Love

Main Raastay Mey Har Pal Khara Rehta Tha Us K
Kahbi Us Nay Meri Taraf Daikha Nahi

Mey Us Say Pyar Karta Tha
Kahbi Us Nay Ya Jana Nahi

Meray Jazbaat Rooz Barhnay Lagay
Maray Dost Mujhay Pagal Kehnay Lagay

Ik Din Himat Kar K Izhar Kar Diya
Jawab Denay Ka Us Nay Kuch Waqt Lay Lia
Ya Sun Kar Meri Khushi ke Intha Na Rahi

Aglay Din Wo Maray Paas Aagai
Us Nay Mohabat Ka Izhar Kar Diya

Meri Mohabt Mujay Mil Gai
Meri Mohabat Mujhay Mil Gai...!

Qasam Le Lo Chahat Me
Koi Aik Bhi Lamha

Kabhi Aisa Nahi Guzra
K Tumko Sochte Na Hoon

Kisi Se Baat Krte Hoon
Koi Bhi Kaam Krte Hoon

Kabhi Aisa Nahi Hota
K Tumko Sochte Na Hoon

Koi Lamha Ho Khushiyon Ka
Koi Saa-At To Bhaari Ho

Fatah Ka Jashan Ho Koi
Ya Koi Jung Haari Ho

Koi Ho Rang Tabiyat Ka
Koi B Mood Taari Ho

Kabhi Aisa Nahi Hota
K Tumko Sochte Na Hoon

Kahin Taa Dair Rukna Ho
Kahin Se Jaldi Jaana Ho

Kabhi Aisa Nahi Hota
Qasam Le Lo Chahat Me

Kabhi Aisa Nahi Hota
K Tum Ko Sirf Tumko
Sochte Na Hoon...!

Meri Ankhon Pe Marta Tha
Meri Batoon Pe Hansta Tha

Na Janay Shaks Tha Kaisa
Muje Khonay Se Darta Tha

Muje Jab Bhi Wo Milta Tha
Yahe Har Baar Kehta Tha

Suno Agar Main Bhool Jaon Tu
Agar Mai Rooth Jaoon Tu

Kabhi Wapis Na Aoon Tu
Bhula Paao Gay Kya Mujko

Yun he Hanstay Raho Gay Kya?
Yun he Sajtay Raho Gay Kya

Yahe Batain Hain Bas Uss Ki
Yahe Yaddein Hain Bas Uss Ki

Muje Hay Bas Pata Itna
Muje Wo Pyar Karta Tha
Muje Khonay Se Darta Tha...!

Khushboo Ki Terha Meri Her Saans Mein
Pyar Apna Basanay Ka Wada Karo

Rung Jitne Tumhari Mohabbat Ke Hain
Mere Dil Mein Sajane Ka Wada Karo

Hay Tumhari Wafaoon Pe Mujh Ko Yaqeen
Phir Bhi Dil Chahta Hay Mera Dilnasheen

Yun Hi Meri Tassali Ki Khatir
Zara Mujh Ko Apna Banane Ka Wada Karo

Sirf Lafzoon Se Iqrar Hota Nahi
Ik Janib Se Pyar Hota Nahin

Mein Tumhen Yaad Rakhne Ki Khaoon Qasam
Tum Mujh Ko Na Bhulane Ka Wada Karoo...!

Main Teray ourak Main Bikhra Hoo
Kabi Woh Purani Kitaben Kholo Tu Yad Karna

Main Qatra Qatra Barsat Main Barsoon Ga
Jo Un Barishon Main Bhigho Tu Yad Karna

Main Sans Sans Tere Yadoo Main Basa Hoon
Jab Sans Ko ukharta Pao Tu Yad Karna

Main Lamha Lamha Teri Yad Main Jalta Hoon
Kabi Khud Ko Khafa Pao Tu Yad Karna

Main Raat Raat Tujhe Rub Se Mangta Hoon
Kabi Tum B Duaa K Liye Hath Uthao Tu Yad Karna...!

Ay Chand Suno
Kuch Baat Kaho

Teri Baat Chaly Meri Raat Katay
Bat Karo Us Basti Ki

Baadal,Barish Or Masti Ki
Ya Baat Karo Us Bandhan Ki

Payal,Chorri Or Kangan Ki
Ya Baat Karo Un Sapno Ki

Jinhe Tum Bhi Socha Kartay Ho
Khawabo Main Poja Kartay Ho

Ya Hawa Main Urtay Anchal Ki
Jo Jab Lehraye Kuch Yad Dilay
Tera Chain Churaye Teri Neend Uraye

Tum Mujh Se Kaho Kuch Baat Karo
Teri Baat Chalay Meri Raat Katay...!

Es Saal Me Koi Pal To Aesa Ho Jo Tera Mera Ho
Jis Me Koi Teesra Na Ho
Hum Der Tak Ek Dusrey Se Batein Karein
Aur In Bataon Ko Sunaney Wala Koi Or Na Ho
Bas Me Aur Tum Hon
Yunhi Bethey Bethey Hum Kisi Choti Si Baat Par
Betahasha Hans Parein
Hanstey Hanstey Ankhon Se Aanson Nikal Parein
In Ansuon Ko Saaf Karney Wala Aur Koi Na Ho
Bas Me Aur Tum Hon...!

Kuch Door Hamare Saath Chalo
Hum Dil Ki Kahani Kehdein Ge

Samjhe Na Tum Jisse Aankhon Se
Woh Baat Zubaani Kehdein Ge

Jo Pyar Karein Ge Jaanein Ge
Har Baat Hamari Maanein Ge

Jo Jaley Na Hon Khud Ulfat Mein
Woh Aag Ko Paani Kehdein Ge

Jab Pyaas Jawan Ho Jaye Gi
Ehsaas Ki Manzil Paye Gi

Khamosh Rahein Ge Aur Tumhein
Hum Apni Kahani Kehdein Ge

Is Dil Mein Zara Tum Baitho To
Kuch Haal Hamara Poocho To

Hum Sada Dil Hain Ashk Mager
Har Baat Poorani Kehdein Ge...!

Bohat Aasan Hai Kehna
Muhabbat Tum Say Karta Hoon
Magar Matlab Mohabbat Ka
Samaj Lena Nahi Aasan
Muhabbat Paa Kay Kho Dena
Muhabbat Kho Kay Paa Lena
Yeh Un Logo K Qissay Hain
Muhabbat Kay Jo Mujrim Hain
Jo Mill Janay Par Hanstay Hain
Bichar Janay Par Rotay Hain

Sunoo

Muhabbat Karnay Walay To
Bohat Khamosh Hotay Hain
Jo Qurbat Mein Bhi Jeetay Hain
Jo Furqat Mein Bhi Jeetay Hain
Na Wo Faryad Kartay Hain
Na Wo Ashkoon Ko Peetay Hain
Mohabbat Kay Kisi Bhi Lafz
Ka Charcha Nahi Kartay
Wo Mar Kar Bhi Apnay Chahat Ko
Ruswa Nahi Karthay...!