Search

Gham-E-Hijr-E-Yaar Kab Tak Rahoon Be-Qaraar Kab Tak?
Mere Dil Bata Yeh Mujh Ko Karoon Us Ko Pyar Kab Tak?

Ye Hujoom-E-Naa-Muraadi Gham-E-Be-Shumaar Kab Tak?
Teri Baat Kaa Bharosa Tera Intizaar Kab Tak?

Shab-E-Hijr Ki Udaasi Kaheen Mujh Ko Le Na Doobe!
Meri Dharkanon Peh Ho Gaa Teraa Ikhtiyaar Kab Tak?

Nah Hi Aaj Kaa Bharosa, Nah Hi Kal Ki Hain Umeedein
Teri Reh-Guzar Takoon Main, Shab-E-Wasl-E-Yaar Kab Tak?

Jahaan Dekhiye Andheraa! Jahaan Sochiye Udaasi!
Raah-E-Zindagee Mein Yaa Rab! Rahe Gaa Ghubaar Kab Tak?

Main Nikal Paraa Thaa Tanhaa, Liye Saare Ranj Dil Par
Magar Phir Khayaal Aayaa Ke Sahoon Ye Baar Kab Tak?

Meri Aankhein Tak Rahin Hain Teri Waapsi Ki Raahein
Tu Hi Ab Bataa De Mujh Ko Karun Intizaar Kab Tak?!

Mujhe Yoon Tou De Gayaa Hai Woh Dilaasa Jaate Jaate
Magar Ab Yeh Sochta Hoon Karoon Etibaar Kab Tak?

Gham-E-Zindagi Teri Raah Mein
Shab-E-Aarzo Teri Chaah Mein
Jo Ujar Gaya Woh Basa Nahin
Jo Bichar Gaya Woh Mila Nahin
Jo Dil-O-Nazar Ka Suroor Tha
Mere Paas Reh Ke Bhi Door Tha
Wohi Ek Gulaab Umeed Ka
Meri Shaakh-Jaan Peh Khila Nahin

Fuzool hai un sey yeh tamanna key merey gham ki dawa karein gay
Tabahi-e-dil pey jo tulay hon woh dil ki ta’ameer kiya karein gay

Qadeem aik rasm-e-dosti hai magr hai ab bhi wohi ta’alluq
Sitam sahe hain, sitam sahein gey, wafa key badley jafa karein gay

Na zindagi ko sukoon mila hai, na zindagi ney sukoon diya hai
Kabhi jo pohanchay us aastaan tak tu zindagi ka gila karein gay

Shareek-e-bazm-e-hayaat tum they tu aarzu’oon mein roshni thee
Tumhari qurbat sey duur reh kar sukoon mila tu kiya karein gay

Kisi ko maaloom tak na hoga key hum ko thi aap sey muhabbat
Kisi ko mahsoos tak na hoga kuch is tarah hum wafa karein gay

Mata-e-qalb o nazar luta kar uthaye mehroomiyun ke sadme
Gham-e-zamana teri hikaayat baray mazay sey kaha karein gay

Khushi ki halki si aik kiran bhi dil o nazar mein nahi hai zakir
Udaasiyun per hi aasra hai kiya bhi shikwa tu kiya karein gay

mere GHam kaa Hisaab mat keejo
vaqt apnaa KHaraab mat keejo

shikvah e iztiraab mat keejo
us ke ruKH ko gulaab mat keejo

maiN ne tujh ko chunaa hai, KHair hu`ee
tu miraa intiKHaab mat keejo

do hee din kaa faqat tamaashaa hai
kuchh GHuroor, ai shabaab! mat keejo

zindagee kis se fatH hotee hai?
i'tibaar e saraab mat keejo

jo miree chashm e tar meiN rehte haiN
un peh yaa rab! 'azaab mat keejo

mujh se tanhaa`ee meiN nimaT leejo
bazm meiN aab aab mat keejo

sharmsaaree see sharmsaaree hai
Hashr meiN tu Hisaab mat keejo

maiN bahot aas le ke aayaa huN
aaj ke din Hijaab mat keejo

kahiyo :Aamir: se "shaGHl she'roN kaa
ai taKHallus_ma`aab! mat keejo",

Yeh dil bicherne ka gham bhula'aye tou neend aye
Zehan se tera khayal jaye tou neend aye

