Search

Ek din ek udaas lamhe ne

Muskarate huwe jo dekh liya

Jane kiya dil main soch liya

Raasta mera hans k rook liya

Aur sene se lag gaya aise

Jaise bichra huwa koy apna

Ek muddat k baad milta hay

Tab se woh mere paas rahta hay

Isliye dil udaas rahta hay !!!

Kash main keh sakoo kabhi tum se
Dil ki har bat ankahi tum se

Kash main keh sakoo kabhi ye bhi
bari mushkil hai dil lagi tum se

Kash ke main keh sakoo ke tum kya ho
Hai mere dil main chandni tum se

Kash main keh sakoo kabhi ke mujhe
Baat karni hai zaroori tum se

Kash ke ye bhi kabhi pooch sakoo
kaise hoti hai berukhi tum se

Kash wo waqt bhi ajaye ke ho
meri duniya main roshni tum se

Kash ye raz keh sakoo main kabhi
Hai haseen meri shairi tum se

Kash lafzon main kabhi keh paoon
Mil ke hoti hai jo khushi tum se

Kash ye umr yoon guzar jaye
meri yadain rahain saji tum se

Mohabat ik samunder hai
buhat piyara bohat dilkash
kinarey per kharey ho ker
Mohabat ko jo dekhay ga
Samunder ko jo dekhay ga
Kashish pani mein aisi hai
ke lehron mein wo utrey ga
kadam bheegay tu sumjhay ga
Mohabat mein adaien hain
Wafaien he Wafaien hain
Magar Pani Mohabat ka
Sir sey jo guzeray ga
to janey ga
Haseen lehroon k neachay tu
jafaien hee jafaien hain
Mohabat ik sumnder hai
buhat piyara buhat dilkash

Yeh haseen wadiyan

Yeh samaa

Dekh kar dil mera

Gungunane laga

Geet gane laga

Muskarane laga

Har taraf noor ki

Yun faza chayi hay

Jase janat zameen pe

Utar ayi hay

Dil ki dharkan main

Kaliyan chatakne lageen

Phool ban ban k

Khushiyan mahekne lageen

Le k aya kidar

Yeh suhana safar

Khud rahi na humain

Aaj apni khabar

Sham se pahle aana

Dhoup sari dhal rahi ho

Phool sare khil gaye hoon

Mousam sare le ana

Phir wohi din aaye hain

Jane kiya le aaye hain

Jewan mera

Sara tera

Jeena to ek bahana hay

Aik tere a jane se

Mil rahe hain zamane se

Jewan mera

Sara tera

Duur phir kiya jana hay

Sham se pahle aana

Dhoup sari dhal rahi ho

Phool sare khil gaye hoon

Mousam sare le aana

Zamana pyaar ka itna hi kam hay
Yeh na jana tha
Hamara sath bas do hi qadam hay
Yeh na jana tha

Khushi aagaaz tha meri mohabbat
k fasane ka
Wafa ne khuwaab dekha tha
Nayi duniya basaney ka
Magar is khuwaab ki tahbir gham hay
yeh na jana tha

Bari rangeen baharoon main
Jale ga ashiyaan mera
Lute ga istara manzil pe a k
Kaarwan mera
Mujhe teri mohabbat ki kasam hay
Yeh na jana tha

Mili gul ko khushbo

Mujhe mil gaya tu

Pasand apni apni

Naseeb apna apna

Mohabbat ki raahon main

Agar tu na milta

To yeh zindagi kitni

Dushwaar hoti

Na aankhon main jine ka

Armaan hota

Na koy khushi dil main

bedaar hoti

Jo chaha tha main ne

Mujhe mil gaya hay

Mere dil main ab koy

Hasrat naheen hay

Hay imaan mera

Mohabbat se barh kar

Zamane main koy bhi

Dolat naheen hay

Tujhey pyaar ki kasam hay

Mera pyaar ban k aaa ja

Meri bekarariyon ka

Tu karaar ban k aaa ja

Tere intezar main hain

Abhi sham k nazare

Koy kyun mujhey sadaa de

Koy kyun mujhey poukare

Meri zindagi khizaan hay

Tu bahar ban k aaa ja

Mera dil dharak raha hay

Mere dil se yun na khelo

Tumain waasta wafa ka

Mera pyaar muj se le lo

Teri jeet ho chuki hay

Meri haar ban k aaa ja

Dukhaye dil jo kisi ka

woh aadmi kiya hay

Kisi k kaam na aaye

To zindagi kiya hay

Kisi ko tuj se gilah

Teri berukhi ka na ho

Jo ho chuka tera

Tu agar usi ka na ho

Phir us k waaste

Yeh kayenaat bhi kiya hay

Kisi k dil ki tu fariaad hay

Karaar naheen

Khilaye phool jo zakhmon k

Woh bahaar naheen

Jo dusaroon k liye gham ho

Woh khushi kiya hay

Yeh kiya k aag kisi ki ho

Aur koyi jale

Bane shareke safar jis ka

Us se bach k chale

Jo faasale na mita de

Woh pyaar hi kiya hay

Kisi k kaam na aaye

To zindagi kiya hay