Search

Naam le le ker na mera shehar ki nazron mein aa
mujh se milna hai to mere dil ke sehraon mein aa

us safar mein dekh ghul jaata hai mitti ka badan
mujh se milne ki na khuwahish ker na barsaton mein aa

log tujh ko gungunayein meri khuwahish ki tarah
ik achhote shehar ki soorat meri gazal mein aa

be hunar logon ne phir maanga mere fun ka saboot
aa meri sachayi ki khushbu mere lafzon mein aa

ghar ke darwaze pe aakar kion qadam rakhne lage
aa meri tanhayi, meri muntazir bahon mein aa

Akhir-e-shab mein sitaron ko bujha kar sona
Meri Aadat ha ye khwabon ko sula kar sona

Na hi es pehlu qaraar our na chain us karwat
Kitna dushwar ha apnon ko sata kar sona

Raat bhar kaise sanbhale howe rakho ge inhain
Meri mano tu in ashkon ko beha kar sona

Us ne tu choar diya meri gali mein Aana
Main ne chora nai raston ko saja kar sona

Khwab Aa jayin na phir Neend churane
Jagti Aankhon ko pehre pe bitha kar sona

SUNA HAI YEH MEIN NAY AURON SAY IN DINON WO MUJHAY,
BULA RAHA HAI MGAR DAIR HO GAEE SHAYAD,
WO MUJH KO JAGTI RAATON K UN KAHAY QISSAY,
SUNA RAHA HAI MGAR DAIR HO GAEE SHAYAD,
WO MUJH KO APNAY BICHARNAY KI NAGUZEER WAJAH,
BATA RAHA HAI MGAR DAIR HO GAEE SHAYAD,
WO MUJH KO YAAD KAR K CHEHRAY PAR JHURIYON K NISHAAN,
DIKHA RAHA HAI MGAR DAIR HO GAEE SHAYAD,
WO AIK SHAMA GHAM E ZINDAGI MITANAY KO,
JALA RAHA HAI MGAR DAIR HO GAEE SHAYAD,
WO GHAM JO HASIL E UMR E RAWAAN HAI AB WO USAY,
BHULA RAHA HAI MAGAR DAIR HO GAEE SHAYAD

Tairay khushboo mein basay khat main jalata kaise
Pyar mein doobay hue khat main jalata kaise
Tairay hathon k likhay khat main jalata kaise


Jin ko dunia ki nigahon se chupaye rakha
Jin ko ek umar kalaijay se lagay rakha
Deen jin ko jinhein Imaan banay rakha
Tairay khushboo mein basay khat main jalata kaise


Jin ka har lafz mujhy yaad paani ki tarha
Yaad they mujh ko jo paigham-e-Zubaani ki tarha
Mujh ko pyaray they jo anmol nishani ki tarha
Tairay khushboo mein basay khat main jalata kaise


Tu ne dunia ki nigahon se jo bach kar likhay
Saal ha saal mere naam barabar likhay
Kabhi din mein to kabhi raat ko uth kar likhay
Tairay khushboo mein basay khat main jalata kaise


Pyar mein doobay hue khat main jalata kaise
Tairay hathon k likhay khat main jalata kaise
Tairay Khat aaj main ganga mein baha aaya hun
Aag behtay hue paani mein laga aaya hun

Eik Masoom Taqadus Mein Bhigoya Hua Lams
Kitna Pakiza Hay Ehsas Mein Dhoya Huwa Lams

Ye Tere Jism Ki Khushbu Ka Sunehra Ehsas
Jis Terha Chand K Halay Me Peroya Hua Lams

Us K Hontoon Ko Mein Chhu Loon To Gumaan Hota Hay
Jese Jannat K Gulaboon Mein Daboya Hua Lams

Jo Meri Rooh Mein Utrey He Chale Jaate Ho
Ik Naye Rang Mein Ubhrey Ga Yeh Boya Hua Lams

Bheegi Khusbo Main Basa, Wasl Me Bheega Bheega
Kitna Masoom Hay Pehlo Mein Yeh Soya Hua Lams

Tishnagi Aan Basi Hay Meri Pooroon Me WASI
Dhondta Phirta Hun Muddat Se Main Khoya Huwa Lams

Dayaar-e-gair mein kaise tujhe sada dete
tu mil bhi jata to tujhe ganwa dete

Tumhi ne ham ko sunaya na apna dukh warna
dua woh karte ke ham aasmaan hila dete

Hamein yeh zom raha ab ke woh pukarain ge
unhein yeh zid thi k har baar ham sada dete

Woh tera gam tha k taseer mere lahje ki
ke jis ko haal sunaate usay rula dete

Tumhein bhulana hi aval to dastaras mein nahi
jo ikhtiyar bhi hota to kya bhula dete

Tumhaari yaad ne koi jawab hi na diya
mere khiyal ke aansu rahe sada dete

Dil Mein Bikhray Hue jalon Se Preshan Na Ho
Mere Guzray Hue Saalon se Preshan Na Ho

Meri Awaz Ki talkhi Ko Gawara Kar Le
Mere Gustakh Sawalon Se Preshan Na Ho

Dekh Yun Door Na Ho Mujh Ko Laga Le Dil Se
Tu Meri Rooh Ke Chalon Se Preshan Na Ho

Khud Ko Veeran Na Kar Mere Liye Meri Jan
In Preshan Khayalon Se Preshan Na Ho