Search

Ek Beqarari Mein Doob Kar,
Ek Masti Mein JhooM Kar,
Mohabbat Ne Apna Izhaar Chaha
Zindagi Mein Pehli Baar
Dil Ne Kisiko Dil Se Chaha,

Khwaab Bane Aarzu Ki Tarah,
UMMid Bani Zindagi Ki Tarah,
Har Ehsaas Ne Iqraar Chaha,
Zindagi Mein Pehli Baar
Dil Ne Kisiko Dilse Chaha,

Aitbaar Ka Haath ThaaM Kar
Yaadon Ko HaMraah Le Kar,
Is MasooM Ne Be-Ikhtiyar Chaha,
Zindagi Mein Pehli Baar,
Dil Ne Kisiko Dilse Chaha,

Ek Khoobsurat ItMinaan Ki Tarah,
TuM Hue HaMari Dua Ki Tarah,
HuMne TuMhe Toot Kar Chaha,
Zindagi Mein Pehli Baar
Dil Ne Kisiko Dilse Chaha...

Pehlu mein mere dekh wahi dil hai aaj bhi

Roshan isi charagh se mahfil hai aaj bhi

Ab bhi hai kehkashan tere partu se raah-e-shoque

Pur noor sham-e-jaada-e-manzil hai aaj bhi

Ab bhi hyat-e-shaque ki kashti hai taiz ra'o

Her mauj ek ummeed ka saahil hai aaj bhi

Ab bhi hai eik kaif umeed-e-karam k saath

Ek lutf intezaar mein shamil hai aaj bhi

Ab bhi hai mujh ko ishq ki hikmat pe aitmaad

Dil ko umeed-e-hal-e- masaael hai aaj bhi

Ab bhi hai her nigah teri rooh-e-aarzoo

Tu jaan-e-shaque ban k muqabil hai aaj bhi

Woh dil k mujh ko naaz raha jis pe muddaton

E dost!tere naaz k qabil hai aaj bhi.....!!!!

Ai Dil Un Ankhoon Per Na Ja
Jin Mein Wafoor-E-Ranj Hai
Kuch Dair Ko Tere Liye
Ansoo Agar Lehra Gaye

Yeh Chand Lamhoon Ki Chamak
Jo Tujh Ko Pagal Ker Gai!
In Jugnuon Ke Noor Se
Chamki Hai Kab Woh Zindagi
Jis Ke Muqadar Mein Rahi
Subh-E-Talb Se Teergi

Kis Sooch Mein Gum-Sum Hai Tu
Ai Be-Khabar! Nadaan Na Ban
Teri Fusarda Rooh Ko
Chahat Ke Kantoon Ki Talab
Aur Us Ke Daman Main Faqt
Humdardion Ke Phool Hein

Dil Shikasta Apnay Jaisa Yahan Koi Dafan Hai
Der Tak Raat Ko Roney Ki Sada Aati Hai

Jaisay Chashmay Peh Nahati Hui Shehzad-E-Khuab
Chandni Raat Ab Ashkon Main Naha Jati Hai

Kia Yahan Dasht-E-Tamanna Main Koi Phool Khila
Ab Idher Roz Kai Baad-E-Saba Aati Hai

Kis Dastak Nay Bohat Chupkay Sey Sergoshi Ki
Chand Sey Chandni Nazdeek Hui Jati Hai

Meri Aankhon Main Uter Aaye Hain Kaley Baadal
Jao So Jao K Mausam Bara Jazbaati Hai

Khushk Patton Ko Koi Rond Raha Hai Shayed
Baal Bikhraye Huye Baad-E-Saba Aati Hai

Yaadon Ko Apne Dil Se Mita Kyu Nahi Dete,
Jo Jaa Chuka Hai Us Ko Bhula Kyu Nahi Dete.

Mujrim Hoon Main Tera Mujhe Itna To Bata,
Khamosh Khare Hu Saza Kyon Nahi Dete.

Kahin Ghar Nahi Baste Hai Jin Ki waja Se,
Un Adhjali Rasmon Ko Jala Kyu Nahi Dete.

Us Ne Tumhari Khaatir Kiya Kiya Nahi Kiya,
Tum Us Ki Wafaaon Ka Sila Kyu Nahi Dete.

Tumhein Mujh Se Mohabbat Hai Jaanta Hoon Main,
Ye Baat Apne Lab Se Bata Kyu Nahi Dete.

