Search

Main Hoon Ya Tu Hai ,Khud Se Gurezaan Jaise,
Mere Aage Koi Saya Hai,Kharaman Jaise..

Tujhse Pehle Toh Baharon Ka ,Yeh Andaaz Na Tha,
Phool Yun Khilte Hain,Jalta Ho Gulistaan Jaise…

Yun Teri Yaad Se Hota Hai ,Ujala Dil Mein,
Chandni Mein Chamak Uthta Hai,Bayaabaan Jaise..

Dil Mein Roshan Hai,Abhi Tak Tere Wadon Ke Chiraag,
Toot-Ti Raat Ke Taare Ho, Farozan Jaise..

Waqt Badla Per,Na Badla Mere Mayar-E-Wafa,
Aandhiyon Mein ,Sar-E-Kohsaar Charaghan Jaise..

Zakhm Bharta Hai Zamana,Magar Is Tarah,
Si Raha Ho Koi ,Phoolon Ke Girebaan Jaise…….

Muhabbat jin se hoti hai

Unhain khone ka dar har waqt DAMAN GEER rahta hai

Yaqeen ki akhri manzil pe akar bhi

Koi khadsha, koi shak, koi andesha

Buhat bechaen rakhta hai

Muhabbat jin se hoti hai

Unhain khone ka dar har waqt DAMAN GEER rahta hai



Kahin ye visal ke lamhe

Badal jayain na furqat mai

Kahin ye qurb ki ghariyan

Judai main na dhal jayain

Kahin aisa na ho k koi usko badgumaa kar de

Kahin aisa na ho k

Jis ko hum ne hasil-e-umr-e-rawa samjha

Jhatak kar hath wo bedard sab kuch raiga kar de

Kahin aisa na ho k

Wo meharbaan ankhain badal jayain

Kahin aisa na ho k

Ye garamjoshi sard par jaye

Tapaak-e-jaan se milne ki rawish

Yakh basta ho jaye

Ada-e-Dilbarana berukhi ka roop dhaaray

Aur dil ka dard ban jaye

Muhabbat jin se hoti hai

Unhain khone ka dar har waqt DAMAN GEER rahta hai

Kabhi mahfil mai sab ke samne wo ahtiyatan bhi

Agar nazrain churaye tou dil pe choot lagti hai

Ansooun ka mina barasta hai

Kabhi masrofiat mai, mahwiyat mai

Phone ki ghanti ka wo notice na le

Aur rabte ka silsila moqoof ho jaye

Dharak uthta hai dil

Kya janiye kya ho gaya us ko

Tawajja mai kami kyun agai…?

Kyun us ki janib ik sannata sa chaaya hai….?

Jo apna is qadar apna tha

Akhir kyun paraya hai..?

Muhabbat jin se hoti hai

Unhain khone ka dar har waqt DAMAN GEER rahta hai

Kab Udaasii Payaam Hotii Hai?
Jab Muhabbat Tamaam Hotii Hai

Kis Ke Chehre Pe Subh Jaagi Hai?
Jis Kii Aankhon Men Shaam Hotii Hai

Ishq Bantaa Hai Kis Gharii Sayyaad?
Jab Vafaa Zer-E-Daam Hotii Hai

Teis Bantii Hai Aagahii Kaise?
Khud Se Jab Ham-Kalaam Hotii Hai

Kyaa Kamii Hai Talab Kii Raahon Men?
Guftugu Naa-Tamaam Hotii Hai

Dil Ko Bhaatii Hai Kab Sabaa Bolo?
Jab Kisii Kaa Payaam Hotii Hai

Ye Muhabbat Hai Kyaa Bataaoge?
Khaas Shai Hai Jo Aam Hotii Hai

Din Guzarte Hain Kahan Raat Kahan Hoti Hai
Dard K Maaron Se Yeh Baat Kahan Hoti Hai

Ek Se Chehre To Hote Hein Is Duniya Main
Ek Si Sorat-E-Haalaat Kahan Hoti Hai

Zindagi K Wo Kissi Mor Pe Jab Mil Hi Gaye
Mil To Jaate Hain Mulakaat Kahan Hoti Hai

Aasmano Se Koi Boond Nahi Barse Gi
Jalte Sehraao Main Barsaat Kahan Hoti Hai

Yoon To Auron Ki Bohat Baatein Sunaai Unn Ko
Apni Jo Baat Hai Woh Baat Kahan Hoti Hai

Jaisi Agaaz-E-Mohabbat Main Hua Karti Thi
Waisi Phir Shidat-E-Jazbaat Kahan Hoti Hai

Pyar Ki Aag Bana Deti Hai Kundan Jin Ko
Un K Zehno Main Bhala Zaat Kahan Hoti Hai

Din Guzarte Hain Kahan Raat Kahan Hoti Hai
Dard K Maaron Se Yeh Baat Kahan Hoti Hai

Ek Se Chehre To Hote Hein Is Duniya Main
Ek Si Sorat-E-Haalaat Kahan Hoti Hai

Zindagi K Wo Kissi Mor Pe Jab Mil Hi Gaye
Mil To Jaate Hain Mulakaat Kahan Hoti Hai

