Search

Jab Bhi Chahain Ek Nayi Soorat Bana Lete Hain Log,
Ek Chehre Peh Kayi Chehre Saja Lete Hain Log,

Mil Bhi Lete Hain Woh Gale Apne Matlab K Liye,
Aa Pade Mushkil To Nazren Bhi Chura Lete Hain Log,

Khud-farebi Ki Unhe Aadat Si Shayad Pad Gayi,
Har Naye Rahzan Ko Seene Se Laga Lete Hain Log,

Hai Baja Unki Shikayat Par Iska Kya Ilaaj,
Bijliyaan Khud Apne Gulshan Peh Gira Lete Hain Log,

Ho Khushi Unko Bhi Haasil Ye Zaroori To Nahi,
Ghum Chupane K Liye Bhi Muskura Lete Hain Log....

Roye jab Buhat Tab Zara Karaar Mila Hai
Is Jahan Mein kise Bhala Sacha Pyaar Mila Hai

Guzar rahi hai zindagi Imtehan ke daur se
Ek khatam Hua Toh Dusra Tayar Mila Hai

Mere Damaan ko khushiyo ka nahi afsos
Gham ka khazana jo mujhe beshumar mila hai

Woh bad Naseeb hai jinhe mehboob mil gaya
Mein khushnasib hun mujhe Intezar mil gaya

Gham nahi mujhe ki Dushman hua yeh zamana
Jab mehboob hi Hathoon Mein Liye Talwar Mila Hai

Zindagi jab bhi teri bazm mein laati hai humein
ye zameen chaand se behtar nazar aati hai humein

surkh phooloun se mehak uthti hain dil ki raahein
din dhale yoon teri aawaaz bulati hai humein

yaad teri kabhi dastak kabhi sargoshi se
raat ke pichhle pehar roz jagaati hai humein

har mulaaqat ka anjaam judaai kyun hai
ab to har waqt yahi baat sataati hai hamein.

Tery Baare Mein Jab Socha Nahi Tha
Mein Tanha Tha Magar Itna Nahi Tha

Teri Tasveer Se Kerta Tha Baatain
Mery Kamray Mein Aayena Nahii Tha

Samandar Ne Mujha Piyasa Hi Rakha
Mein Jab Sehra Mein Tha Piyasa Nahi Tha

Manane Ruthne Ke Khel Mein Hum
Bich'har Jayenge Ye Socha Nahi Tha

Suna Band Ker Li Us Ne Aankhain
Kayi Raatoon Se Vo Soya Nahii Tha

Jab se Maykhaane men jaane laga hoon
Dard-e-dil ko bhulaane laga hoon

Piya hai jaam saaqi ke hathon jabse
Geet maiN us ke gaane laga hoon

Diye hain zakham zamaane ne mujhko
Marham maiN may ki lagaane laga hoon

Pakda hai daaman maye ne mera jabse
Sukun mai yahan par paane laga hoon

Kho gaya hoon mai yahan ki fizaon me
Kadam rangeeniyon me badhaane laga hoon

Nahin jaanta tha maye ki khoobiyon ko ' ishk '
Iss khayal se rozana maykhaane jaane laga hoon

Tumhari Yaad Kay Jab Zakham Bharnay Lagtay Hain
Kese Bahanay Tumhay Yaad Karnay Lagtay Hain

Hadees -e- Yaar Kay Unwaan Nikharne Lagtay Hain
Tu Har Hareem Main Gaysoo Sanwarnay Lagtay Hain

Har Ajnabi Hamay Mehram Dikhai Dayta Hay
Jo Ab Bhi Teri Gali Say Guzarnay Lagtay Hain

Saba Say Kartay Hain Gareeb -e- Naseeb Zikar -e- Watan
Tu Chashm -e- Subho Main Aansoo Ubharnay Lagtay Hain

Wo Jab Bhi Baat Kartay Hain Is Nataq o Lab Ki Bakhair Geeri
Fiza Main Or Bhi Nagmay Bikharnay Lagtay Hain

Dar Qafas Peh Andhere Ki Muhar Lagte Hay
Tu Faiz Dil Main Sitaray Utarnay Lagtay Hain

Mohabbaten jab shumaar kerna to saazishain bhi shumaar kerna
Jo merey hissey me aayi hain woh aaziyaten bhi shumaar kerna

Jalaye rakhongi subah tak main Tumhare raston me apni ankhen
Magar kahin jo zabt toot jaaye to baarishen bhi shumaar kerna

Jo harf loh-e-wafaa pey likhey hoye hain un ko bhi daikh lena
Aur jo raaegaan ho gayin woh saari ibaaraten bhi shumaar kerna

Yeh sardiyon ka udaas mausam k dharkanen burf ho gayi hain
Jab inn ki yakhtagi parakhna to tamazaten bhi shumaar kerna

Tum apni majboriyon ke Qissey zaroor likhna wazahaton se
Jo meri ankhon me jal bujhi hen wo khwahishen bhi shumaar kerna !

Woh Jab Bemaar Parta Hai
Kisi Hamdard Kisi Ham nawa Ko Yaad Karta Hai
Woh Phir Yeh Socha Karta Hai
Koi Ho Jo Mujhe Parhaiz Ki Takeed Karta Ho
Koi Ho Jo Meri Takleef Mein Khud Bhi Tarapta Ho
Dawa Na Loon Kabhi Jo Mein Tu Phir Daanta Bhi Karta Ho
Koi Tu Ho... Koi Tu Ho Jo Mujh Se Pyar Karta Ho
Inhi Sochoo Se Ghabra Kar Woh Phir Khud Hi Se Larta Hai
Mein Is Be Reham Duniya Mein Akele Ji Bhi Sakta Hoon
Muqaddar Mein Hain Jo Likhay Woh Aansoo Pee Bhi Sakta Hoon

Magar Woh Haar Jaata Hai

Jab Khayalon Me Rukh-e-Yaar Hua Krta He,

Har Taraf MosaM-e-Bahar Hua Krta He,

HuM Teri Yaad Ko Phoolon Se Saja Dete Hain,

Raasta Jitna Bhi Dushwar Hua Krta He,

Yeh Muhabbat Hy Jo Pagal Sa Bana Deti He,

Warna Har Shakhs SaMajhdar Hua Krta He,

Jin Ki Ankhon Me Saji Ho Kisi Mehbob Ki Soorat,

Os Ko Dunia Se Bohat Pyar Hua Krta He,

Jaan-e-Jaan Youn Hi Sulagtay Nhi HuM Raaton Me,

Looh-e-Dil Par Tera Rukhsar Hua Krta He….!,