Mere seene mein yaadon ki roshni hay
Humare ander bhi raat cha'aye tou neend aye

Na jane kyoun ho rahi hay tanhaiyon se wehshat
Ju aaj shab chand doob jaye tou neend aye

Main akhri saans ko sambhalay hoye khara hon
Koi usay aaj shab bula'aye tou neend aye

Humain humare udaas baalon mein
Woh phair ker ungliyan sula'aye tou neend aye,

Gham-E-Zindagi Tera Shukriya – Teray Faiz He Sey Ye Haal Hai
Wahi Subh O Shaam Ki Uljhanein Wahi Raat Din Ka Wabal Hai

Na Chaman Mein Boo-E-Saman Rahi Naa He Rung Lala O Gul Raha
Tu Khafa Khafa Sa Hai Waqayee Ke Ye Sirf Mera Khayal Hai

Mein Ghumon Sey Houn Jo Yun Mutmaeen Tu Bura Na Maniye Tu Mein Kahon
Teray Husn Ka Nahi Faiz Kuch Meri Aashqee Ka Kamal Hai

Hai Ye Aagh Kaisee Laghee Hovi Meray Dil Ko Aaj Hova Hai Kiya
Jo Hai Ghum Tu Hai Ghum-E-Aarzo Aghar Hai Tu Fikr-E Visaal Hai

Koi Kaash Mujh Ko Bata Sakey Reh O Rasm Ishq Ki Uljhanein
Wo Kahey Tu Baat Patay Ki Hai Mein Kahon Tu Khaam Khayal Hai

Ye Bata Ke Kiya Hai Tujhay Hova Paye Ishq Sarwar Ghumzdaa
Na Wo Mastiyan Na Wo Shokhiyan Na Wo Haal Hai Na Wo chaal Hai......

Ya Rabb gham-e-hijran mein itna to kia hota
Jo haath jigr per hai wo dast-e-dua hota

Ek ishq ka gham aafat aur us pe ye dil aafat
Ya gham na dia hota ya dil na dia hota

Nakaam-e-tamanna dil is soch mein rehta hai
Youn hota to kya hota, youn hota to kya hota

Umeed to bandh jati taskeen to ho jati
Waada na wafa krte waada to kia hota

Gheiron se kaha tum ne, gheiron se suna tum ne
Kuch hum se kaha hota kuch hum se suna hota,

وہ جو غم کی پہلی بہار میں بنے آشنا
انہیں کوئی غم کا سندیس بھیج کے دیکھیے
انہیں پوچھیے
کہ نگاہِ وصل شناس میں کوئی اور ہے
جو ستارہ وار بلا رہا ہے کسی طرف
کہ یہ اپنی ذات سے کشمکش کی دلیل ہے
کوئی کیا کہے
کہ نئے جہان کی آرزو کے طلسم سے ہے
زبان گنگ
کوئی سنے بھی تو کیا سنے
کہ بلا کا شور امڈ رہا ہے فصیلِ شہرِ خیال سے
یہ جو حدِ شہرِ خیال ہے
یہ جُنوں کے گِرد خرد کی ایک فصیل ہے
یہ دلیل ہے
کہ وہ اپنی ذات کے عشق میں رہے سرگراں
انہیں کوئی نام?ِ عشق بھیج کے دیکھئے
کہ اِدھر بھی ایک ستارہ ہے
جو نئے جہاں کی سبیل ہے
انہیں ڈھونڈیے
وہ جوغم کی پہلی بہار میں، بنے آشنا