Search

Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhon Mein,
Beetay Din Yaad Dilatey Ho
Mastana Hawa Kay Jhonkon Se,
Har Baar Woh Pardey Ka Hilna
Pardey Ko Pakrnay Ki Dhun Mein,
Do Ajnabi Hathoon Ka Milna.
Aankhon Me Dhunwa Cha Jana,
Sansoon Mein Sitarey Se Khilna
Raasty Me Tumhara Mur Mur Kar
Takna Wo Mujhe Jatey Jatey
Aur Mera Thitak Kar Ruk Jaana,
Chilman Kay Qareeb Aatey Aatey
Nazroon Ka Taras Kar Reh Jaana,
Ek Aur Jhalak Paatey Paatey
Baalon Ko Sukhanay Ki Khatir,
Kothey Pe Woh Mera Aa Jaana
Aur Tum Ko Muqabil Patey Hi
Kuch Sharmana, Kuch Bal Khana
Ro Ro Kay Tumhein Khat Likhti Hoon,
Aur Khud Parh Kar Ro Leti Hoon
Halaat Kay Taptey Toufaan Me,
Jazbaat Ki Kashti Kehti Hoon
Kaisey Ho, Kahaan Ho, Kuch To Kaho,
Mein Tum Ko Sadayen Deti Hoon
Mein Jab Bhi Akeli Hoti Hoon,
Tum Chupkey Se Aa Jatey Ho
Aur Jhaank Kay Meri Aankhoun Me,
Beetay Dinn Yaad Dilatey ho...!

Guzarta hoon mein jab bhi tere sheher ki galiyon se,
Beeti sadayen raqs karti hain tere ashiyanay se,

Karta hon yaad mein tujhe jab bhi,
Ik aah si uthti hai mere seeney mein,

Puchte hain log mujhse be basi ka sabab,
Kehta hon ke dil lagaya tha ek pathar se,

Mar kar bhi na bhula paaon ga mein woh lamhe,
Khelta tha mein jab bhi teri naachti zulfon se,

Rehta hai ik bacha sa mere wajood mein Husnain,
Bahelta hai jo teri yaadon ke khilone se...!

Usne jab jab bhi mujhe dil se pukara mohsin.
Me ne tab tab yeh bataya ke tumhara mohsin.

Log sadyon ki khataon pe bhi khush baste hain.
Humko lamhon ki wafaon ne ujara mohsin.

Jab agya ho ye yaqin ab woh nahin aega.
Gham aur anso ne diya dil ko sahara mohsin.

Woh tha jab paas to jeene ko bhi dil karta tha.
Ab to pal bhar bhi nahin hota guzara mohsin.

Usko pana to muqadar ki lakeron men nahin.
Uska khona bhi karen kaisa gavara mohsin...!

Jab Kisi Jaam Ko Honton Se Lagaya Mein Ne
Raqs Karta Howa Dekha Tera Saaya Mein Ne

Mujh se Mut Pooch Mere Mohtasib-e-sheher Se Pooch
Kiyoon Teri Aankh Po Paimaana Banaaya Mein Ne ?

Loog Kehte Hein Qasida Woh Tere Husn Ka Tha
Aam Sa Geet Jo Mehfil Mein Sunaya Mein Ne

Maikada Band Tha Laikin Joon Hee Garja Baadal
Apni Tauba Ko Chatakhta Howa Paya Mein Ne

Shair o Naghmaat Ka Rishta Kabhi Toota Na Qateel
Jab Ghazal Bun Ke Woh Aaya Usay Gaaya Mein Ne...!

ratjagon ke sehra main khwaab jab ujaR jaain tum udaas mat hona
zindagii ke maile main hum agar bichaR jaain tum udaas mat hona

jin pe naam likhe hoon un ujaR shakhon per kab bahar aati hai
aarzuu ki tehni se jab gulaab jhaR jaain tum udaas mat hona

jaan kya zaroori hai dasht-e-narasai main ik dua bhi poori ho?
hum agar riwaajon ki souliyoun pe gaR jaain tum udaas mat hona

waqt ik darinda hai aur hum sabhi es dehshat ki zad main hain
jab ye besukoon lamhe apni zid pe arR jaain tum udaas mat hona

jabr ki fizaaon main muskura ke ji laina ye bhi ik ibaadat hai
chahe karb ke saye mere qad se baRh jaain tum udaas mat hona

kuch bhi ho mager apne dilnasheen tabassum se zabt ka bharam rakhna
chaahe hum bichaR jaain kyun na hum ujaR jaain tum udaas mat hona

Jab mein rooth jaaun to Phool le k aae
Ulti seedhi batein kr k Mjhe Hansaye
Me jis k lye pura Sajaoon khud ko
Or jab wo dekhe to bas dekhta jaye
Palken num ho jay agr Meri
Wo Pyar ki Barish Mujh pe Barsaye
Jo neend roth jae Aankho se meri
Koi to ho Jo band Palkon ko Choom kr
Baahon mei le k pyar se Sulay
KASH Koi to ho Jis pe Me Haq se Haq jattaon
Jo sirf Meri or Bas Meri hi reh Jaye...!

chaman mein jab bhi saba ko gulaab pochte hain
Tumhari ankh ka ehwaal,khwab pochte hain

Kahan kahan hoye roshan humare baad charagh
Sitaray deeda e tar se hisaab pochte hain

Woh tishna lab bhi ajub hain ju moj e sehra se
suraag e habs mizaaj e saraab pochte hain

Kahan basi hain woh yaadain,ujaarna hay jinhain?
Dilon ki baanjh zameen se azaab pochte hain

Baras pare teri ankhain tou yeh bhaid khula
Sawal khud se bhi apna jawab pochte hain

Hawa ki humsafari se ab aur kya hasil
Bus apne shaher ko khaana kharab pochte hain

Ju be nayaz hain khud apne husn se Mohsin
Kahan woh mujh se mera intikhab pochte hain...!

Bahaar Rut me ujaar Rasty,
Takka kro gy to Ro parro ge
Kisi se milny ko jab bhi Mohsin,
Sajja karo gy to Ro parro gy
Tumhare wadon ne yar muj ko,
Tabah kiya hy kuch es trha se
K zindgi me jo phir kisi se,
Dagha karo gy to Ro parro gy
Main janta hon meri muhabbt,
Ujaar dy gi tumhe bhi aise
K chand raton me ab kisi se,
Mila kro gy to Ro parro gy
Barasti barish me yad rakhna,
Tumhe satayein gi meri ankhen
Kisi Walli k mazar par jab
Dua karo gy to Ro parro gy...!