Search

Rooh Ko Jism Kay Pinjray Se Rehai De De
Charah Gar, Aisi Mujhay Ab Kay Dawai De De

Zulmaten Sari Mita Don Ga, Main Mazloom Sahi
Meray Maabood Zara Apni Khudaii De De

Teray Honay Peh Bhi, Ab Loog Jirah Kertay Hain
Apni Makhlooq Ko Tu Ab Tu Dikhai De De

Ashk Aankhoon Mai Nahi, Harf-E-Dua Bhi Napaid
Waqt-E-Rukhsat Ko Nai, Rusm-E-Judaii De De

Muflison Peh Ju Lutao Tu Kabhi Khatm Na Ho
Paalnay Walay Mujhay Aisy Kamai De De

Badan se rooh jati hai to bichti hai saf-e-matam,
Magar kirdar mar jae to kiyo matam nhi hota?.

rooh k zakhm bohat gehry haiN
pyaas behti hay lahoo ban k inhi zakhmoN se
dard k taar banaty haiN ajab naqsh rafu kaari key
aag hi aag rag-o-pay meiN utar jaati hay
aadmi apny hi sholoN se sulag uThta hay
zindgi moat k maino se ulajh jati hy
aur phir youNhi achanak
koi chupky se nazar Daalta hay zakhmoN pr
aankh bhar deti sab naqsh rafoo kaari key
honT barsatay haiN kuch harf-e-tasalli in pr
haath ban jaty haiN marham
dard miT jata hay lehjay k asar sey yakdam
pyaas bujhti hay to bhar jaty haiN sab rooh k zakhm....

ROOH MEI TERI MUHABBAT KA ASAR HAI AB TAK

JISM TO KHAAK HUA AANKH TO TAR HAI AB TAK

RANG JO CHHOR GAEE HAATH PAY MERAY TITLI

MERAY NAGHMON MEI WOHI RANG E HUNAR HAI AB TAK

CHAND KA TUKRA KAHA THA TUJHAY MAIN NAY IK SHAB

JUSTAJU MEI TERI SARKARDAAN QAMAR HAI AB TAK

BUN GAEY FARISHTAY SUB HE JO THAY INSAAN YAHAN

DAR PAR TERAY JO KHARRA HAI WO BASHAR HAI AB TAK

CHHOR K JA BHI CHUKA MUJHKO WO TANHA LEKIN

DEKHTA HOON TO TA HAD E NAZAR HAI AB TAK

khirkiyon ko khol karr taza hawa daita hai kaun
hath main barish k mausam ka pata daita hai koun

meri aankhain band hain aur dhyan k rastay khule
rooh k ander utar kar aaina daita hai koun

tum mujhe ye kon se waqton main aa kar mill gaye
umr k es morh par kise ko sada daita hai koun

koun hai jiss k liye ikk umr se be chain hoon
umr bhar ki be kali pal mai barha daita hai koun

koun hai jo raat bhar aawaz daita hai mujhey
aur din bhar apni khamoshi suna daita hai koun

koun hai jo khowab rakkh daita hai sooni aankh mai
nind mai bhi jagtey manzar dikha daita hai koun

koun hai jis key liye nazmain kahey jaati ho tum
es zamane mai kisi ko youn dua deta hai koun

khatm ye rooh ka aazaar krna chahta hun
mein apni zaat ka inkaar krna chahta hun

mujhey khabar hae terey raastey ka pathar hun
so teri raah ko hamwaar krna chahta hun

wafa k zikr se honay lagi hae wahshat si
ab apney jhoot ka iqraar krna chahta hun

mein apni ghaat me betha hua hun muddat se
per aaj khul ke zra waar krna chahta hun

mein terey saamney aya hun le kr aaina
ye dekh tujh ko shramsaar krna chahta hun

meri majaal kahan aap ko ghalat keh dun
bus ik khyaal ka izhaar krna chahta hun

agar gunah yehi hae ke sach kaha mein ne
to phir gunaah bar bar krna chahta hun

Hum Apni Rooh Tere Jism Main Hi Chhoor Aaye FARAZ

Tujhey Galy Sy Lagana To Ek Bahana Tha

JO ROOH LEITI HAY AKSAR WOH SISKIYAN SUNAYI NAHI DEITIEN

JEEWAN MEIN HEIN KUCH AISI JO TALKHIYAN DIKHAYI NAHI DEITEIN



TANHAYI K GHUP ANDHeRON MEIN AASeiB ZADA DIL K MAKAN MEIN

KISI KI YAD SAY JO HOTI HEIN WOH ROSHNIYAN DIKHAYI NAHI DEITIEN



IK BEy NAAM SI KHALISH HO TO DARD BHI HuD SAY SIWA HOTA HAY

KISI SE MILNE K BAAD JO MILEIN WOH BEy CHAINIAn DIKHAYI NAHI DEITEN



BUHAT UJLE UJLE ROSHAN CHEHRON K ANDER DOuR KAHIN PAR

JO CHUPPI HOTI HEIN WOH TAREEKIYAN DIKHAYI NAHI DEITIEN



BUHAT HABAS K BaaD JAB PYAR KI BARISHEIN BARASTI HEIN TO JO

DIL MEIN YAK DAM WAA HOTI HUYI KHIDKIYAN DIKHAYI NAHI DEITIEN



IK HIJR E MUSALSAL SAY JO DIL MEIN UTTAR GAYYEIN SADA K LIYE SHAZ

USS KO MUJH MEIN BASSI WOHI VEERANIYAN DIKHAYI NAHI DEITIEN