Search

Kab kaun kisi ka hota hai
Sub jhootey rishtey naate hain…

Sub dil rakhney ki batein hain
Sub asal roop chhupate hain…

Ikhlaq se khali log yahan
Lafzon ke teer chalate hain…

bahaar nigahon ko dikha kar
Phir saari umar rulate hain…

Who jis NE diye hain ashk humein
AB us ko bhool hi jaate hain...!

Mainay kab Dard ki zakhmon se shikayat ki hai...

Haan mera jurm hai ke mainay mohabat ki hai...

Chalti phirti lashon ko gila hai mjse...

Shehar main rehkar mainay jeenay ki jasarat ki hai...

Aj pehchana nahi jata chehra uska..

Ik umer mere dil pe jis ne hukomat ki hai....

Aj phir dekha hai usay mehfil me pathar ban k..

Mainay ankhoo se nahi dil se baghawat ki hai...

Usko bhool janay ki ghalti bhi ho nahi Sakti.

Toot kar ki hai tu sirf mohabbat ki he...!

hai aur kya jisay dekhien teray jamaal key bad
tamam umr katti intezar mein apnii
koii bhi dukh na milla phir teray malal key bad
jawaab mil gya mujhey teri khamoshi sey
tumharey lafz kyoun khoye meray sawaal key bad
tumharey meray taaluq pey youn khizaan chaye
kabhi urooj nahi hai jisay zawaal key bad
main teri yaad key chehray ko dhaanp doon lekin
bachay ga kya meri jholi mein es kamaal key bad
wo ab kii baar milla es qadar takaluf sey
k kuch bhii na pooch paya main us sey haal key bad...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!

TUM AISA KARNA KOI JUGNU KOI SITARA SANBHAAL RAKHNA,

MERAY ANDHERON KI FIKR CHHORO BUS APNAY GHAR KA KHAYAL RAKHNA

DIYAR-E-ULFAT MEI AJNABI KO SAFAR HAI DAR PESH ZULMATON KA,

KAHIN WO RAAHON MEI KHO NA JAAEY ZRA DAREECHAY UJAAL RAKHNA,

WO RAAH O RASM HE NHI TO PHIR YEH ASASAY KIS KAAM K TUMHARAY,

IDHAR SAY GUZRA KABHI TO LAY LOON GA TUM MERAY KHAT NIKAAL RAKHNA,

BICHARNAY WALAY NAY WAQT-E-RUKHSAT KUCH eS NAZAR SAY PALaT K DEKHA,

K JESAY WO KEH RAHA HO TUM APNAY GHAR KA KHAYAL RAKHNA...!

Aey Naye Saal Bata Tujh Main Naya Kya Hai
Har Taraf Khalq Ne Kyun Shor Macha Rakha Hai
Roshni Din Ko Wohi Taaron Bhar Raat Wohi
Aaj Hum Ko Nazar Ati Hai Har Baat Wo Hi
Aasmaan Badla Hai Na Afsos Badli Hai Zameen
Eik Hindsay Ka Badalna Koi Jiddat To Nahi
Agley Barson Ki Tarah Hongey Qarennay Terey
Kisey Maloom Nahi Baraan Mahenay Terey
January,Feburary,Aur March Main Parray gi Sardi
Aur April,May,June Me Hogi Garmi
Tu Naya Hai To Dikha Subha Nayee,Shaam Nayi
Warna In Ankhon Ney Dekhey Hain Saal Kayee!!
Aur Bhi Besabab Detey Hain kyu Log Mubarakbadain!!
Galiban Bhool Gaye Waqt Ki karvi Yaadein!
Teri Aamad Sey Ghatti Umer Jahan Main Sab Ki!!
Faiz Ney Likhi Hey Ye Nazam Niralay Dhang Ki...!

zindagi aa, teray armaan badal kar daikhain
dil mai thhehra huwa mehmaan badl kar daikhain

aik ummeed ki surat mai mila hai koii
khaak ho janay ka imkaan badal kar daikhain

jiss ne bakhsha hamain pinddar, shanasaai ka
aaj hamm apni wo pehchan badal kar daikhain

meri aankhain bhi naye rung talab karti hain
ghar ka saara sar o saaman badal kar daikhain

wo jo harr baat ko halaat pe rakkh deta he
apnay andar ka wo insaan badal kar daikhain

meri dua to qabool hoti nahi hai ROOMI
mann k mandir ka hi bhaghwan badal kar daikhain...!

Meri aankhon mein umand aya hai dariya dil ka
Phir kaheen toot gya ho na kinaara dil ka

Bas mohabbat se rivayat hai kahaani dil ki
Chaar harfon se ibaarat hai fasaana dil ka

Saans rukti hai to phir jaan ka khayaal aata hai
Dil dharakta hai to lag jaata hai dharka dil ka

Isi koshish mein bohat umar ganwaa di maine
Phir bhi poora na hoa mujh se khasaara dil ka

Meri payaab tamanain batati hain mujhay
Sookh jay ga kuch roz me dariyaa dil ka

Badli badli si sadaa deti hai dharkan dil ki
Hijr mein or hi ho jaata hai lehjaa dil ka

Kiyoon na ay dost abhi tark a mohabbat kar lein
es se pehlay ke badal jay iraada dil ka

Fikr-e-duniya mein mere dil ko bhulanay walay
Teri duniya se zyada hai asaasa dil ka

Ishq kaattay ga abhi or chahtain SAGHAR
Aqal dekhay gi abhi or tamaasha dil ka...!

Mohabbat Ka Irada Badal Jana Bhi Mushkil Hai,
Unko Khona Bhi Mushkil Hai Unko Pana Bhi Mushkil Hai...

zara Si Baat Pe Aankhe Bhigokar Baith Jate Hain,
Unko To Apne DIL Ka Haal Batana Bhi Mushkil Hai...

Udasi Unke Chehre Par Gawara Bhi Nahi,
Uski Khatir Sitare Toor kar Lana Bhi Mushkil Hai...

Yaha Logon Ne Khud Par Itne Parde Daal Rakhe Hain,
Kis Ke DIL Me Kya Hai Nazar Aana Bhi Mushkil Hai...

Maana Ki Khwab Me Mulakat Hogi Unse Magar,
Unke Bina Neend Aa Pana Bhi Mushkil Hai...!