Search

Woh ruthte rahe hum manate rahe,
Unki raahon mein palkein bichate rahe,
Unhone kabhi palat ke bhi na dekha,
Hum ankh jhapkane se bhi katrate rahe.

Woh inkar karte hain ikrar ke liye,
Nafrat bhi karte hain tou pyar ke liye,
Ulti chaal chalte hain yeh ishq wale,
Ankhein band karte hain didar ke liye.

Woh ruthte rahe hum manate rahe,
Unki raahon mein palkein bichate rahe,
Unhone kabhi palat ke bhi na dekha,
Hum ankh jhapkane se bhi katrate rahe...

Kya Woh Mujhe Yaad Karti Hogi
Badli saawan ki koi jab bhi barasti hogi.
Dil hi dil mein woh mujhe yaad to karti hogi.
Theek se so na saki hogi khayalon se mere.
Karvatein raat bhar bistar pe badalti hogi.
Koshishen jitni bhi ki hongi bhulaane ki mujhe.
Yaad utni hi meri aur ubharti hogi.
Dar pe aahat si hui hogi hawa se jab bhi.
Dhadkanen dil ki bahot tez dhadakti hogi.
Khat na aane ka sabab jaan liya hai maine.
Kahin ruswai na ho jaye, wo darti hogi.
Poochti hogi hawaon se mera haal e dil woh
Uski galiyon se hawa jab bhi guzarti hogi.
Apne seene se laga kar meri tasveer ko woh
Aahen raaton ko mere pyar mein bharti hogi.
Jhooti aane ki khabar paake woh meri.
Kabhi sajti to kabhi aur sanwarti hogi.

Suna jubsay ke woh hamara nahi
us ne phir kabhi khud ko sanwara nahi
khamosh baithay bus ussay main dekhtha raha
us ne bhi tou jatay huay pukara nahi
mangoun ga murad ke tum milo mujhay
toota baRay dinoun say mager koi sitara nahi
meri ankhain, hount, dil tumhain pukarain
main kaisay keh doun ke main tumhara nahi
khaRa houn zindagi maut ki dehleez par
mager us ki taraf say koi ishara nahi
meri waja say ayain us ki ankhoun main aanso
ho gaya jo, so hogaya yeh mujhe gawara nahi..

Raaz dil ka dil mein chupate hain woh,

samne aate hi nazar jhukate hain woh,

Baat karte nahi, ya hoti nahi, par shukar hai

jab bhi milte hain muskurate hain woh.

Sab se chhupa kar dard jo woh muskura diya...,
Uski hansi ne tou aaj mujhe rula diya...;
Lehje se uth raha tha har ikk dard ka dhuaan...,
Chehra bata raha tha ke kuchh ganwaa diya..!!!

Hum se khushnaseeb hai woh chaey ki piyali
jo subah subah choom laiti hai tere honton ki laali

Jane kiun woh sansoo ki dor totney nahi deta
bas dou qadam aur chalne ka wastaa dekar mujhe rukney nahi deta

bat kehta hai woh mujh se hans hans kar je lene ki
ajeeb shakhs hai mujh ko chain se rone nahi deta

ajj hosla deta hai mujhe chaand sitaron ko chho lene ka
woh piara sa chehra mujhe toot kar bikharne nahi deta

shayad janta hai woh bhi in ankhon main ansuon ka sailab hai
jane kiun phir bhi woh in ansoun ko girne nahi deta

mujh se kehta hai main tou mar jaon ga tumhare bina
main zinda hon ab tak woh mujhe marne nahi deta.