Search

حقیقت میں انگریزی کے ان حروف کا تلفظ تقریباً ویسا ہی ہوتا ہے جیسا کہ اُوپر دیئے گئے اُردو کے حروف کا ہوتا ہے۔ لیکن اگر آپ انگریزی کے Consonants حروف کا حقیقی تلفظ جاننا چاہتے ہیں تو ہم آپ سے صرف یہی کہہ سکتے ہیں کہ اگر آپ گہری نظر سے آوازوں کو پہچاننے کی کوشش کریں گے تو محسوس کریں گے کہ ان سبھی انگریزی Consonants کا تلفظ مختلف ہوتا ہے۔

آپ کسی اہلِ زبان یعنی جس کی مادری زبان انگریزی ہو، کے منہ سے ان Consonants کا تلفظ سنیں گے تو آپ اس نتیجے پر پہنچیں گے کہ B,D,G,K,P,T بالکل، ب، ڈ، گ، ک، پ، ٹ، کے برابر نہیں ہیں۔ یہ ب، بھ، د، دھ، گ، گھ، ک، کھ، پ، پھ، ت، ٹ کے درمیان کہیں بولے جاتے ہیں۔ اسی طرح J ج کی طرح نہیں بلکہ کچھ کچھ جو (جاب Job) کی طرح بولا جاتا ہے۔ مگر یہ اتنا باریک فرق ہے کہ اکثر توجہ دینے پر ہی محسوس کئے جاسکتے ہیں۔ اس کے لئے آپ ٹی وی یا ریڈیو پر نشر ہونے والے خبرنامہ کو سنیئے یا جب کوئی انگریزی ٹیلی کاسٹ یا براڈ کاسٹ کر رہا ہو تو اس کی تقریر بغور سنیئے اس طرح آپ اپنے تلفظ کو ٹھیک کرسکتے ہیں۔ اب R کو لیجئے ہم ار، ر بولتے ہیں تب زبان میں ایک تھر تھراہٹ پیدا ہوتی ہے۔ ہم چُھری کہتے ہیں تب بھی "ر" کہتے وقت زبان میں تھر تھری پیدا ہوتی ہے۔ انگریزی کے آر R کا کچھ ایسا ہی تلفظ ہے۔ Round, Real, Roll, Run اس کا فرق بھی آپ بار بار سُن کر ہی جان سکتے ہیں۔ R سے پہلے Vowel ہو اور R کے بعد حرفِ صحیح ہو تو یہ بہت ہلکے سے بولا جاتا ہے۔ اور کبھی بالکل خاموش رہتا ہے۔ اس سے پہلے کا واول کچھ لمبا کھینچ جاتا ہے۔ جیسے Form فارم، Arm آم، Art آٹ وغیرہ۔ S کا تلفظ "س" کی طرح تو ہوتا ہے۔ لیکن "س" ایسے بولا جاتا ہے جیسے سیٹی بجاتے وقت آواز نکلتی ہے جیسے سویٹ Sweet

ان Consonants کا تلفظ تقریباً اُردو کے حروف کے تلفظ کی طرح ہوتا ہے۔

F اور Ph دونوں حروف کا تلفظ ف ہی ہوتا ہے جیسے فال Fall اور فلاسفی Philosophy وغیرہ۔

اردو کے کچھ الفاظ کی آوازیں انگریزی کے دو حرف مل کر دیتے ہیں۔ لہٰذا انگریزی دو
حرفی آوازیں۔

ch چ، چھ، th تھ، ٹھ، ph پھ، ف، sh ،ش، gh، گھ، غ، gh سے پہلے (Vowel) ہو تو gh کا
تلفظ، (Silent) ہوتا ہے جیسے رائٹ Right نہیں تو گھ ہوتا ہے۔

نوٹ: q کے ساتھ u لگتا ہے جیسے quick, cheque وغیرہ۔