Search

Tum Mere Hoke Raho
Apni Khatir Jagey Ho Soye Ho
Apni Khatir Hansey Ho Roye Ho
Kis Liye, Aaj Khoey Khoey Ho
Tum Ne Ansoo Bohat Piye Apne
Tum Bohut Saal Reh Liye Apne
Tum Azal Se Dokhoon Ke Derey Ho
Chahey Khud Ko Ghumoon Main Gheiray Ho
Jub Se Paida Hoye Ho Mere Ho
Aaj Kholengey Lab Siye Apne
Tum Bohut Saal Reh Liye Apne
Ab Mere, Sirf Mere Hoke Raho
Dil Ki Or Baat Dil Se Kehne Do
Meri Bahoon Main Khud Ko Beney Do
Moddaton Zakham Khud Siye Apne
Tum Bohut Saal Reh Liye Apne
Ab Mere Sirf Mere Hoke Raho

Husn He Husn Ho, Zeenat Ho
Ishq Hon Main Tou Tum Muhabbat Ho
Tum Meri Bus Meri Amanat Ho
Jee Liye, Jis Qadar Jiye Apne
Tum Bohut Saal Reh Liye Apne
Ab Mere Sirf Mere Hoke Raho
Rehte Ho Ranj-O-Gham Ke Gharon Main
Dukh Ke, Aasaib Ke Baseron Main
Kaise Chhoron Tumhey Andhero Main
Tum Ko De Donga Sub Diye Apne
Tum Bohut Saal Reh Liye Apne
Ab Mere Sirf Mere Hoke Raho
Tum Bohut Saal Reh Liye Apne
Aab Mere Sirf Mere Hoke Raho

Tarash kar mere bazu uraan chhor gaya,

hawa ke paas wo barhana makan chhor gaya,

rifaqaton ka meri usko dhayan kitna tha,

zameen le li magar asman chhor gaya,

ajeeb shakhs tha barish ka rang daikh ke bhi,

khulay dareechay pe ik phool daan chhor gaya,

jo badalon se bhi mujhko chupa ke rakhta tha,

barhi hai dhoop to be saaibaan chhor gaya,

uqab ko thi gharaz fakhta pakarne se,

jo gir gai to yunhi neem jaan chhor gaya,

na jaane kon sa asaib dil main basta hai,

k jo bhi thehra wo akhir makaan chhor gaya,

khulasa hai ye mere halaat ka

k apna sb safar hai raat ka

tapish kitni hai maa ke ansuoo mein

ye pani kon si barssaat ka hai


ilahi maut na aaye meri tabah hali mein

ye naam hoga k gham e rozgar seh na saka


gire ga ek patta bhi to cheekh niklegi

ye daal daal ka rishta buhat purana hai


khushi se apni ruswai gawara ho nahi sakti

garibaan parta hai tang jab diwana hota hai


main aor aap se iltijaye karam aap se karoo

ye bheek dijyee usey jis ka khuda na ho


bekhudi shaoq ki aor arz e tammna meri

nahi maloom k munh se mere kya kya nikla


jazba e ulfaat ke maze kuch kaam to aane lage

ponch kar daman se ansu mujh ko smajhane lage

Itnaa karnaa k mere pyaar ke mitete huye naqsh
Aik taaboot meN sheeshe ke sajaa kar rakhnaa

Sookhe pattey hee kaheeN tum ko agar mil jaayeN
Tum mairi qabr peh pyaare! wohee laa kar rakhnaa

Raah mushkil hai bohat zeest kee, behtar yeh hai
Apnaa daaman Zaraa kaaNToN se bachaa kar rakhnaa

Koyee jeewan meN tumheN saathi agar mil jaaye
tum usey apnee muHabbat hee banaa kar rakhnaa

Tum ko manzoor ho to dil meN isee meena kee
Ek taSweer adhooree hee banaa kar rakhnaa

