Search

bedili se hansne ko khush-dili na samjha jaye gHam se jalte chehre ko raushni na samjha jaye...gahE gahE wahshat main ghar ki simt jata hun .....isko dasht-e-hairat se wapsi na samjha jaye..lakh khushguman duniya bahimi talluq ko..dosti kahen lekin dosti na samjha jaye..ham to bas ye kahte hain roz jine marne ko..aap chahen kuch samjhen zindagi na samjha jaye...khaq karne walon ki kya ajib khwahish thi...khaq hone walon ko khaq hi na samjha jaye.!

gham ki taweel qaid se mujh ko rehai de
kuch din agar woh chaand sa chehra dikhai de

taweez aisa de koi apnay mureed ko
murshid woh mere hath mein apni kalai de

gham k marun k sisaknay ka samaan dekha ha,
dard insan k pehlu main jwan dekha ha,

dard or dukh to milay mil na saka dil ko sukoon,
dil k har parday main ek gham ko nihaan dekha ha,

gulshan aabad tah e daam e sayadaan hi raha,
har jaga bulbuloon ko mehv e fighaan dekha ha,

pinhaan rehti hi nahi aatish e ulfat ki tapash,
Quais o Farhad k jalnay ka dhuwaan dekha ha,

kis qadar zulm ha insaan ka insaan k sath,
waqt ki ankh se ashkoon ko rawaan dekha ha,

kis k ajanay se ai FAZAL teray hosh uray,
yad tak bhi na raha kis ko kahan dekha ha,

Qarz gham ka chukana parha hai
ro k bhi muskurana parha hai

satch ko satch keh diya tha usii par
meray peetchay zamana parha hai

ik Khuda k na aagay jhukay to,
dar ba dar sar jhukana parha hai

tujh ko apna bananay ki khatir
sab ko apna banana parha hai

kya batayain k kin mushkilo'n mai
zindagi ko nibhana parha hai

sang dil hain jo mash'hoor NUZHAT
shair unko sunana parha hai

shiddat e gham ko tabssum se chhupanay walay
dil ka har raaz aankhon se ayan hota hai

Jis sey bandhey thay dono, wo gham nahi rahey hain,
Tum tum nahi rahey ho, hum hum nahi rahey hain,

Chaahat k geet men hai, koi kami yaqeenan,
Aakhir terey merey sur jumm nahi rahey hain,

Ro ro k terey dukh, sehra sa ho gaya hoon,
Ab aankh k kinaray bhi nam nahin rahey hain,

Lamhon k pairr par hain, kuch phool dard-e-gham k,
Jeewan men ab khushi k mausam nahi rahey hain,

Tu aur simt men hai, mein aur simt men hoon,
Ulfat k raastay ab baaham nahi rahey hhain,

Fikr-e-muaash ney tau jazbon ko rond daala,
Aashiq wagarna hum bhi kuch kam nahi rahey hain,

Raahon men ab kharra hoon, phelaaye haath khaali,
Gham thay mera asasa aur gham nahi rahey hain...!

Badal saka na judai k gham utha kar bhi
K main dhokay main hi raha tujh say door ja kar bhi

Main sakht jaan tha es qurb say b bach nikla
Main jee raha hoon tujhe hath say ganwa kar bhi

Khuda kare tujhe doori hi raas ajaye
Tu kya kare ga bhala ab yahan par aa kar bhi

Abhi tu mere bikharne ka khail baqi hai
Main khush nahi hoon abhi apna ghar lota kar bhi

Abhi tu us ne koi bhi faisla na kiya
Wo chup hai mujhko har tarha say aazma kar bhi

Wo aur log the jin ka ajaz haal howa
Hume tu kuch na mila apna ap mita kar bhi

Khula ye bhaid k tanhaiyan hi qismat hain
Ek umar dekh liya mehfilein saja kar bhi

Ghazal kehne pay bhi sochoon ka bojh kam na howa
Sakoon na mill saka ahwal-e-dil suna kar bhi

Ruka na zulm mere rakh banne par bhi Riyaz
Hawa ki khoj tu wahi hai mujhe jala kar bhi...!

Habs-e-jaan aisa tha phir shiddat-e-gham ko tarsay
Be hissi woh thi k deeda e num ko tarsay

Tujh se bichre tou koi raah na manzil koi
Aise bhatkay k tere naqsh-e-qadam ko tarsay

Zakhm aise the jin ka koi dermaan na hua
Umer bher hum tou tere dast-e-karam ko tarsay

Paas reh ker tha jinhain zakhm-e-taghaful ka gila
Tujh se bichray tou tere zulm-o-sitam ko tarsay...!