Search

Kis dasht men paon dhar raha hoon
aahat se men apni darr raha hoon

Chehron ke badalte aayenon men
Men kis ko talash kar raha hoon

Aankhon men meri simetnay wale
Nazron men teri bikhar raha hoon

Ik yaad ko raat bhar jaga kar
Tasweer men rang bhar raha hoon

Tum rok sako mujhe to roko
Baadal ki tarha guzar raha hoon

Darya to utar chuka hai yaaro
Ab rait hoon aur bikhar raha hoon

Hairat hai mujhe bhi khud pe Kaavish
Jeene ke liye jo mar raha hoon....!

ZaKhm-E-Tanhai mein khushbu-e-Hina kis ki thi
Saya Deewar pr mera tha sada kis ki thi

Uss ki raftar sy lipti rahien Aankhein meri
Uss ny murr kr bhi na dekha wafa kis ki thi

Ansoon sy hi bhar gaya daaman mera
Hath to main ny uthaye thy Dua kis ki thi

Meri aankhon ki zuban koi samjhta kesy
Zindagi itni dukhi mery siwa kis ki thi

Aag sy dosti uss ki thi jala ghar mera
Dey gaya kis ko saza aur khataa kis ki thi.

yeh kaun doob gaya aur ubhar gaya mujh main
yeh kaun saaye ki soorat guzar gaya mujh main

yeh kis kay sog me shorida haal phirta hoon
woh kon shakhs tha aisa keh mar gaya mujh main

ajab hawa e baharaan nay chara saazi ki
woh zakhm jis ko na bharna tha bhar gaya mujh main

woh aadmi keh jo pathar tha jee raha hai abhi
jo aaina tha woh bikhar gayaa mujh main

misaal kya ke woh jab bhi kareeb say guzara
to youn laga ke koi raqs kar gaya mujh main

woh sath tha to ajab dhuup chanoo rehti thi
bas ab to ek hi mausam thehar gaya mujh main

Usi Ek Fard Kay Wastay Meray Dil Mai Dard Hai Kis Liye
Meri Zindegi Ka Mutalba Wohi Ek Fard Hai Kis Liye

Jo Likha Hai Meray Naseeb Mai Kaheen Tu Ne Parh Tu Nahi Lia?
Tera Hath Sard Hai Kis Leye, Tera Rang Zard Hai Kis Liye

Tu Jo Shaher Mai He Muqeem Hai Tu Musafirat Ki Fiza Hai Kiyon
Tera Karwaan Jo Nahi Gaya Tu Hawa Mai Gard Hai Kis Liye

Wo Jo Tarq-e-Rabt Ka Ehad Tha kaheen Tottnay Tu Nahi Laga
Teray Dil Kay Dard Ko Dekh Ker Meray Dil Mai Dard Hai Kis Liye

Na Jamal-o-Husan Ki Bazam Hai Na Janoon-o-Ishq Ka Azm Hai
Sir-e-Dasht Raqs Mai Her Garhi Koi Baad-e-Gard Hai Kis Liye

Koi Wasta Jo Nahi Raha Teri Ankh Mai Yeh Nami Hai Kiyon
Meray Ghum Ki Aag Ko Dekh Ker Teri Ahh Sard Hai Kis Liye

Kis Lye Ab Uddas Bethy Ho
Jab WO ik shakhs Dastras Mien tha, Us se milna Tumhary bus mein tha
Uski ankhain Tumhari Aankhain theen, Uski Baatain Tumhari Baatain theen
Uska Chehra Tumahra Chehra tha, Us K Dill pe Tumhara Pehra Tha
Wo Jo kehta tha Beqarari hy, Meri sari Wafa Tumhari hy
Sirf Tumse Mujhy Mohabbat hy, Sirf Tumse Meri Haqiqat hy
Tab Tum Us k Hr Aik Jumly KO, Tab Tum Us k Hr Aik Jazbay KO
Ek hansi mein Uraya karty thy, Sunn k Tum Bhool Jaya karty thy
Apni Tanhai k Galay Lag k Saray Aansu Wo roo gya Ik din,
Ek Pather se Dil Lagi kar k Khud bhi Pather ka ho gya Ik din
Ab WO tumse to kuch nahi kehta, Be Niyazi k Dukh nahi sehta
Uski Ankhain Ab Uski Ankhain hain… Uski Baatain Ab Uski Baatain hain
Bhool Jana Tumhari Adat Hy, Ab WO Ik Shakhs Dastras mein nahi
Us se milna Ab Tumhary Bus mein nahi,,
Kis Liye Phir Uddas Bethy Ho

