Search

Koi Hum-Sukhan Bhi To Chahiye
Koi Hamnawa Bhi To Chahiye
Ye Safar Kitna Taveel Hay
Koi Rahnuma Bhi To Chahiye

Mere Sath Hay Mera Humsafar
Woh Ghamon Say Hay Mere Be-Khabar
Jo Alm Ko Mere Qalam Kare
Koi Dil Ruba Bhi To Chahiye

Ye Jahan Kitna Ajeeb Hay
Jo Tabeeb Hay Wo Raqeeb Hay
Mein Karun To Kis Say Gila Karun
Mujhey Mashwara Bhi To Chahiye

Mein Gham-E-Alm Ki Misal Hon
Tumhe Ae Dost Ye Khabar Nahi
Mujhey Dekh Lo Zara Ghor Say
Tumhe Aina Bhi To Chahiye.....

Kisi Ki Hum Dua Hone Lage Hain
Buhat Ashufta Paa Hone Lage Hain

Khuda K Naam Lewaaon Ko Dekho
Zameen Peh Khud Khuda Hone Lage Hain

Wo Mujh Se Is Tarah Milta Hai Jaise
Umer Bher Ko Juda Hone Lage Hain

Ho Mere Sheher Ka Allah Nigehban
Muhafiz Raah-zan Hone Lage Hain

Ajab Hai KASH Shehre Dil Ka Alam
K Hum Khud Se Khafa Hone Lage Hain,

Hum Main Hi Thi Na Koi Baat, Yaad Na Tum Ko Aa Sakey
Tum Ne Hamen Bhula Diya, Hum Na Tumhain Bhula Sakey

Tum Hi Na Sun Sako Agar, Qissa-E-Gham Sune Ga Kaun
Kis Ki Zubaan Khule Gi Phir, Hum Na Agar Suna Sakey

Raunaq-E-Bazm Ban Gaye, Lab Pe Hikaayaten Raheen
Dil Main Shikayaten Raheen, Lab Na Magar Hila Sakey

Shouq-E-Wisaal Hai Yahan, Lab Per Sawal Hai Yahan
Kis Ki Majaal Hai Yahan, Hum Se Nazar Mila Sakey

Hum Main Hi Thi Na Koi Baat, Yaad Na Tum Ko Aa Sakey
Tum Ne Hamen Bhula Diya, Hum Na Tumhain Bhula Sakey..

Ho Ghazal Or Dil Aashiqana Ho,
Dil Sambhlne Ka Kuch Bahana Ho,

Or Kiya Chahiye Zamaney Ko,
Kehney Sunney Ko Ik Fasana Ho,

Zindagi Nazar Karna Parti Hai,
Ik Lamha Agar Churana Ho,

Ham Jo Kehtey Hain Kar Guzrte Hain,
Soch Lena Agar Aazmana Ho,

Dushmani Bhi Hamain Gawara Hai,
Shart Yeh Hai Ke Mukhlisana Ho...

Ye Zaroori Hay K Hum Tumse Muhabbat Karlen
Or Phir Hum Tumhen Paayen Ye Zaroori To Nahi

Ye Zaroori Hay K Hum Ehd E Wafa Bhi Karlen
Or Phir Usko Nibhayen Ye Zaroori To Nahi

Haan Zaroori Hay K Ik Saath Chalain Hum Donon
Or Manzil Ko Bhi Paayen Ye Zaroori To Nahi

Gar Zaroori Hay Tumhen Tark E Taaluq Karna
Chorr Kar Hum Bhi Chale Jaayen Ye Zaroori To Nahi

Ye Zaroori Hay Sunayen Unhen Afsana E Dil
Zakhm E Dil Sab Ko Dikhaayain Ye Zaroori To Nahi

Gar Zaroori Hay Teri Bazm E Sukhan Main Shirkat
Sher Hum Apne Sunaayen Ye Zaroori To Nahi

Is Zamanay Say Hum Ne Koi Gilaa Rakhain Gay
Dil Lagayein Gay To Na Shart-E-Wafa Rakhain Gay


Na Dikhayain Gay Kabhi Dil Pe Lage Zakhm Unhain
Dard Uthay Ga Magar Dil Ko Daba Rakhain Gay


Jaan De Dain Ge Agar Aik Ishaara Kar De
Ham Usay Apne Liye Bhi Na Bacha Ke Rakhain Gay


Sab Hata Dain Ge Teri Raah Ki Rukawat Hamdam
Ghar Ke Darwazay Ko Har Waqt Khula Rakhain Gay


Unki Har Baat Ko Bhoolay Say Na Bhoolain Gay Kabhi
Unki Yadoon Ko Bhi Seenay Se Laga Rakhain Gay


Toot Bhi Jaayegi Umeed Jo Tere Aanay Ki
Ek Diya Phir Bhi Hawaaon Main Jala Rakhain Gay.

Sub Ki Khushyun K Liye Hum Kia Nahi Karte
Aur Khud Apne Dukhoun Ki Parwa Nahi Karte
Afsana Banati Hai To Banati Rahe Dunya
Hum Aise Hain K Murd Kar Kabhi Dekha Nahi Karte

Har Ranj Musibat Ko Hans Kar Saha Hum Ne
Shaano Pe Rakh K Sar Kisi K Hum Roya Nahi Karte
Halaat Badalne Se Badal Jaate Hain Kuch Log
Hum Mausamon Ko Dekh Kar Bhi Badla Nahi Karte

Guzar Hi Gai Kuch Aur Guzar Jaaye Gi
Hum Beetay Dino Ki Janib Ishara Nahi Karte
Raat K Sannatay Mein Na Royen Gen Kabhi
Hum Din Se Kabhe Aisa Wada Nahi Karte...

Jo Khushi Tumharay Kareeb Ho
Wo Sada Tumhain Naseeb Ho

Tujhe Wo Khulos Milay Ke Jo
Teri Zindagi Pe Muheet Ho

Jo Mayaar Tujhko Pasand Ho
Jo Tumhare Dil Ki Umang Ho

Teri Zindagi Jo Talab Kare
Teray Hamsafar Ka Wo Rang Ho

Jo Khayaal Dil Main Aseer Ho
Or Dua Main Bhi Taseer Ho

Teray Haath Uthtay Hi Khuda Karay
Teray Saamne Tabeer Ho

Tujhe Wo Jahan Milay Jidhar
Ghamon Ka Koi Guzar Na Ho

Jidhar Rooshni Ho Khuloos Ki
Or Nafratoon Ko Khabar Na Ho.