Search

Zamanay se nahi darta, Zamanay ko bata do tum,
Mohabbat naam hai mera, Zamanay ko bata do tum,

Dikhayi bhi nahi deta, kisi insaan ki aankho ko,
Judayi zakhm hai aisa, Zamanay ko bata do tum,

Najanay kyu Khutakta hu, mai ab un ki nigaho mai,
Mai thukrata hu ye dunya, Zamanay ko bata do tum,

Jala do ga teri bewafaa basti ki galiyo ko,
Mai hu ik aag ka darya, Zamanay ko bata do tum,

Hasnain Abhi to waqt un ka hai, rula ley jee bhar ke,
Hamara waqt bhi aaye ga, Zamanay ko bata do tum...!

Shikwa-e-ashq nahi Jurat-e-guftar nahin

mairay hathon main jabar ki talwar nahin

Ibn-e-Adam hun insan se Mohabat ki hai

Aag ka chand ka Pathar ka paristar nahin

ae khuda mujh ko meri Ibadat k badlay Mohabat de de

Main teri kisi bhi jannat ka kharidar nahin

jis ne insan se mohabat hi na ki ho

wo dar haqiqat khuda ka b talabgaar nahin...!

Saltanat Dil Mein Hee Nahi uski
Aasmaan Tak Hai SarZameen uski

Phir Paharon Pe Barf Pighli Hai
Phir Damaknay Lagi Jabeen uski

Dehaan Rakhna Har Ik Aahat Per
Shaayad Ubhray Sadaa Kaheen uski

Ab Bhi Roshan Hai Zindagi us Se
Ab Bhi Soorat Hai Dil-Nasheen uski

Hijr Ki Rut Azaab Hai Mohsin
Aadatain Sab Badal Gayin uski...!

Dekh lena ke kisi dukh ki kahani to nahi
Yeh jo aansuu hain kahin us ki nishani to nahi

Dikh rahi hai jo mujhe saaf teri aankhon mein
Tu ne yeh baat kahin mujhse chupani to nahi

Jis tarah sheher se nikla hoon mein beemar tera
Yeh ujarna hai koi nakal makani to nahi

Yeh jo har morr pe aa milti hai mujhse farhat
Badnaseebi bhi kahin meri deewani to nahi...!

Husan o Jamaal Ke Bhi Zamaanay Nahi Rahay
Aankhon Mein Oski Khwaab Suhanay Nahi Rahay

Milnay Ko Aa Hee Jata Hai Har Chund Roz Bad
Lagta Hai Os kay Paas Bahanay Nahi Rahay

Larzish Hai Hath Mein Tou Mein Tou Nazar Bhi Hai Dhundli
Pehlay Se Ab Wo Dil Ke Nishanay Nahi Rahay

Uthti Nahi Hain Shoq o Tajassus Ke Ba Wajood
Aankhon Ke Kitnay Kaam Puraanay Nahi Rahay

Kamray Se Bhar Gaye Hain Masaail Ki Gard Se
Dil Mein Tere Khayaal Ke Khaanay Nahi Rahay...!

Ab to mumkin hi nahi un se mulaqat
ab to urooj pe pohanchi hai uski zaat

wahi waday hain aur rasmon ki zanjerain baqi
kab badalti hain zamany ki riwayat

aik wo din thy k ek dosry ko sochty thy hum
ab milty nahi dono k khayalat

meri her subha ka aghaz tery naam se ho
teri yadon mai kati meri her aik raat

tum kahan aur mery piyar ka miyar kahan
wo kitni sadgi se ker gaya ye baat wasi...!

Ye baat samajh me aayi nahi,
Aur mummy ne samjhai nahi.

Mai kaisay methie baat karu?
Jab mithi chiz koi khai nhi.
Ye chand kaisay maamu hai?
Jab mummy ka wo bhai nahi.

Kyu lambe baal hai bhalo k?
Kyu usne treming karai nahi.
Kya wo bi ganda bachha hai?
Ya jungle me koi naai nahi.

Nana ki biwi jab nani hai,
Dada ki biwi jab dadi hai.
Papa ki biwi kyon papi nahi?

Ye baat samajh mein aayi nahi
Aur mummy ne samjhai nhai.