Love

Dareecha-e-khayal jab bhi khulay
teri yaad tera tasawar bunay

khmoshi ke ghooar sanatay main
mairy samait teri nida sunay

wasal-e-umeed main doob ker yeah dil
lamas ke jazeeray se chahat ke moti chunnay

mairy ghazal main tera husan-e-bayan jana
jaisay ankh ki jheel main chahat ka rung ghulay...!

neelay libas main janne wo kia lag rahi thi
Chand ne kaha apsara lag rahi thi

badal ne kaha ghata lag rahi thi
Dhanak ne kaha qos-e-qaza lag rahi thi

Sitaroon ne kaha roshni lag rahi thi
pholoon ne kaha kali lag rahi thi

Falak ne kaha Asman lag rahi thi
raat ne kaha kehkashan lag rahi thi

sagir ne kaha bhanwar lag rahi thi
suraj ne kaha saher lag rahi thi

shabnam ne kaha ghulab lag rahi thi
chandni ne kaha mahtab lag rahi thi

hawa ne kaha ehsas lag rahi thi
sham ne kaha khush libas lag rahi thi

subha ne kaha bad-e-saba lag rahi thi
neelay libas main janne wo kia lag rahi thi....

tasawar hi tasawar main jab sochta hoon
main jaa ke wahan pohanchta hoon

hathoon pe hina bhi sajaye hoi hai
lagta hai koi pari ayi hoi hai

wo sitaroon main mahtab lag rahi hai
pholoon main jaisay ghulab lag rahi hai

wo sab se juda aur haseen lag rahi hai
khayaloon main mairay mah jabeen lag rahi hai

janne kab tasawar ke angan se lout ata hoon
Aur neend ki wadi main puhanch jata hoon....!

Abhi nasar nasar hai zindagi meri zindagi ko ghazal karo
Kabhi aarzuon ke jheel mein meri khwahishon ko kanwal karo


Kabhi khauf hijr-e-taweel ka kabhi shauq hai teri deed ka
Dil-e-muztarib k ye maslay hain jo aao to inhe hal karo


Ye jo sar bureda wajood hai isey apney honton ka lams do
Mujhay zindagi ki talab nahi mere naam bus koi pal karo


Na main khush guman hun wisaal se na tu badguman ho firaaq se
Tere dil ka jo bhi hai faisla meri jaa’n usi pe amal karo


Mere saath chalna hai gar chalo mere dil pe shahi tumhari hai
Mujhey chhorna hai to chhor do jo bhi faisla hai atal karo....!

Apney jazbaat ankh mein rakh lo
Bus yehi baat ankh mein rakh lo

Zindagi to safar hai sehra ka
Thori barsaat ankh mein rakh lo

Din se jana kabhi chhupa k mujhey
Sirf ik raat ankh mein rakh lo

Main hu mehwar tumhari chahat ka
Tum meri zaat ankh mein rakh lo

Jin se khawabon mein rang bhar jayen
Aisey lamhaat ankh mein rakh lo

Shahi hum se wafa paraston ki
Koi to baat ankh mein rakh lo...!

Main apni soch ki har soch mein yehi sochun
Na janay tujh se aqeedat ka kon sa bandhan hay
Hai chahton ka taaluq ya dosti ki girah
Ya koi rishta-e-subh-e-azal hai roohon ka
Ke raat din teri sochon mein mast rehta hun
Main teri yaad k unmit naqoosh mein dooba
Youn tere pyar ki mojon mien mast rehta hun
Teray khyal ko meraj-e-ashiqi samjhun
Teray jamal ko meraj-e-shayri samjhun
Teray wisal ko meraj-e-zindagi samjhun
Magar main soch soch kar sochun
Ke tera hijr bhi aye ga aik din akhir
To mere zehn ki sub kehkashayen tooten gi
Na tere qurb k lamhaat laut payen ge
Na teri yaad ki ye kashtiyan hi doobe gi
Magar main husn-e-azal se sada dua go hun
Mere khuda mere dil ki ye iltija sun le
K ab ki baar jo lamhat-e-qurb-e-yaar ayen
Tamam aalam-e-mojood bhi gawahi de
Hum aik dosray ko dekhtay rahen shahi
Na dharkanon ki sada tak hamen sunai de
Mujhe jo qurb ki lazzat se ashna kar de
Wo raat lakhon baras pe muheet ho jaey
Tu aisi subho k sooraj ko andha kar dena
Jo mere yaar ko mujh se chura k le jaey....!

wo bandagi ki aisi misaal deta hai
awargi ko shariyat main dhaal deta hai

wo khush qalam hai es darja baat kernay main
ke harf harf ko husn o jamal deta hai

main uska sath jo mangu zindagi bhar k lye
barray haseen tareekay say tall deta hai

yeh jaan ker bhi k mera wo ho nhi sakta
wo dekhta hay yu shash o paich main daal deta hai

sawal jesay k panah maangtay hain aankhon say
jawab aankhon say aisay kamal deta hai ...!

seenay say lipat ja meray khawabon say nikl ker
ik baar milain hum bhi hijaboon say nikl ker

kirnon ki tarah baant zamanay main ujala
khusbu ki tarah phail gulabon say nikl ker

mey khano ki soorat hain teri jheel c aankhain
doobay hain jahan log sharabon say nikl ker

mjh ko b gawara nhi aub tujh say bicharna
dil bhi pareshan sarabon say nikl ker

rehnay do abhi gardish-e-doran main he mohsin
behlay gi tabiat nay azabon say nikl ker...!

Tumhe jb kabhi mile fursat meray dil se bhoj utaar do
Main bht Dino se udaas hoon muje koi shaam udhaar do

Ksi or ko meray haal se na koi garz hai na waasta
Mai bikhar gya hoon samait lo, Mai bigar gya hoon sanwaar do

Muje apnay roop ki dhoop do k sanwar Sakain mery Khaad o khaal
Muje apny rang Mai rang lo mery Saray zang utaar do...!

Ay Sanam Tu Kabhi Meri Zindagi Main A Kar Tu Dekh
Kabhi Ishq Ka Diya Apne Dil Main Jala Kar Tu Dekh

Kitnay Phool Khilay Gay Teri Zindagi Main
Apna Ek Kadam Meri Zindagi Main Barha Kar Tu Dekh

Roshan Hota Hai Jis Se Dil Ka Shehar
Tu Wo Shama Jala Kar Tu Dekh

Thukraoon Ga Nahi Tumhin Zindagi Bhar
Kabhi Tu Hath Meri Taraf Barha Kar Tu Dekh

Lagta Hai Sanam Tum Na Kisi Se Pyar Kiya Nahi
Piyar Main Mujay Ek Bar Azma Kar Tu Dekh

Chalo Dosti Main Pehal Kar Deta Ho Main
Ho Sake Tu Meri Taraf Hath Barha Kar Tu Dekh

Ay Sanam Tu Kabhi Meri Zindagi Main A Kar Tu Dekh
Kabhi Ishq Ka Diya Apne Dil Main Jala Kar Tu Dekh....!