Anmol Khazana Hain Muskurahatein Teri,
Thoda Sa isay Mujh Pe Luta Kyu Nahi Dete.

Wo Aag Jo Dil Mein Lagaai Thi Kabhi Tum Ne,
Wo Aag Aaj Khud Hee Bujha Kyu Nahi Dete.

Ek Arsa Howa Chain Se Soye Howe
Mera Chain, Meri Neend Luta Kyu Nahi Dete

Mohabbat Karne Walay Dil

Bas Unka Aik Hi Mahwar

Bas Unka Aik Hi Markaz

Bas Unki Aik Hi Manzil

Bas Unki Justaju Ka Aur Tarap Ka

Aik Hi Haasil

Unhain Bas Aik Hi Dhun Hai

KHUDA Mehboob Ko Unke

Hamesha Shaadman Rakhay

Na Uska Dil Kabhi Tootay

Na Koi Saneha Guzray

Koi Ghum Choo Nahi Paaye

Udaasi Pass Na Aaye

Mohabbat Karnay Walay Dil

Buhat Hassaas Hotay Hain

Mohabbat Karnay Walay Dil

Kabhi Sauda Nahi Kartay

Na Koi Shart Rakhte Hain

Na Unke Moawzey Ki Hiras Hoti Hai

Kisi Rad-E-Amal Se Ya Badal Se

Unko Kya Matlab

Ana Se Unka Kya Rishta

Jafa Se Kya Ilaqa

Unhe To Aik Hi Dhun Hai

KHUDA Mehboob Ko Unke

Hamesha Shaadmaa Rakhey

Nahe jo dil mein jaga to nazar mein rehnay do
Meri hayaat ko apnay asar mein rehnay do

Koi to khuwab meri raat ka muqaddar ho
Koi to aks meri chashm-e-tar mein rehnay do

Main apni soch ko teri gali mein chorr aaya
Tum apni yaad ko meray huner mein rehnay do

Ye manzilein to kisi aur ka muqaddar hain
Mujhy bus apnay junoon-e-safar mein rehnay do

Haqeqatein to bohat talkh ho gayi hain......
Meray wajood ko khuwabon k ghar mein rehnay do

Dil Ibadat Kar Raha Hai
Dhadkane Meri Sun,
Tujhko Main Kar Loon Hasil Lagi Hai Yahi Dhun.
Zindgi Ki Shakh Se Lo Kuch Haseen Pal Le Chun
Tujhko Main Kar Lo Hasil Lagi Hai Yahi Dhun


Jo Bhi Jitne Pal Jiyun
Unhe Tere Sang Jiyun
Jo Bhi Kal Ho Ab Tera Usey Tere Sang Jiyun
Jo Bhi Saanse Main Bharoo Unhe Tere Sang Bharoo
Chahe Jo Hona Rasta Usey Tere Sang Chalon

Dil Ibadat Kar Raha Hai
Dhadkane Meri Sun
Tujhko Main Kar Lo Hasil Lagi Hai Yahi Dhun

Mujhko De Tu Mit Jaane
Ab Khudse Dil Mil Jaane
Kyu Hai Yeh Itna Fasla..
Lamhe Yeh Phir Na Aane
Inko Tou Na De Jaane
Tu Mujh Pe Khud Ko De Loota..
Tujhe Tujhse Tor Loo Kahin Khudse Jor Loo
Mere Jism O Jaan Main Aa Teri Khusboo Orh Loo

Jo Bhi Saanse Main Bharoo Unhe Tere Sang Bharoo
Chahe Jo Hona Rasta Use Tere Sang Chalon
Dil Ibadat Kar Raha Hai
Dhadkane Meri Sun
Tujhko Main Kar Loo Hasil Lagi Hai Yahi Dhun

Bahoon Main De Bas Jaane
Sine Main De Chhup Jaane
Tujh Bin Main Jaaunga Kahan????
Tujhse He Mujhe Ko Paane Yaado K Woh Nazrane
Ek Jin Pe Haq Ho Bas Mera

Teri Yaado Main Rahon
Tere Khwabo Main Jagoo
Mujhe Doondhe Jab Koi
Teri Aankho Main Milon

Jo Bhi Saanse Main Bharoo
Unhe Tere Sang Bharoo
Chahe Jo Ho Rasta Usey Tere Sang Chalon

Dil Ibadat Kar Raha Hai
Dhadkane Meri Sun
Tujhko Main Kar Loo Hasil Lagi Hai Yahi Dhun