kis ko aatii hai masihai kise awaz duun
bol ay KhunKhar tanhai kise awaz duun

chup rahun to har nafas Dastaa hai nagan ki tarah
aah bharne men hai rusvai kise awaz duun

uff Khaamoshii kii ye aahen dil ko bharamati hui
uff ye sannaaTe ki shehanaai kise awaz duun

Waqt Aaj Ye Kis MuqaaM Par Le Aaya Hai
Mujhe Apno Ne Hi Kyon Begana Banaya Hai

Dikhta Nahi Hai Yahan Ab Apna Sa Kyon Koi
Ek Sannata Sa Rishton Ke DarMiyaan Aaya Hai

Dikhta Hai GaM Hi GaM Charon Taraf
MasooM Sa Mera Dil Apne ZakhMon Ko Dikhane Se Ghabraya Hai

Saath Chal Ke Chaar KadaM Chhod Diya Apno Ne
Mere Apno Ko Shayad Gairon Ne Behkaya Hai

Dard Aaj Phir Chhalak Pada Hai Aankhon Se PaiMane Ki Tarah
Aaj Phir Ye Dil Ko Kaunsa Hadsa Yaad Aaya Hai

SaMne The HuM Ke Bhool Chuke Hai Sab Kuch
Par Aaj Bhi Kyon Unke NaaMko Apne Dilki Dhadkano Mein Paya Hai

kaha tha kis ne ke ahad-e-vafa karo us se
jo yuN kiya hai to phir kyuN gila karo us se

ye kya ke tum hi Gam-e-hijr ke fasane kaho
kabhi to us ke bahane suna karo us se

nasib phir koi taqreeb-e-qarb ho ke na ho
jo dil men hon vahi baten kiya karo us se

Faraz tark-e-taalluq to Khair kya hoga
yahi bahut hai ke kam kam mila karo us se

Tumhin Kis Nay Kaha Pagli
Mujhay Tum Yaad Aati Ho
Bohat Khush Fehm Ho Tum Bhi
Tumhari Khush Gumani Hai
Meeri Ankhon Ki Surkhi Main
Tumhari Yaad Ka Matlab???
Meray Shab Bhar Kay Jagnay Main
Tumharay Khwaab Ka Matlab???
Yah Ankhien To Hameesha Say Hi
Meri Surkh Rehti Hain
Tumhin Malom Hi Hoga
Is Shahar Ki Faza Kitni Aalooda Hai
Tu Yah Sozish,,Ussi Fizza Kay Bayes Hai
Tumhin Kis Nay Kaha Pagli
Kh Main Shab Bhar Nhin Sota
Mujhay Is Nokri Kay Sab Jhameelon Say
Kabhi Fursat Milay To Tab Hai Na
Meeri Baaton Main Larzish Hai???
Main Aksar Kho Sa Jata Hon??
Tumhin Kis Nay Kaha Pagli
Mohabbat Kay Ilawa Aur Bhi To Dard Hotay Hain
Fikr-E-Muaash,Sukh Ki Tlaash,
Aisay Aur Bhi Gham Hain
Aur Tum
Un Sab Ghamon Kay Baad Aati Ho
Tumhin Kis Nay Kaha Pagali
Mujhay Tum Yaad Aati Ho
Yah Dunya Walay Pagal Hain
Zara Si Baat Ko Yah To Afsaana Samjhtay Hain
Mujhay Ab Bhi Yah Pagal Tera Dewana Samjhtay Hain
Tumhin Kis Nay Kaha Pagli!!!
Magar Shyed!!!
Magar Shyed Main Jhoota Hon
Main Reza Reza ,Toota Hon