Search

Pathar Say Wafa Mout Se Sada mang Rahi Hon
kyu Aj Mai Sehra Se Ghata Mang Rahi Hon
Muddat Se Koi DIL Ko Dukhane Nahi Aya
Ajao Koi Zakham Naya Mang Rahi Hon
Jo Jurm Muhabbat Mein Tujhe Mera Bana De
Aisi Hi Koi Pyari Saza Mang Rahi Hon
Maalom Hy
Tum Ghair K Ho Jao Gay Shakir
Phr Bhi Tumain Panay Ki Dua Mang Rahi Hon...!

Bazi e Ishq Kuch es Tarah Say Hare Yaroo
Zakham Per Zakham Lagey Dil Pe Humare Yaroo
Koi To Aisa Ho Jo Ghao Per Marham Rakhey
Yun To Dushman Na Bano Sare Ke Sare Yaroo
Bazm Main Sar Ko Jhukaye Huye Jo Bethy Hain
In Ko Mat Chairo Yeh Hain Ishq Ke Maaray Yaroo
Jinn Main Hoty Thy Kabhi Meher O Wafa Ke Moti
In Hi Ankhon Main Sitam Ke Hain Shararay Yaroo
Dost Hi Apny Jo Kerny Lageen Nazr E Tofaan
Kaam Nahi Aty Phir Koi Saharey Yaroo
Wo Jo Raha Dil Geer Tumhari Khatir
Tum Ne Kya Kya Nahiin Taney Usy Maaray Yaroo...!

Karb chehray say maah o saal ko dhoya jaaey
Aaj fursat say kahin baith k roya jaaey,

Phir ksi nazm ki tamheed uthai jaaey
Phir ksi jism ko lafzon me samoya jaae,

Kuch to ho raat ki sarhad me utarnay ki saza
Garm suraj ko samandar me daboya jaaey

Itni jaldi to badaltay nhi hon gay chehray
Gard aalod hain aaino ko dhoya jaaey...!

woh humsafar tha magar us say ham nawahi na thi
ke dhoop chaoun ka aalam raha,judaai na thi

na apna ranj na auroN ka dukh,na tera malal
sHab-e-firaq kabhi hum nay youn ganwayi na thi

mohabbatoN ka safar es tarha bhi guzra tha
sHikasta dil thay musaafir sHikasta paayi na thi

adawataiN thiN,tagHaful tha,ranjisHeiN thiN
bicHaRnay walay maiN sab kucH tha,bewafaayi na thi

bichartay waqt un aankhoN maiN thi humari gHazal
gHazal bhi woh jo kisi ko abhi sunayi na thi

kabhi yeh haal k donoN maiN yakdili thi bohat
kabhi yeh marhala jaisay k ashanie na thi

ajeeb hoti hay rah-e-sukHan bhi dekh Naseer
wahaN bhi aa gaye akHir jahaN rasayi na thi....!

kai dinon say ik awaz mujh main gonji nahi

kai dinon say koi mujh main ratjaga na huwa

kai dinon say samaat ki rehguzaron per

na koi chand he utra na koi phool khila

kai dinon say yeh aankhien hain neend say bojhal

kai dinoN say badan chAandni mEN jalta hai

kai dinoN say yeH din mujh mEn Aa kay dhalta hai

kai dinoN say kisi waswasay ki zadd men hoon

kai dinon say ajab wehshaton ki hadd men hoon

kai dinon say khayaalon kay taaq-e- hijran per

kisi kay naam ka rakha diya jalta hoon

dil-e-afsurda ko chupkay say gudgudata hoon

kai dinon say yehi kaar-e-ishq jari hai

kai dinon say ajab dil ko beqarari hai...!

Ab Thak Say Gaye Hain Hum Wafa Kartay Kartay
Woh Haaray Nahi Hain Jafa Kartay Kartay

Hum Tang Aa Gaye Hain Unhain Manaa Manaa Kar
Woh Thakay Nahi Hain Khafa Kartay Kartay

Uthaye Jo Hath Dua Kay Liye Tu Ruk Giya
Ek Arsa Ho Giya Hai Khataa Kartay Kartay...!

khizaoon ki udasi hai,jo ab tak dil pay chhai hai
bahaaron ka haseen mosam kahin say sath lana tum

yeh maana aur bhi tum ko jahaan men hain bohat say gham
magar duniya kay mailon men hamen na bhool jana tum

meray ashaar hain jitnay hain tumharay naam karta hoon
ghazal meri suno jab bhi ghazal men doob jana tum

agar tum say kabhi koi,meray baaray men poochay to
faqt itni si khawahish hai,mujhay apna batana tum

koi jab alvidai mosamon ka zikar cheray to
nami aankhon men mat rakhna hamesha muskarana tum...!

tum say pehlay bhi muhabbat to mujhay thi lekin
aisi muunh zor na thi
jo meri rooh men tehleel hui jati hai
daurti hai jo meray jism men lahu bun kar
din ba din chheen rahi hai jo mujhay khud mujh say
din ba din sonp rahi hai jo mujhay bus tum ko
dekhnay deti nhi aur kisi simt mujhay
sochnay deti nhi aur koi baat mujhay
dharkanen aik he tasbeeh kiay jati hain
dil ki haalat yeh meri jaan kisi taur na thi
tum say pehlay bhi muhabbat to mujhay thi lekin
aisi muunh zor na thi

Jab ban gaya aasman, samander
Saahil pay buss aik shab guzari

Es baar na bach sakay gi shayad
Chahat ko laga hai zakham kaari

Tujh Say Yun Rabta Bahaal Raha
Lamha Lamha Tera Khayaal Raha

Haath Jab Bhi UthaYE Dua kay Liay
Meray HontoN pay ek Sawaal raha

Jo Bhi Manga Teray Liay Manga
Apnay Daaman Ka Nah Kuch Khayal Raha

Tum Milay Zindagi Main Jan Aai
Dukh Raha Nah Koi Malaal Raha

Teri Yaaden jo chHoo Gaeen Mujh Ko
Phir to Her Lamha Kuch Khayaal Raha

Door Reh Ker Bhi Pass Rehtay Ho
Apnay Rishtay Ka Yeh Kamaal Raha