Search

Jab duoor ofaq pe lali ho
Jab shaam udasi wali ho

Jab zabat ka bandhan tuta jaye
Jab aas ka daman chuota jaye

Jab darshan piyas bhujaty hoon
Jab mosam geet sunaty hoon

Jab kaan hoon tarsey batoon ko
Jab neend na aaye ratoon ko

Jab aankhon main jug ratay hoon
Jab apne dard sunaty hoon

Tab yaad tum bohut aty ho
Tab yaad tum bohut aty ho

Har chand k sahara hay tere pyaar ka dil ko
Rahta hay magar aik ajeeb khoof sa dil ko

Woh khawab k dekha na kabhi le ura ninden
Woh dard k utha na kabhi khaa gaya dil ko

Woh ayeen to heraan woh jayeen to pareshan
Yarab koy samjhaye yeh kiya ho gaya dil ko

Har chand k sahara hay tere pyaar ka dil ko
Rahta hay magar aik ajeeb khoof sa dil ko

Woh khawab k dekha na kabhi le ura ninden
Woh dard k utha na kabhi khaa gaya dil ko

Woh ayeen to heraan woh jayeen to pareshan
Yarab koy samjhaye yeh kiya ho gaya dil ko

Kaise jiyen ge dard k maare tere bagair
Ab koun de ga dil ko sahare tere bagair


Tanhaiyon ki aag mere aas paas hay
Koy naheen jo pouche nazar kyun udas hay
Lagte hain phool mujhay sharare tere bagair

Tere hi dam se ghar ki faza khushguwar thi
Dur_o_diwar pe noor tha harso bahar thi
Benoor hain yeh sare nazare tere bagair

Har din hay soguwaar
Hr ek raat gham ki raat hay

Katte hain raat din teri yadoon k sath sath
Aansu bane hain gham k sitare tere bagair

Kisey awaaz doon tere siwaa

Dhundh raha hay tujhay pyaar mera

Khushi ki woh tamana hoon

Tarapti hay jo ahooon main

Najane kab se yeh aankheen

Bichi hain teri rahoon main

Jahan tere qadam hoon ge

Waheen manzil meri ho gi

Waheen ponche ga parwana

Jahan shama jali ho gi

Mere azeez tujhe yeh khushi mubarak ho
Nayi bahaar nayi zindagi mubarak ho

Is se pahly k teri chashm e karam
Mazerat ki nigah ban jaye
Pyar dhal jaye mere ashkoon main
Aarzo ek aah ban jaye
Muj pe a jaye ishq ka ilzaam
Aur tu beygunah ban jaye
Main tera shaher chhoor jaon ga

Is se pahly k saadgi teri
Lab_e_khamosh ko gilah kah de
Teri majboriyan na dekh sake
Aur dil tuj ko bewafa kah de
Jane main bekhudi main kiya pouchon
Jane tu beyrukhi se kiya kah de
Main tera shehar chhoor jaon ga

Chhoor kar sahil_e_muraad chala
Ab safina mera kaheen thehre
Zehar pina mera muqadar hay
Aur tere hont dilnashen thehre
Kistara tere aastaan pe rukon
Jab na paoun talay zameen thehre
Main tera shahar chhoor jaoun ga

Muj ko itna zaroor kehna hay
Waqt rukhsat salam se pahly
Toor loon rishta_e_nazar main bhi
Tum utar jaoo baam se pahly
Yeh meri jaan mera wahda hay
Kal kisi waqt shaam se pahly
Main tera shahar chhoor jaoun ga

Yeh aalam shoq ka dekha na jaye

Woh but hay ya KHUDA dekha na jaye

Yeh kin nazroon se aaj tu ne dekha

K tera dekhna, dekha na jaye

Hamesha k liye muj se bichar jao

Yeh manzar bar bar dekha na jaye

Yeh mere sath kesi roshni hay

K muj se raasta dekha na jaye

Faraz apne sewa hay koun tera

Tujhe tuj se juda dekha na jaye

Ashk e rawaan ki nahir hay aur hum hain dosto

Us bewafa ka sheher hay aur ham hain dosto

Yeh ajnabi si manzelen aur raftgan ki yaad

Tanhaiyoon ka zahir hay aur ham hain dosto

Layi hay ab ura k gaye mousmon ki baas

Barkha ki raat ka kahir hay aur ham hain dosto

Phirte hain misl e mouj hawa sheher sheher main

Aawargi ki lahir hay aur ham hain dosto

Sham alam dhali to chali dard ki hawa

Ratoon ka pichla pahir hay aur ham hain dosto

Aankhon main urr rahi hay lute mahfiloon ki dhool

Ebrat saraye dahir hay aur ham hain dosto

Main aarzu_e_jaan likhon ya jaan_e_aarzu

Tu hi bata de naaz se emaan_e_aarzu

Aansu nikal rahe hain tasawar main ban k phool

Shahdaab ho raha hay gulestan_e_aarzu

Emaan o Jaan nisaar teri ek nigah par

Tu jaan_e_ aarzu hay tu emaan_e_aarzu

Hone ko hay talo,Saba_e_ shab wasaal

Bujhe to hain chirag shabestan_e_aarzu

Ek woh k aarzuon pe jete hain umrbhar

Ek ham k hain abhi se pasheymaan_e_ aarzu

Aankhon se joye khun hay rawaan dil hay dagh dagh

Dekhe koy bahaar_e_ gulestaan_e_aarzu

Dil main nishat_e_rafta ki dhundali si yaad hay

Ya shama_e_wesl hay teh daman_e_aarzu

Akhtar ko zindagi ka bharosa naheen raha

Jab se luta chuke sard samaan_e_aarzu