Search

Aj Phir Mujhko Uski Yaad Dila Di Barish Ne,
Dil Mein Jo Bhool Ki Aag Thi Bujha Di Barish Ne,

Main Tanha Thi Apne Ghar Mein Zamanay Se Bekhabar,
Magar Mere Ghar Ki Dewar Gira Di Barish Ne,

Uskau Zikar Se Hogai Aankhein Num,
Magar Doston Mein Yeh Sari Baat Chupa Di Barish Ne,

Suna Hai Woh Bhi Roya Hai Aaj Buhat,
Lagta Hai Unko Meri Yaad Dila Di Barish Ne,

Woh Bewefa Hai Toh Phir Kya Hua,
Aaj Mere Sath RO Kar Wafa Nibha Di Barish Ne...!!!,

Aaj Mujhko Teri Yaad Ne Phir Se Rula Diya
Meri Wafaa Ka Zindgi Ne Kaisa Sila Diya

Diye Baadalon Ke Khwaab Mujhe Jisske Saath Ne
Mitti Mein Uske Pyaar Ne Mujhko Mila Diya

Uski Chita Ki Raakh Se Khushbu Teri Mili
Jiss Shaks Ko Tere Shahar Mein, Zinda Jala Diya

Meri Yaadon Mein Hi Cut Gayi Uski Tamaam Umr
Kehta Raha Ki Usne Mujhe, Kabka Bhula Diya

Wo Mujhko Dekh Ker Ke Zara Chup Sa Reh Gaya
Aaj Usko Mere Haal Ne, Shayad Rula Diya

Bas Ek Nazar Chehre Per Uske Kya Pad Gayi
Itne Mein Usne Ishq Ka, Jaadu Chala Diya

Main Bhi Kabhi Thaa Narm Mizaaj Phulon Ki Tarah
Mujhko Gumo Ki Maar Ne, Pather Banaa Diya

Maine Zindgi Ko Saump Diya Jisske Haath Mein
Us Shaks Ne Mujhko Jaam, Zahar Ka Pila Diya

Wo Marrte Marrte Naam Mera Le Gayaa Karan
Bas Uski Is Adaa Ne Mera, Kaleja Hila Diya

Aaj phir se tere dayaar mein hon
Yaani phir tere inkhtiyaar mein hon

Is kahani ka yeh anjaam hua
Aaj main dasht e bekanaar mein hon

Koi rasta deekhayi deta nahin
Dundh kaisi hay kis ghubaar mein hon

Aaj kal kis pe hay karam tera
Main tu waise bhi kis shumaar mein hon

Hosh kaise rahe ga dil ko tera
Main tere dard k khumaar mein hon

Aik duniya hay mere dar pe Hira
Aur main tere intezaar mein hon

Mohabbat Phir Mohabbat Hai
Kabhee Dil Se Nahi Jati...

Hazaron Rang Hain Is Kay..
Ajab He Dhang Hain Is Kay..

Kabhee Sehra , Kabhee Darya..
Kabhee Jugno , Kabhee Aansu..

Hazaroon Roop Rakhti Hai...
Badan Jhulsa Kay Jo Rakh Day..

Kabhee Wo Dhoop Rakhti Hai...
Kabhee Ban Kar Ye Ek Jugno...

Shab E Ghum Kay Andhairoon Main...
Diloon Ko Aas Daiti Hai...

Kabhee Manzil Kinaray Par...
Pyaasa Maar Daiti Hai..

Aziyyat He Aziyyat Hai...
Magar Yeh Bhee Haqiqat Hai...
Mohabbat Phir Mohabbat Hai...

Ashk Girtay hain to her Saans PIGHAL Jati hay,
De k Ek Dard Naya her Shaam DHAL Jati hay,

Tujh ko Seenay say Laga ker Milay Jannat ka Sakoon,
Tujh say Bichrron to Meri Jaan NIKAL Jati hay,

Ishq Kuch Aisay Mitata hay NISHAN-E-HASTI,
Jaise k Raat Ujaalay ko NIGAL Jati hay,

Tou Agar Dil pay Meray Hath hi Rakh De to,
Toot’ti Saans Bhi Kuch Dair SANBHAL Jati hay,

Zakhm Bharta hi Nahi Teri JUDAAI ka Magr,
Phir Teri YAAD Naya Dard UGAL Jati hy..

Khushian Bhi Hongi , Baharain Bhi Hongi
Mager Hum Tou Guzray December Ki Sochoon Mein Gum Hain
K Jab Tu Meray Pass Thi
Hath Tiara Meray Hath Mein Tha
Aur Khushian Char Soo Hamaray Sath Theen
Mager Ab Akelay Tumhain Sochtay Hain
Yahi Khoof Daman Say Lepta Howa Hai
K Aisa Na Ho Es Baras Bhi December
Tumharay Bina He Kaheen Beet Jae
December To Her Saal Ata Rahay Ga
Mager Tum Na Hogay Tu Kuch Bhi Na Hoga
Suna Hai Nayaa Saal Phir Aaraha Hai

Boht ummid rakhna aur phir bey aas hona bhi
Bashar ko maar daita hai boht hassas hona bhi

suno ikk kaan se aur doosre se phaink do baahar
boht nuqsan de hai saheb e ahsas hona bhi

agarchay tum dikhawe k liye hee sath ho merey
chalo, itna hee kaafi hai tumhara paas hona bhi

yunhi to abr e rehmat ki talab karta nahi hon mai
zaroori hai muqaddar mai zara si pyaas hona bhi

kayee chehrey latak jate hain khushyon ki khabar sunn kar
hamain to roop daita hai ghamon ka raas hona bhi

jale gi khud ba khud SAADI dilon mai pyar ki shammey
ghanimat hai usey mera abhi ahsas hona bhi

phir kisi yad nay shab bhar hay jagaya mujh ko
Kiya saza di hay mohabat nay khudaya mujh ko

Din ko aaram hay na rat ko hay chain kabhi
Janay kis khaak say qudrat nay banaya mujh ko

Dukh to yeh hay k zamanay main milay ghair sabhi
Jo mila hay woh mila ban kay paraya mujh ko

Jab koi bhi na raha kandha meray ronay ko
Ghar ki deewaron nay seenay say lagaya mujh ko

Uoon to umeed-e-wafa tum say nahein hay koi
Phir charaghon ki tarah kis nay jalaya mujh ko

Bewafa zindagi nay jab chorh diya hay tanha
Maot nay piyar say pehlo main bithaya mujh ko

Woh diya hoon jo mohabat nay jalaya tha kabhi
Gham ki andhi nay sar-e-sham bujhaya mujh ko

kaisay bhoolon ga wohi wasl kay lamhay
Yad aata raha zulfon ka hi saya mujh ko