Aasmano Se Koi Boond Nahi Barse Gi
Jalte Sehraao Main Barsaat Kahan Hoti Hai

Yoon To Auron Ki Bohat Baatein Sunaai Unn Ko
Apni Jo Baat Hai Woh Baat Kahan Hoti Hai

Jaisi Agaaz-E-Mohabbat Main Hua Karti Thi
Waisi Phir Shidat-E-Jazbaat Kahan Hoti Hai

Pyar Ki Aag Bana Deti Hai Kundan Jin Ko
Un K Zehno Main Bhala Zaat Kahan Hoti Hai

Ab To Khuvahish Hai K Yeh Zakham B Kha Kar Dekhain
Lamha Bhar Ko Hi Sahi Usko Bhula Kar Dekhain

Shehar Mein Jashan E Shab E Qadar Ki Saa-at Ayee
Aaj Hum B Terey Milney Ki Dua Kar Dekhain

Aandhiyun Se Jo Ulajhney Ki Kasak Rakhtey Hain
Ik Dia Tez Hava Mein B Jala Kar Dekhain

Kuch To Avara Havaon Ki Thakan Khatam Karain
Apney Qadmon K Nishaan Aap Mita Kar Dekhain

Zindagi Ab Tujhey Sochain Bhi To Dum Ghut-taa Hai
Hum Ne Chaha Tha, Kabi Tuj Se Vafa Kar Dekhain

Jin K Zarron Mein Khizaan Haanp K So Jati Hai
Aisi Qabron Pe Koi Phool Saja Kar Dekhain

Dekhna Ho To Mohabbat K Azza Daaron Ko
Na-Shanasayee Ki Diivaar Gira Kar Dekhain

Yun Bhi Dunya Humain Maqrooz Kiye Rakhti Hai
Dast E Qaatil Tera Ehsaan Bhi Utha Kar Dekhain

Roney Valon K To Humdard Bohat Hain Mohsin
Hanstey Hanstey Kabi Dunya Ko Rula Kar Dekhain

Ab To Khuvahish Hai K Yeh Zakham B Kha Kar Dekhain
Lamha Bhar Ko Hi Sahi Usko Bhula Kar Dekhain

Shehar Mein Jashan E Shab E Qadar Ki Saa-at Ayee
Aaj Hum B Terey Milney Ki Dua Kar Dekhain

Aandhiyun Se Jo Ulajhney Ki Kasak Rakhtey Hain
Ik Dia Tez Hava Mein B Jala Kar Dekhain

Kuch To Avara Havaon Ki Thakan Khatam Karain
Apney Qadmon K Nishaan Aap Mita Kar Dekhain

Zindagi Ab Tujhey Sochain Bhi To Dum Ghut-taa Hai
Hum Ne Chaha Tha, Kabi Tuj Se Vafa Kar Dekhain

Jin K Zarron Mein Khizaan Haanp K So Jati Hai
Aisi Qabron Pe Koi Phool Saja Kar Dekhain

Dekhna Ho To Mohabbat K Azza Daaron Ko
Na-Shanasayee Ki Diivaar Gira Kar Dekhain

Yun Bhi Dunya Humain Maqrooz Kiye Rakhti Hai
Dast E Qaatil Tera Ehsaan Bhi Utha Kar Dekhain

Roney Valon K To Humdard Bohat Hain Mohsin
Hanstey Hanstey Kabi Dunya Ko Rula Kar Dekhain

Har Ek Harf-E-Aarzu Ko Dastan Kiye Hue
Zamana Ho Gaya Hai Un Ko Mehmaan Kiye Hue

Surur-E-Aish Talkhi-E-Hayat Ne Bhula Diya
Dil-E-Hazin Hai Bekasi Ko Hijr-E-Jan Kiye Hue

Kali Kali Ko Gulistan Kiye Hue Vo Ayenge
Vo Ayenge Kali Kali Ko Gulistan Kiye Hue

Sukun-E-Dil Ki Rahaton Ko Un Se Mang Loon
Sukun-E-Dil Ki Rahaton Ko Bekaran Kiye Hue

Vo Ayenge To Ayenge Junun-E-Shauq Ubhaarne
Vo Jayenge To Jayenge Tabahiyan Kiye Hue

Main Un Ki Bhi Nigah Se Chhupa Ke Un Ko Dekh Loon
K Un Se Bhi Hai Aj Rashk Bad-Guman Kiye Hue

Shayad Abhi Hai Raakh Main Koi Sharar Bhi
Kyon Varna Intazar Bhi Hai Iztarar Bhi

Dhyan A Gaya Hai Marg-E-Dil-E-Namurad Ka
Milane Ko Mil Gaya Hai Sukun Bhi Qarar Bhi

Ab Dhundhne Chale Ho Musafar Ko Dosto
Hadd-E-Nigah Tak Na Raha Jab Ghubaar Bhi

Har Astan Pe Nasiyafarsa Hain Aj Vo
Jo Kal Na Kar Sake The Tera Intazar Bhi

Ik Rah Ruk Gai To Thithak Kyon Gai 'Ada'
Abad Bastiyan Hain Paharon Ke Par Bhe