ka, jawani ka
Ik dard bhari kahani ka...!

Agar woh Badshah hota
To koi baat bhi hoti
Suna hay badshahon ko
Dein aisa koi nazrana
Jo sab chezon say barh kar ho
To apni baadshahi tak
Luta detey hein woh akser
Muhabbat hay hamaray paas
Magar woh badsha kab hay...!

dilruba tum ho dilnasheen tum ho

mere ehsaas se haseen tum ho

aabla payi ka mujh ko gam yoon nahi

ke mera haasil-e-safar tum ho

ye tum se kis ne kaha jhoot hai ke

meri barbaadi ki waja tum ho

hum to kehte nahi ke mehmaan ho

dil tumhaara hai aur makeen tum ho

na karo jashn tum ne kya samjha

mai yoon hara hoon ke jeete tum ho...!

khuabon ka her rang haseen hota hai
haqeeqat ka her roop sangeen hota hai

hum nay aksar ishq mein aisa dekha hai
aik bohat shaad aur ik ghamgeen hota hai

shaam ko mein aksar ye socha kerti hun
aankh ka pani kyun namkeen hota hai?

woh jab bhi meri yaadon mein aata hai
dil ka her gosha rangeen hota hai

mein ney jab bhi baher-o-amber ko dekha
mein ney jaana kya Aafreen hota hai...!

Us Key Bin Chup Chup Rehna Ab Acha Lagta Hay
Khamooshi Say Ek Dard Ko Sehna Acha Lagta Hay

Jis Hasti Ki Yaad Me Aansoo Barastey Hain
Samnay Us Key Kuch Na Kehna Acha Lagta Hay

Mil Kar Us Say Bhichar Na Jaoon Darta Rehta Hoon
Es Liye Bas Dour Hi Rehna Acha Lagta Hay

Jee Chahey Sari Khushiyan Lay Kar Us Ko De do
Us Key Pyaar Me Sab Kuch Khoona Acha Lagta Hay

Us Ka Milna Na Milna Qismat Ki Baat Hay
Pal Pal Us Ki Yaad Me Roona Acha Lagta Hay

Us Key Bina Sari Khushiyan Ajeeb lagti Hain
Roo Roo Kar Us Ki Yaad Me Soona Acha Lagta Hay

Ham Say Muhabaton Ki Numaish Na Ho Saki
Bas Etna Jantey Hain Key Tumhain chahna acha lgta hay...!

Us Key Bin Chup Chup Rehna Ab Acha Lagta Hay
Khamooshi Say Ek Dard Ko Sehna Acha Lagta Hay

Jis Hasti Ki Yaad Me Aansoo Barastey Hain
Samnay Us Key Kuch Na Kehna Acha Lagta Hay

Mil Kar Us Say Bhichar Na Jaoon Darta Rehta Hoon
Es Liye Bas Dour Hi Rehna Acha Lagta Hay

Jee Chahey Sari Khushiyan Lay Kar Us Ko De do
Us Key Pyaar Me Sab Kuch Khoona Acha Lagta Hay

Us Ka Milna Na Milna Qismat Ki Baat Hay
Pal Pal Us Ki Yaad Me Roona Acha Lagta Hay

Us Key Bina Sari Khushiyan Ajeeb lagti Hain
Roo Roo Kar Us Ki Yaad Me Soona Acha Lagta Hay

Ham Say Muhabaton Ki Numaish Na Ho Saki
Bas Etna Jantey Hain Key Tumhain chahna acha lgta hay...!