Search

Meri jaan tum se itna pyar koun kerta hay
Marz dene lage taskeen tou chara koun kerta hay

kayi gumnaam khushian phootti hain raat bher dil mein
Na jane khwab mein aa ker ishara koun kerta hay

Kabhi socha nahin tum ne k tum ko aik muddat se
Samay ki oot mein chup ker pukara koun kerta hay

Abhi tou mil k chalte hain samander ki musafat ko
Phir us k baad dekhain gaye kinara koun kerta hay

Ghatayen koun lata hay meri ankhon k mousam mein
Phir us k baad barish ka nazara koun kerta hay

Meri jaan sochti hon main
Agar tum mil na paye tu
Tumhaari yaad ko dill sey
Bhala kaise bhulaoun gi
Jo mousam sang terey beetey
unhain kaise bhulaon gi
Andheri raat main jugnu
bhala kaise jalaoun gi

meri jaan sochti hon main
Tumhain kaise bhulaaon gi
Likha jo naam hay dill per
Usey kaise mitaaoon gi
Jo aadhi umer jeni hay
Wo main kaise bitaaon gi

Meri jaan sochti hoon main
Tumhain kaise bhulaaoon gi
Teri yaadain jo aaen gi
Mujhe pal pal rulay gi
Merey Anchal ko kheinchain gi
Mujhe kuch gud-gudain gi

Meri jaan sochti hoon main
Tumhain kaise bhulaaon gi
Jo baatain tum sey karti hon
bhala kis ko bataaon gi
Naya jab sher likhoon gi
Tu main kis ko sunaon gi

meri jaan sochti hoon main
Tumhain kaise bhulaaoon gi
Meri jaan Jaan lo tum bhi
Tumhain na bhool paoon gi

Qalam Par Qarz Hai Jaan Ka Ada To Ho Raha Ho Ga
Magar Gumnaam Goshay Mai Koi To Ro Raha Ho Ga

Koi Ho Ga Kisi Sachi Azziyyat K Nashay Mai Gum
Koi Jhooti Khushi Ko Be Irada Dho Raha Ho Ga

Kisi Ko Yaad Aaye Ja Rahi Hogi Gai Patt Jharh
Koi Taaza Ruton K Beej Dil Mai Bo Raha Ho Ga

Koi Ukta Raha Ho Ga Kisi Purr Shor Mehfil Say
Koi Jadoo Bhari Tanhaiyon Mai Kho Raha Ho Ga

Kaheen Pardais Mai Be-Khuwab Aankhain Jagti Hongi
Koi Ik Yaad Orhay Apnay Ghar Mai So Raha Ho Ga

Har Ik Pal Ki Khabar Rakhnay Ki Aisi Kya Zaroorat Hai
Bhari Dunya Hai Iss Mai Kuch Na Kuch To Ho Raha Ho Ga

Haqeeqat jaan kar aysi himaqat kaun karta hai..
Bhala be-faiz laugon se muhabbat kaun karta hai...?

Batao jis tijarat may khasara hi khasara ho...
Bina soochay khasaray ki tijarat kaun karta hai...

Humain hi ghalat-fehmi thi, kisi k wastay warna..
Zamanay k riwajon se baghawat kaun karta hai...?

Khuda ne sabar karnay ki mujhay taufiq bakhshi hai..
Aray jee bhar k tarpao, shikayat kaun karta hai?

Zamanay ki nighaon se dilon k bhaid makhfi hain..
Khaloos-e-dil se Rab janay ibadat kaun karta hai?,...

Hum Bhi Khud Dushman-E-Jaan Thay Pehle
Tum Magar Dost Kahan Thay Pehle

Ab Wahan Khaak Uraati Hai Khizaan
Phool Hi Phool Jahaan Thay Pehle

Ab Jo Deewar Bunay Baithay Hain
Soorat-E-Mooj Rawaan Thay Pehle

Kuch Sharabi Keh Hein Ab Rah Nasheen
Ronaq-E-Buzm-E-Maghaan Thay Pehle

Hum Keh Hein Aaj Ghubaar Puss-E-Roo
Munzil Hum Sufraan Thay Pehle

Ab Kise Waza-E-Mohabbat Ka Khayal
Aur Hi Loag Yahaan Thay Pehle

Ab To Khudh Per Bhi Nahin Zaam-E-Wafa
Tujh Se Hum Shikwa Kinaan Thay Pehle

Bun Gya Kafla Chaltay Chaltay
Wurna Tunha Hi Rawaan Thay Pehle

Dolat-E-Ghum Tau Mayasar Thi Faraz
Itne Muflis Bhi Kahaan Thay Pehle

Jab tumhari jaan ko Khatra ho to sadqa de kar Jaan bachao.
Aur jab tumhare Deen ko Khatra ko to Jaan de kar Deen bachao.
(Hazrat Ali R.A)

Izat Mili Pehchan Bhe Poray Hoay Armaan Bhe
Ye Dharti Pakistan Ki Hy Hamari Jaan Bhe

Is Ki Himat Hy Jo Dykhy Maily Ankh Sy Essay
Es Ki Khatar Lain Gy Jaan Aur Kr Dain Gy Qurban Bhe

Ye Dharti Pakistan Ki Hy Hamari Jaan Bhe