Search

Terey baghair Sard mosmon ke khushgawar Din Udaas hen,
Fiza me Dukh Racha hoa hai,
Hawa koi udaas geet gunguna rahi hai,
Phool ke Labon pe Peyas hai,
Aisa Lagta hai,
Hawa ki Aankhen Rotey Rotey khushk ho gai hon,
Saba ke dono hath khali hon
kh... shehr mein Tera koi pata nahen,
saans lena kitna mahaal hai
udasiyan udasiyan Ajab haal hai
Tamam sabz saaya-dar pairron ney,
Tery baghair wehshaton me apney perhan ko taar taar kar dia
Ab kisi shajr key Jism per Quba nahen
Sookhey Zard pattey
Koo ba Koo teri talaash me Bhatak rahey hen
Meray Darichon me Gulabi dhoop roz jhaankti hai
Mgr uss ki Aankhon me
Wo Jag-magahaten nahen
Jo teray Waqt me Zameen key sabeeeh maathey per
Soorajon ki kehkashaan sajaaney aati thin
Zameen bhe meri Trah hi
Teray baghair es ki Kokh se bhe ab
Koi Gulaab ugg na paye ga
Zameen Banjer ho gai hai
Aur
Meri Rooh ki Bahaar Aafreen kokh bhi
Meri soch key sadaf mein
Fun key sachey moti kis trah Janam lia kren
kh main sarapa-e-tashnagi hon
Aur door door tak, Visaal-e-abr ki khabr nahen
Meray aur Teray darmian
Paanch Paanion key Des mein
Kachey gharrey bhe to meri dastars se door hen
Mai kis trah SHER kahoon
Meri Soch key Badan ko, to Namoo to dey
kh...
Main Teray baghair Ek Sehra hon!!

Yahi aarzoo rahi umr bhar k muhabatain meray sath hon..

Koi aisa jurm nahi kia k wazahatain meray sath hon...

Faqat ek shaks ki aarzoo mai guzar rahi hy zindagi..

Yeh talab nahi k tamam shehar ki chahatain meray sath hon...

Yeh nahi keh raha mai jo milay usay hamsafar hi banaon mai...

Jo tamam umr nibah sakay woh rafaqatain meray sath hon...

Main Talash Main Hon Kisi Or Ki, Mujhay Dhundhta Koii Or Hay
Main Saawal Hoon Kese Or Ka, Mera Maslah Koii Or Hay


Kabhi Chaand Chehron Ki Bheer Say Jo Nikal Kay Aaya Tu Yeh Khula
Wo Jo Asal Tha Usay Kho Dia, Jesay Pa Liya Koii Or Hay


Kati Umer Isi Chah Main, Usay Dekhtay Kese Rah Main
Mager Ak Zamanay Kay Baad Jo Howa Aashana Koii Or Hay


Faqat Ak Pal Kay Faraq Main, Kaii Khowab Kirchiyan Ho Gaye
Jo Palat Kay Aaye Tu Yon Laga Yaha Silsala Koii Or Hay


Wahi Log Hain, Wahi Naam Hain , Wahi Ghar, Wahi Dar o Baam Hain
Mager Ab Dareechon Ki Oott Say Hamay Jhankta Koii Or Hay


Kese Aanay Walay Safer Ki Jab Karo Ibtada Tu Yeh Sochna
Main Akaila Is Main Shareek Hoon , Ya Meray Siwa Koii Or Hay


Usay Mil Kay Aaye Tu Shaam Ko Mujhay Aainay Nay Kaha Suno
Wo Jo Subha -e- Damm Tha HASAN RAZA Wo Tum Hi Ho Ya Koii Or Hay

Main Talash Main Hon Kisi Or Ki, Mujhay Dhundhta Koii Or Hay
Main Saawal Hoon Kese Or Ka, Mera Maslah Koii Or Hay


Kabhi Chaand Chehron Ki Bheer Say Jo Nikal Kay Aaya Tu Yeh Khula
Wo Jo Asal Tha Usay Kho Dia, Jesay Pa Liya Koii Or Hay


Kati Umer Isi Chah Main, Usay Dekhtay Kese Rah Main
Mager Ak Zamanay Kay Baad Jo Howa Aashana Koii Or Hay


Faqat Ak Pal Kay Faraq Main, Kaii Khowab Kirchiyan Ho Gaye
Jo Palat Kay Aaye Tu Yon Laga Yaha Silsala Koii Or Hay


Wahi Log Hain, Wahi Naam Hain , Wahi Ghar, Wahi Dar o Baam Hain
Mager Ab Dareechon Ki Oott Say Hamay Jhankta Koii Or Hay


Kese Aanay Walay Safer Ki Jab Karo Ibtada Tu Yeh Sochna
Main Akaila Is Main Shareek Hoon , Ya Meray Siwa Koii Or Hay


Usay Mil Kay Aaye Tu Shaam Ko Mujhay Aainay Nay Kaha Suno
Wo Jo Subha -e- Damm Tha HASAN RAZA Wo Tum Hi Ho Ya Koii Or Hay

Mei kisi aur ki hon itna bata ker roi
Woh mujhe mehandi lagay hath dikha ker roi

Mein Be-Kasoor hon Qudrat ka faisla hai yeh
Lipat k mujh se bas woh itna bata ker roi

Mujh peh aik qarb ka toofan hogaya haayal
Jab mere samne khat mere jala ker roi

Meri nafrat aur adawat pighal gai pal mei

Woh bewafa hai to kion mujhko rula ker roi

Sab shikwe aik pal mein beh gaye WASI
Jheel c aankhon mei jab aansu saja ker roi....

Kisi Dard Ka Aihsas Likh Raha Hon Mai
Goya Pani Ki Piyas Likh Raha Hon Mai

Chalta Mai Raha Door Talak Tanha Magar
Qadmon Ko Hasrat-O-Yaas Likh Raha Hon Mai

Jugnu Chamkey Kaheen Andheray May Jab Kabhi
Teri Khusbu Ko Qiyaas Likh Raha Hon Mai

Kabhi Pani Pe Qadam Tehra Kartey Nahi
Unhi Qadmon Ko Asaas Likh Raha Hon Mai

Sanbhal Jata Hon Jo Aksr Gir Ke Mai Qais
Khiyal-E-Vasl Udaas Likh Raha Hon Mai

,

Zinda hon is tarah k GHUM-E-ZINDAGI nahe
Jalta hua diya hon magar ROSHNI nahe


Wo muddatein hoi hain kisi se JUDA huwe
Lekin yeh Dil ki aag abhi tak BUJHI nahe


Aane ko aa chuka tha KINARA b samne
Khud uske pas meri he NAYYA gai nahe


Honton k pas aaye hansi‚ kya MAJAL hai
Dil ka muamla hai koi DILLAGI nahe


Yeh CHAND yeh HAWA yeh FIZA‚ sab hai maand maand
Jo Tu nahe to in mei koi DIL-KASHI nahe..........
,

Aaj phir se tere dayaar mein hon
Yaani phir tere inkhtiyaar mein hon

Is kahani ka yeh anjaam hua
Aaj main dasht e bekanaar mein hon

Koi rasta deekhayi deta nahin
Dundh kaisi hay kis ghubaar mein hon

Aaj kal kis pe hay karam tera
Main tu waise bhi kis shumaar mein hon

Hosh kaise rahe ga dil ko tera
Main tere dard k khumaar mein hon

Aik duniya hay mere dar pe Hira
Aur main tere intezaar mein hon