Aye Mere Khamosh Sathi
Tu kiyoun itna udas hai
Tujhe to Khuda ne nemat ataa ki hai
Logon ko hansane ki
Ye tere ansu
Jinhain log dekhne se ghafil hain
Jo apni khushi mein magan hain
Jo apni hasti mein khain gum hain
Tu kiyoun enko khojta hai
Tu kiyoun enko dhundta hai
K tu to shuru se akaila hai
Aur akhir tak akaila hai
K ye khushi jo do pal ki hai
Tu bhi es mein khush hoja
Aur ji le sari zindagi
Tu kiyoun itna udas hai
Tu kiyoun afsurda hota hai
K ye to hain musafir apni hi zindagi k
K najane ye safar kab khatam ho jaye
Phir baqi reh jayega aik ehsas
K Ehsas To Hota Hai Kisi K Jane K Baad
Ye waqt ki rait jo hathon se phisal rahi hai
Kahin tham na jaye
Tu Khush hoja
Aur ji le ye Sham
K kahin waqt guzar na jaye
Aye mere Khamosh Sathi
Aao es Sham k andhere mein
Hum donon beth k batain karain
Koi bhi na ho hamare aas paas
Kuch tum shikwa karo
Kuch hum tum ko manayein
Ye mosam to badal jayega
Magar hum na badlenge
K ye waqt to chala jayega
Magar hum yahin rahenge
Aye Mere Khamosh Sathi........!!

Main khushi se kyun na gaoun
Mera dil bhi gaa raha hay
Yeh faza haseen hay etni
K nasha sa chaa raha hay

Mere humnasheen mubarak
Tujhaye pyaar ki yeh manzil
Tujhaye mil gayi woh dolat
Jo hay zindagi ka hasil
Woh gumaan tha ek haqeqat
Yeh yaqeen a raha hay

Yeh khushi bhi kiya khushi hay
K nikal pare hain aansou
Kaheen dil na baith jaye
K naheen hay dil pe kabuu
Tujhaye nazar doon to kiya don
Mere paas kiya rahaa hay

mere wajood ki jageer usne mangi Hai
ajab kHawab ki Tabeer usne mangi Hai

uski qaid mein reHTa Hoon main peHle bhi
najane pHir kyon zanjeer usne mangi Hai

guman HoTa Hai wo bHool sakTa Hai mujhe
kyon k aaj meri Tasveer usne mangi Hai

mere kHuda mujhe uske nasib me likH de
k mujhse meri Taqdeer usne mangi Hai..!

Mere Haath Mein Tera Haath Ho Saari Jannatein Mere Saath Hon
Mere Haath Mein Tera Haath Ho Saari Jannatein Mere Saath Hon
Tu Jo Paas Ho Phir Kya Yeh Jahaan Tere Pyar Mein Ho Jaaun Fanaa
Mere Haath Mein Tera Haath Ho Saari Jannatein Mere Saath Hon
Tu Jo Paas Ho Phir Kya Yeh Jahaan Tere Pyar Mein Ho Jaaun Fanaa
Mere Haath Mein Tera Haath Ho Saari Jannatein Mere Saath Hon

Tere Dil Mein Meri Saanson Ko panah Mil Jaaye
Tere Ishq Mein Meri Jaan Fanaa Ho Jaaye

Jitne Paas Hai Khushbu Saans Ke
Jitne Paas Hothon Ke Sargam
Jaise Saath Hai Karvat Yaad Ke
Jaise Saath Baahon Ke Sangam

Jitne Paas Paas Khwaabon Ke Nazar
Utne Paas Tu Rehna Hamsafar
Tu Jo Paas Ho Phir Kya Yeh Jahaan
Tere Pyar Mein Ho Jaaun Fanaa

Mere Haath Mein Tera Haath Ho
Saari Jannatein Mere Saath Ho

Rone De Aaj Hamko to Aankhen Sujaane De
Baahon Mein Lele Aur Khud Ko Bheeg Jaane De
Hai Jo Seene Mein Qaid Dariya Woh Chhoot Jaayega
Hai Itna Dard Ke Tera Daaman Bheeg Jaayega

Jitne Paas Paas Dhadkan Ke Hai Raaz
Jitne Paas Bondon Ke Baadal
Jaise sath sath Chanda Ke Hai Raat
Jitne Paas Nainon Ke Kaajal

Jitne Paas Paas Saagar Ke Lehar
Utne Paas Tu Rehna Hamsafar
Tu Jo Paas Ho Phir Kya Yeh Jahaan
Tere Pyar Mein Ho Jaaun Fanaa
Mere Haath Mein Tera Haath Ho
Saari Jannatein Mere Saath Hon

Adhoori Saans Thi Dhadkan Adhoori Thi Adhoorey Ham
Magar Ab Chaand Poora Hai Falak Pe Aur Ab Poorey Hain Ham