Search

pyas vo dil ki bujhane kabhi aya bhi nahi
kaisa baadal hai jiska koi saya bhi nahi

roz ata hai dar-e-dil pe vo dastak dene
aaj tak hamane jise paas bulaya bhi nahi

sun liya kaisay Khuda jaane zamane bhar ne
vo fasana jo kabhi hamane sunaya bhi nahi

tum to shaayar ho Qateel aur vo ik aam saa shaKhs
us ne chaahaa bhii tujhe aur jataayaa bhii nahi...!

Mujhe ab darr nahi lagta
kisi k door jane se
Taluq Tot jane se
kisi k maan jane se
kisi k roth jane se
Mujhe ab darr nahi lagta
Kisi ko azmane se
kisi k azmane se
kisi ko yad rakhne se
kisi ko bhol jane se
Mujhe ab darr nahi lagta
Kisi ko choar dene se
kisi k choar jane se
Na shama ko jalane se
Na shama ko bujhane se
Mujhe ab darr nahi lagta
Akele muskrane se
kabhi ansoo bhane se
Na es sare zmane se
Haqeeqat se fasane se
Mujhe ab darr nahi lagta
Kisi ki na rasai se
Kisi ki paarsai se
Kisi ki bewafai se
Kisi dukh intehai se
Mujhe ab darr nahi lagta
Na to es paar rehne se
Na to us paar rehne se
Na apni zindgani se
Na ik din mout aane se
Mujhe Ab Darr Nahi Lagta...!

Teri baat mukammal thi na meri baat adhuri thi
ye takmeel adhore pan ki payar main buhat zarori thi

to ne yon mehsoos kiya he warna dil main kuch bhi na tha
bas ik teri chahat thi or wo bhi ghair shaori thi

payar k deep jalaye rakhna apni apni rahon par
teri bhi majbori thi or maire bhi majbori thi

mere samne beth k jaise us ne nazar andaaz kiya
kon kahe ga apne dil ki us k dil se doori thi

muhabbat heer aur ranjha tak hi to mahdood nahi
na mare kano main bali na us k haath main chorri thi...!

saharay torh kar saray, saharay dhoondhne niklay
qadam rakkh kar bhanwar mai ham kinaray dhoondhne niklay

nahi baikar ikk pal bhi guzari zindagi hamm nay
kisi k naam say apnay sitaray dhoondhne niklay

hamaray houslon ne hi nibhaai umr bhar ham say
milay hain haadsay hamko, nazaray dhoondhne niklay

bhala kaisay na hota harr qadam par saamna unn ka
hamain jab chaar soo dushman hamaray dhoondhne niklay

sila apni wafaon ka mila hamko magar aisay
gaye jab chhorh kar dunya to pyaray dhoondhne niklay

nahi KHURSHEED dunya mai koi bhi aik ham jaisa
bhula kar faiday saray khasaray dhoondhne niklay...!

Lambay safar ki oat mein pal bhar nahi ruka
Mein waqt k fareeb mein aa kar nahin ruka
Phir aa gaya aik naya sal dosto...
es baar bi kisi say december nahin ruka
Lay kar kisi nain haath mein kashkol-e-waqt
Aisa safar kia k kahin per nahin ruka
Manzar kay aks mein koi chera chatakh gaya
Sheshay kay paas aa kay jo pathar nahin ruka
Chalta raha adoo ki safin rondta howa
Lakhon ka khoun-e-jigar kar k bhi lashkar nahi ruka
Bas yeh howa k Akhri lamha bi aa gaya
Dil ka tawaf koocha-e-dilbar nahin ruka...!

kai dinon say ik awaz mujh main gonji nahi

kai dinon say koi mujh main ratjaga na huwa

kai dinon say samaat ki rehguzaron per

na koi chand he utra na koi phool khila

kai dinon say yeh aankhien hain neend say bojhal

kai dinoN say badan chAandni mEN jalta hai

kai dinoN say yeH din mujh mEn Aa kay dhalta hai

kai dinoN say kisi waswasay ki zadd men hoon

kai dinon say ajab wehshaton ki hadd men hoon

kai dinon say khayaalon kay taaq-e- hijran per

kisi kay naam ka rakha diya jalta hoon

dil-e-afsurda ko chupkay say gudgudata hoon

kai dinon say yehi kaar-e-ishq jari hai

kai dinon say ajab dil ko beqarari hai...!

December Kay Maheenay Ka
Woh Shayad Pehla Hi Din Tha!!
Baras Guzray Kayee Maine MoHABBAT
Lafz Likha Tha!!
Kisi Kaghaz Kay Tukray Par
Achanak Yaad Aaya hai
Kisi Say Baat Karni Thi
Usay Kehna Tha
JAAN-e-JAAN
Mujhe Tumse MoHABBAT hai
Magar Main Keh Nahi Paaya !!
Wo Kaghaz Aaj Tak LipTa Para hai
DhooL Mein Lekin
Kisi Ko Dey Nahi Paaya
Dobara Chah Kar bhi Main
MoHABBAT Kar nahi Paaya...!

Ham kyu ye kahen koi hamara nahi hota
moujon k liye koi kinara nahi hota

dil toot bhi jaye to mohabbat nahi mitti
es raah me lut kar b khasara nahi hota

sarmaya e shab hote hen you to sabhi taray
har tara magar subho ka tara nahi hota

sonay ki tarazoo me mera dard na tolo
imdad se gherat ka guzara nahi hota

kuch log saja lete hen aankhon pe aur aankhen
jo pyar se dekhey wahi pyara nahi hota

tum b to Muzaffar ki kisi baat pe bolo
shayar ka hi lafzon pe ijara nahi hota...!

Jiss Ko Chaha Wohi Kehta Hai Wafa Kuch Bhi Nahi....

Aisa Lagta Hai Mere Pass Raha Kuch Bhi Nahi..

Youn Bhi Uss Ne Mujhy Faramosh Kiya...

Sun K Har Baat Meri Jaise Suna Kuch Bhi Nahi...

Boht Veeraan Si Ho Gayi Hai Zindagi Meri.....

Woh Jab Se Chorr K Gaya, Mere Pass Raha Kuch Bhi Nahi..

Mujh Se Pochay Koi Kya Dil Pe Mere Beet Gayi....?

Uss Se Kya Pochtay Ho Jiss Ka Gya Kuch Bhi Nahi...!